प्रेरितों रा कांम 22
22
भीड़ रै सांमै पौलुस रौ भासण
1“हे भाइयो अर पितरो, म्हारौ जबाब सुणौ, जिकौ म्हैं अबै थौरे सांमै कैवूं हूं।”
2वे ओ सुणनै की वो म्हौरै ऊं इबरानी भासा में बोले है, और भी चुप हो गिया। तद उणै कयौ, 3#प्रेरि 5:34–39“म्हैं तो यहूदी मिनख हूं, जिकौ किलिकिया रै तरसुस में जनमियौ, पण इण नगर में गमलीएल रै चरणौ में बिठायनै पढ़ायो गियौ, अर बापदादों री व्यवस्था री ठीक रीति ऊं सिखायौ गियौ। अर परमेसर रै लियै ऐड़ी धुन लगाए ही, ज्यूं थै सगळा आज लगायोड़ा हो। 4#प्रेरि 8:3; 26:9–11म्हैं यीसु रै पंथ नै मांनणै अर चलनै वाळौ नै एठै तांई सतायो की उणौनै मरवा भी दिया। म्हैं कांई मिनख अर कांई लुगाई सगळौ नै बांधनै जेळखानै में घालतौ हो। 5इण बात रै लियै महायाजक अर सगळा बुढ़िया गवाई है, की उण ऊं म्हैं भाइयो रै नाम चिठ्ठियो लेयनै दमिसक जा रियौ हो, की उठै रा जिकौ इण पंथ माथै चालै उणौनै भी डंड दिलानै रै लियै बांधनै यरुसलेम लाऊं।
पौलुस रौ मन कीकर बदळयौ
(प्रेरितों रा कांम 9:1–19; 26:12–18)
6“जद म्हैं चालते-चालते दमिसक रै नजीक पूगा, तो ऐड़ौ होयौ की दोपार रै लगोलग एकाएक एक घणौ उजाळौ आभै ऊं म्हारै च्यांरूमेर चमकियो। 7अर म्हैं धरती माथै पड़ गियौ अर ओ सबद सुण्यौ, ‘हे साऊल, हे साऊल, थूं म्हनै क्यूं सतावै है?’
8“म्हैं जबाब दियौ, ‘हे परभु, थूं कुण है?’
“उणै म्हनै कयौ, ‘म्हैं यीसु नासरी हूं, जिणनै थूं सतावै है।’ 9म्हारै साथियो उजाळौ तो देख्यौ, पण जिकौ म्हारै ऊं बोलतौ हो उणरा सबद नीं समझया।
10“तद म्हैं कयौ, ‘हे परभु, म्हैं कांई करूं?’
“परभु म्हनै कयौ, ‘उठनै दमिसक में जा, अर जिकौ कीं थारै करणै रै वास्तै ठैरायौ गियौ है उठै थनै सगळौ बता दियौ जावैला।’ 11जद उण उजाळै रै तेज रै खातर म्हनै कीं दिखाई नीं दियौ, तो म्हैं अपणै साथियो रै हाथ पकड़े होयौ दमिसक में आयौ।
12“तद हनन्याह नाम रौ व्यवस्था रै अनुसार एक भगत मिनख, जिकौ उठै रैवणवाळा सगळै यहूदियो में सुनाम हो, म्हारै खनै आयौ, 13अर ऊभौ होयनै म्हनै कयौ, ‘हे भाई साऊल, पाछौ देखन लाग।’ उणीज घड़ी म्हारै आंखे खुल गी अर म्हैं उणनै देख्यौ।
14“तद उणै कयौ, ‘अपांरै बापदादों रै परमेसर नै थनै इण वास्तै ठैरायौ है की थूं उणरी इछा नै जांणै, अर उण धरमी नै देखे अर उणरै मूंडै ऊं बातां सुणै। 15क्यूंकै थूं उणरी तरफ ऊं सगळै मिनखौ रै सांमै उण बातां रौ गवाई होवैला जिकौ थै देखी अर सुणी है। 16अबै क्यूं मोड़ौ करै है? उठ, बतिस्मो ले, अर उणरौ नाम लेन खुद रै पापों नै धो दे।’
17“जद म्हैं वळै यरुसलेम में आयनै मिंदर में पराथना कर रियौ हो, तो म्हैं आतमा में दरसण देख्यौ, 18अर उणै देख्यौ की परभु म्हारै ऊं कैवै है, ‘फुरती करनै यरुसलेम ऊं झट निकळ जा, क्यूंकै वे म्हारै बारै में थारी गवाई नीं मानैला।’
19“म्हैं कयौ, ‘हे परभु, वे तो आप जांणै है की म्हैं थौरे माथै विसवास करणैवाळौ नै जेळखानै में घालतौ अर जगा-जगा पराथना घर में ठोकातो हो। 20#प्रेरि 7:58जद थारा गवाई स्तिफनुस रौ खून बहायौ जा रियौ हो तद म्हैं भी उठै ऊभौ हो अर इण बात में सहमत हो, अर उणरै घातकों रै गाभौ री रूखाळी करतौ हो।’
21“अर उणै म्हनै कयौ, ‘थूं जा, क्यूंकै म्हैं थनै दूजी जातियो रै खनै दुर-दुर भेजूंला।’ ”
22वो लोग इण बात तांई पौलुस री सुनता रिया, तद जोर ऊं चिलायौ, “ऐड़ै मिनख रौ नास करौ, ओ जीवतौ रैवण लायक कोनीं।”
23जद वे चिलाता अर गाभा फेंकता अर आभै रै सांमै धूड़ उडा रिया हा, 24तो पलटन रै सरदार कयौ, “इणनै गढ़ में ले जाओ, अर कोड़ा ठोकनै पूछताछ करौ, की म्हैं जांणूं की लोग कीण खातर उणरै विरोध में ऐड़ा चिला रिया है।”
25जद उणौ उणनै कोड़ा लगाणै रै वास्तै बांधयो तो पौलुस नै उण सूबेदार ऊं जिकौ खनै ऊभौ हो, कयौ, “कांई ओ सही है की थै एक रोमी मिनख नै, अर वो भी बिना दोसण ठैरायोड़े, रै कोड़ा ठोकौ?”
26सूबेदार ओ सुणनै पलटन रै सरदार रै खनै जायनै कयौ, “थूं ओ कांई करै है? ओ तो रोमी मिनख है।”
27तद पलटन रै सरदार नै उणरै खनै आयनै कयौ, “म्हनै बता, कांई थूं रोमी है?”
पौलुस कयौ, “हां।”
28ओ सुणनै पलटन रै सरदार कयौ, “म्हैं रोमी होणै री नागरिकता रै लियै घणाहारा रूपिया दिया है।”
पौलुस कयौ, “म्हैं तो जनम ऊं रोमी हूं।”
29तद जे लोग उणनै जांचनै वाळा हा, वे तुरत उणरै खनै ऊं आगा हो गिया, अर पलटन रौ सरदार भी ओ जांणनै की ओ रोमी है अर म्हैं उणनै बांधयो है, डर गियौ।
महासभा रै सांमै पौलुस
30दूजै दिन उणै ठीक-ठीक जांणणै री इछा ऊं की यहूदी उण माथै क्यूं दोसण लगावै है, उणरै बंधन खोल दिया, अर परधान याजकौ अर सगळी महासभा नै भेळी होणै री आग्या दीनी, अर पौलुस नै नीचे ले जायनै उणरै सांमै ऊभौ कर दियौ।
Currently Selected:
प्रेरितों रा कांम 22: RWR
Highlight
Share
Copy
Want to have your highlights saved across all your devices? Sign up or sign in
© NLCI CC BY-NC-ND 4.0
प्रेरितों रा कांम 22
22
भीड़ रै सांमै पौलुस रौ भासण
1“हे भाइयो अर पितरो, म्हारौ जबाब सुणौ, जिकौ म्हैं अबै थौरे सांमै कैवूं हूं।”
2वे ओ सुणनै की वो म्हौरै ऊं इबरानी भासा में बोले है, और भी चुप हो गिया। तद उणै कयौ, 3#प्रेरि 5:34–39“म्हैं तो यहूदी मिनख हूं, जिकौ किलिकिया रै तरसुस में जनमियौ, पण इण नगर में गमलीएल रै चरणौ में बिठायनै पढ़ायो गियौ, अर बापदादों री व्यवस्था री ठीक रीति ऊं सिखायौ गियौ। अर परमेसर रै लियै ऐड़ी धुन लगाए ही, ज्यूं थै सगळा आज लगायोड़ा हो। 4#प्रेरि 8:3; 26:9–11म्हैं यीसु रै पंथ नै मांनणै अर चलनै वाळौ नै एठै तांई सतायो की उणौनै मरवा भी दिया। म्हैं कांई मिनख अर कांई लुगाई सगळौ नै बांधनै जेळखानै में घालतौ हो। 5इण बात रै लियै महायाजक अर सगळा बुढ़िया गवाई है, की उण ऊं म्हैं भाइयो रै नाम चिठ्ठियो लेयनै दमिसक जा रियौ हो, की उठै रा जिकौ इण पंथ माथै चालै उणौनै भी डंड दिलानै रै लियै बांधनै यरुसलेम लाऊं।
पौलुस रौ मन कीकर बदळयौ
(प्रेरितों रा कांम 9:1–19; 26:12–18)
6“जद म्हैं चालते-चालते दमिसक रै नजीक पूगा, तो ऐड़ौ होयौ की दोपार रै लगोलग एकाएक एक घणौ उजाळौ आभै ऊं म्हारै च्यांरूमेर चमकियो। 7अर म्हैं धरती माथै पड़ गियौ अर ओ सबद सुण्यौ, ‘हे साऊल, हे साऊल, थूं म्हनै क्यूं सतावै है?’
8“म्हैं जबाब दियौ, ‘हे परभु, थूं कुण है?’
“उणै म्हनै कयौ, ‘म्हैं यीसु नासरी हूं, जिणनै थूं सतावै है।’ 9म्हारै साथियो उजाळौ तो देख्यौ, पण जिकौ म्हारै ऊं बोलतौ हो उणरा सबद नीं समझया।
10“तद म्हैं कयौ, ‘हे परभु, म्हैं कांई करूं?’
“परभु म्हनै कयौ, ‘उठनै दमिसक में जा, अर जिकौ कीं थारै करणै रै वास्तै ठैरायौ गियौ है उठै थनै सगळौ बता दियौ जावैला।’ 11जद उण उजाळै रै तेज रै खातर म्हनै कीं दिखाई नीं दियौ, तो म्हैं अपणै साथियो रै हाथ पकड़े होयौ दमिसक में आयौ।
12“तद हनन्याह नाम रौ व्यवस्था रै अनुसार एक भगत मिनख, जिकौ उठै रैवणवाळा सगळै यहूदियो में सुनाम हो, म्हारै खनै आयौ, 13अर ऊभौ होयनै म्हनै कयौ, ‘हे भाई साऊल, पाछौ देखन लाग।’ उणीज घड़ी म्हारै आंखे खुल गी अर म्हैं उणनै देख्यौ।
14“तद उणै कयौ, ‘अपांरै बापदादों रै परमेसर नै थनै इण वास्तै ठैरायौ है की थूं उणरी इछा नै जांणै, अर उण धरमी नै देखे अर उणरै मूंडै ऊं बातां सुणै। 15क्यूंकै थूं उणरी तरफ ऊं सगळै मिनखौ रै सांमै उण बातां रौ गवाई होवैला जिकौ थै देखी अर सुणी है। 16अबै क्यूं मोड़ौ करै है? उठ, बतिस्मो ले, अर उणरौ नाम लेन खुद रै पापों नै धो दे।’
17“जद म्हैं वळै यरुसलेम में आयनै मिंदर में पराथना कर रियौ हो, तो म्हैं आतमा में दरसण देख्यौ, 18अर उणै देख्यौ की परभु म्हारै ऊं कैवै है, ‘फुरती करनै यरुसलेम ऊं झट निकळ जा, क्यूंकै वे म्हारै बारै में थारी गवाई नीं मानैला।’
19“म्हैं कयौ, ‘हे परभु, वे तो आप जांणै है की म्हैं थौरे माथै विसवास करणैवाळौ नै जेळखानै में घालतौ अर जगा-जगा पराथना घर में ठोकातो हो। 20#प्रेरि 7:58जद थारा गवाई स्तिफनुस रौ खून बहायौ जा रियौ हो तद म्हैं भी उठै ऊभौ हो अर इण बात में सहमत हो, अर उणरै घातकों रै गाभौ री रूखाळी करतौ हो।’
21“अर उणै म्हनै कयौ, ‘थूं जा, क्यूंकै म्हैं थनै दूजी जातियो रै खनै दुर-दुर भेजूंला।’ ”
22वो लोग इण बात तांई पौलुस री सुनता रिया, तद जोर ऊं चिलायौ, “ऐड़ै मिनख रौ नास करौ, ओ जीवतौ रैवण लायक कोनीं।”
23जद वे चिलाता अर गाभा फेंकता अर आभै रै सांमै धूड़ उडा रिया हा, 24तो पलटन रै सरदार कयौ, “इणनै गढ़ में ले जाओ, अर कोड़ा ठोकनै पूछताछ करौ, की म्हैं जांणूं की लोग कीण खातर उणरै विरोध में ऐड़ा चिला रिया है।”
25जद उणौ उणनै कोड़ा लगाणै रै वास्तै बांधयो तो पौलुस नै उण सूबेदार ऊं जिकौ खनै ऊभौ हो, कयौ, “कांई ओ सही है की थै एक रोमी मिनख नै, अर वो भी बिना दोसण ठैरायोड़े, रै कोड़ा ठोकौ?”
26सूबेदार ओ सुणनै पलटन रै सरदार रै खनै जायनै कयौ, “थूं ओ कांई करै है? ओ तो रोमी मिनख है।”
27तद पलटन रै सरदार नै उणरै खनै आयनै कयौ, “म्हनै बता, कांई थूं रोमी है?”
पौलुस कयौ, “हां।”
28ओ सुणनै पलटन रै सरदार कयौ, “म्हैं रोमी होणै री नागरिकता रै लियै घणाहारा रूपिया दिया है।”
पौलुस कयौ, “म्हैं तो जनम ऊं रोमी हूं।”
29तद जे लोग उणनै जांचनै वाळा हा, वे तुरत उणरै खनै ऊं आगा हो गिया, अर पलटन रौ सरदार भी ओ जांणनै की ओ रोमी है अर म्हैं उणनै बांधयो है, डर गियौ।
महासभा रै सांमै पौलुस
30दूजै दिन उणै ठीक-ठीक जांणणै री इछा ऊं की यहूदी उण माथै क्यूं दोसण लगावै है, उणरै बंधन खोल दिया, अर परधान याजकौ अर सगळी महासभा नै भेळी होणै री आग्या दीनी, अर पौलुस नै नीचे ले जायनै उणरै सांमै ऊभौ कर दियौ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© NLCI CC BY-NC-ND 4.0