Ioane 9
9
Na wakaola e Iētū te tāne na wānau matapō mai
1Ia Iētū e yaele ia, makoyia loa ēna te tāne ia, e matapō mai tona wānaunga. 2Iliili loa ana pipi ki ai, “E te Pūāpī ē, nā ai te yala na wānau matapō mai ai te kovi nei? Nāana mō, mē nā ona mātutua?”
3Pau atu oki ia Iētū, “E kiai te matapō o te tāne nei nō ana yala, e kiai oki nō nā yala a ona mātutua. Na mea lā peia, kē wakaāli mai ai i te mana o te Atua i loto ōna. 4Ko i vai ai te ao, kē wai tātou i nā yanga āna na unga mai ia aku nei; koa yau te pō, kāe oki tangata ko yanga i te vāia ia. 5Ia aku e i te ao nei, ko oku te mālama o te ao nei.”#Mātaiō 5:14; Ioane 8:12
6Oti loa tana talatala ia, yūvale loa ia Iētū ki lalo o nā kelekele, tāvai ai wai palapala ki ona yūvale, eia, palai atu ai ki nā mata o te tāne ia. 7Mea loa kia ana, “Wano lā palupalua koe i te vai ko Tiloāma.” (Ko te wakamaepanga o te ingoa ia, “Ungaina”.) Eia, wano loa te tāne ia palupalu, niko mai ai ki wale, na kakalo ona mata.
8Iliili loa ona tāngata tupu peia te kau nā kite ia ana i mua atu nā talikai wuá, “E kiai lā ko te tangata tēnei nā nō wua ma te talikaí?” 9Nā mea te toe kau, “Ko ona teia.”
Mea lā te toe kau, “Ēkole, ko weolo te onoononga o te tāné pe te kovi ia.”
Yaulā, nā naumate lāi iāna, “Ko oku te tāne ia.”
10“Na mea ai pēwea ō mata nā na kakalo ai?” a lātou umatinga ki ai.
11Pau atu oki iāna, “Ko te tangata e tauvalongia ko Iētū́, tāvai loa ana palapala, palai ai ki oku mata. Mea mai oki kē wano au ki te vai ko Tiloāma palupalu ai. Eia, wano ai au palupalu i oku mata, aku kitea ai.”
12Uwi ai lātou kia ana, “Ko i wea te tangata ia?”
“Ko yē aku iloa,” tana mea atunga.
Na iliili nā Pālitea i te tangata matapō
13Eia, aumai loa lātou i te tāne nā matapōngia ia ki nā Pālitea. 14Ko te ayo oki na tāvai ai ia Iētū i nā palapala na kakalo ai nā mata o te tāne ia e Tāpati. 15Nō kiai, uwi oki nā Pālitea kia ana, “Na mea pēwea na kakalo ai ō mata?”
Mea atu oki te tāne ia, “Ni palapala ana mea na palai ki oku mata, wano ai au palupalu, ēnei na aku kitea ai nei.”
16Talatala lā nā toe Pālitea, “E kiai te tāne nei na yau mai te Atua, ko yē ana tuanakia oki te tule o te Tāpati.”
Mea lā te toe kau, “Nō wea na maua ai i te tangata yala kē wai i nā wakailo wakawotu nei?” Nō te mea ia, paelua loa lātou.
17Eia, wuwuli oki lātou wakawōu ki te matapō ia, uwi ki ai, “E wea ai tau talatala nō te kovi ia? Nōou oki nā mata na yūkena ēna ia.”
Pau mai oki te tāne ia, “E peloveta te tangata ia.”
18Ko te kau Ngāti Iūta ia, ko yē māngoto lāi lātou nā matapōa te tāne ia, na kakalo lā ona mata i te vāia nei. Eia, valo mai loa lātou i ona mātutua. 19Uwi ai lātou kia lāua, “Nā kōlua te tama nei? Ēnei te tama nā mea ai kōlua na wānau matapō mai? Na mea ai pēwea na kakalo ai ona mata?”
20“Na pono ngaleka nā māua te tama nei,” tā lāua pau atunga. “Ko tautonu oki na wānau matapō mai iāna. 21Yaulā, ko yē a māua iloa na mea pēwea na kakalo ai ona mata, pēkole ko ai oki na meangia kē kakalo ona mata. Iliili atu kōtou ki ai, na matua iāna, ko ona lāi ka talangia atu ona wānonga.” 22Na tala ai lua mātutua ia peia, nō tēlā ko mātataku lāua i te kau Ngāti Iūta, na laupono lātou taumua, ko te tangata ka wakamamata ē ko Iētū te Metia, ka vavaengia ki tātea mai te walepule. 23Nō kiai ona mātutua na mea ai, “Na matua iāna; uwi atu ki ai.”
24Eia, valo loa lātou wakawōu i te tāne nā matapōa ia, mea loa ki ai, “Talayikayika koe i te Atua!#9:24 Talayikayika koe i te Atua: e wakapononga teia ki mua o te Atua ma te tala i te tika. Ko a mātou iloa te kovi ko Iētū e tangata yala iāna.”
25Pau atu oki te tāne ia, “Ko yē aku iloa mē e tangata yala iāna pēkole. E tayi wua aku mea ko iloa: nā matapō au i te vāiá, i te vāia nei lā na aku kitea!”
26Eia, iliili loa lātou ki ai, “E wea tana yanga na wai kia koe na kakalo ai ō mata nā?”
27Mea atu oki iāna, “Na tala takele atu au kia kōtou, e kiai lā kōtou nā wakalongo. E wea oki kōtou e nunumi ai kē wakalongo wakawōu? Auwā mō ko winangalo kōtou kē lilo wai pipi mā ana?”
28Eia, putu ai lātou ia ana ki te muna wakakino, mea loa, “Ko koe wua tana pipi! Ni pipi mātou nā Mōte. 29Ko taka oki ia mātou nā talatala te Atua kia Mōte. Ko te kovi nei lā, ko yē a mātou iloa na yau iāna mai wea.”
30Pau atu ai te tāne ia, “Na wotu! Ko yē a kōtou iloa na yau iāna mai wea, yaulā ko ona na kakalo ai oku mata nei! 31Ko a tātou īloloa ko yē wakalongo mai te Atua ki nā talikainga a te kau e wai ki te yalá. Ko wakalongo lā iāna ki te tangata tau Atua e wai i tona winangaló. 32Kāe oki tangata na mumuyungia e tātou mai te yāyākinga na maua ia ana e te wai kē kakalo nā mata o te tangata na wānau matapō mai. 33Pē oki te tangata nei e kiai na yau mai te Atua, kāe ana yanga lewu e maua e te wai.”
34Eia, talatala mai ai lātou pēnei ki ai, “Ko koe te tangata yala mai tō wānaunga nā! Ko koe mātou ka akoakongia?” Tulituli loa lātou ia ana ki vao mai loto o te walepule.
Te matapō o te vaelua
35Yāmuyua loa kia Iētū na tūlia e lātou te tāne ia ki vao, eia, i tana kitenga ia ana, iliili loa iāna ki ai, “Ko nunumi lā koe ki te Tama a te Tangata?”
36“Ko ai iāna, e te vale tāne ia?” tana uwi atunga. “Tala mai ake koe ia ana kē nunumi ai au ki ai.”
37Mea atu ai ia Iētū kia ana, “Na au kitea iāna, ko ona oki tēnei e talatala atu kia koe nei.”
38“Ēeke, e te Atu, ko lotokono au!” te meanga a te tāne ia, eia, piko ai iāna ki lalo ma te tautapa ia Iētū.
39Talatala ai ia Iētū, “Na yau au wakavā i te ao nei, kē kakalo nā mata o te kau matapṓ, kē wakapōuli atu i nā mata o te kau e kiteá.”
40Ko nā toe Pālitea lā nā i ona tawá na a lātou langona ana muna ia, iliili oki lātou ki ai, “E wea tau mea ia? Ko matapō lā oki mātou?”
41Talatala ai ia Iētū peia, “Pē oki nā pōuli o kōtou mata, e yē yala loa kōtou; nō tēlā, ko mea kōtou ko a kōtou kitea, na pae kōtou i a kōtou yala.”
Currently Selected:
Ioane 9: PKP
Highlight
Share
Copy
Want to have your highlights saved across all your devices? Sign up or sign in
© 2024, Wycliffe Bible Translators New Zealand Inc. in partnership with Te Wui Aliki o Pukapuka ma Nassau
Ioane 9
9
Na wakaola e Iētū te tāne na wānau matapō mai
1Ia Iētū e yaele ia, makoyia loa ēna te tāne ia, e matapō mai tona wānaunga. 2Iliili loa ana pipi ki ai, “E te Pūāpī ē, nā ai te yala na wānau matapō mai ai te kovi nei? Nāana mō, mē nā ona mātutua?”
3Pau atu oki ia Iētū, “E kiai te matapō o te tāne nei nō ana yala, e kiai oki nō nā yala a ona mātutua. Na mea lā peia, kē wakaāli mai ai i te mana o te Atua i loto ōna. 4Ko i vai ai te ao, kē wai tātou i nā yanga āna na unga mai ia aku nei; koa yau te pō, kāe oki tangata ko yanga i te vāia ia. 5Ia aku e i te ao nei, ko oku te mālama o te ao nei.”#Mātaiō 5:14; Ioane 8:12
6Oti loa tana talatala ia, yūvale loa ia Iētū ki lalo o nā kelekele, tāvai ai wai palapala ki ona yūvale, eia, palai atu ai ki nā mata o te tāne ia. 7Mea loa kia ana, “Wano lā palupalua koe i te vai ko Tiloāma.” (Ko te wakamaepanga o te ingoa ia, “Ungaina”.) Eia, wano loa te tāne ia palupalu, niko mai ai ki wale, na kakalo ona mata.
8Iliili loa ona tāngata tupu peia te kau nā kite ia ana i mua atu nā talikai wuá, “E kiai lā ko te tangata tēnei nā nō wua ma te talikaí?” 9Nā mea te toe kau, “Ko ona teia.”
Mea lā te toe kau, “Ēkole, ko weolo te onoononga o te tāné pe te kovi ia.”
Yaulā, nā naumate lāi iāna, “Ko oku te tāne ia.”
10“Na mea ai pēwea ō mata nā na kakalo ai?” a lātou umatinga ki ai.
11Pau atu oki iāna, “Ko te tangata e tauvalongia ko Iētū́, tāvai loa ana palapala, palai ai ki oku mata. Mea mai oki kē wano au ki te vai ko Tiloāma palupalu ai. Eia, wano ai au palupalu i oku mata, aku kitea ai.”
12Uwi ai lātou kia ana, “Ko i wea te tangata ia?”
“Ko yē aku iloa,” tana mea atunga.
Na iliili nā Pālitea i te tangata matapō
13Eia, aumai loa lātou i te tāne nā matapōngia ia ki nā Pālitea. 14Ko te ayo oki na tāvai ai ia Iētū i nā palapala na kakalo ai nā mata o te tāne ia e Tāpati. 15Nō kiai, uwi oki nā Pālitea kia ana, “Na mea pēwea na kakalo ai ō mata?”
Mea atu oki te tāne ia, “Ni palapala ana mea na palai ki oku mata, wano ai au palupalu, ēnei na aku kitea ai nei.”
16Talatala lā nā toe Pālitea, “E kiai te tāne nei na yau mai te Atua, ko yē ana tuanakia oki te tule o te Tāpati.”
Mea lā te toe kau, “Nō wea na maua ai i te tangata yala kē wai i nā wakailo wakawotu nei?” Nō te mea ia, paelua loa lātou.
17Eia, wuwuli oki lātou wakawōu ki te matapō ia, uwi ki ai, “E wea ai tau talatala nō te kovi ia? Nōou oki nā mata na yūkena ēna ia.”
Pau mai oki te tāne ia, “E peloveta te tangata ia.”
18Ko te kau Ngāti Iūta ia, ko yē māngoto lāi lātou nā matapōa te tāne ia, na kakalo lā ona mata i te vāia nei. Eia, valo mai loa lātou i ona mātutua. 19Uwi ai lātou kia lāua, “Nā kōlua te tama nei? Ēnei te tama nā mea ai kōlua na wānau matapō mai? Na mea ai pēwea na kakalo ai ona mata?”
20“Na pono ngaleka nā māua te tama nei,” tā lāua pau atunga. “Ko tautonu oki na wānau matapō mai iāna. 21Yaulā, ko yē a māua iloa na mea pēwea na kakalo ai ona mata, pēkole ko ai oki na meangia kē kakalo ona mata. Iliili atu kōtou ki ai, na matua iāna, ko ona lāi ka talangia atu ona wānonga.” 22Na tala ai lua mātutua ia peia, nō tēlā ko mātataku lāua i te kau Ngāti Iūta, na laupono lātou taumua, ko te tangata ka wakamamata ē ko Iētū te Metia, ka vavaengia ki tātea mai te walepule. 23Nō kiai ona mātutua na mea ai, “Na matua iāna; uwi atu ki ai.”
24Eia, valo loa lātou wakawōu i te tāne nā matapōa ia, mea loa ki ai, “Talayikayika koe i te Atua!#9:24 Talayikayika koe i te Atua: e wakapononga teia ki mua o te Atua ma te tala i te tika. Ko a mātou iloa te kovi ko Iētū e tangata yala iāna.”
25Pau atu oki te tāne ia, “Ko yē aku iloa mē e tangata yala iāna pēkole. E tayi wua aku mea ko iloa: nā matapō au i te vāiá, i te vāia nei lā na aku kitea!”
26Eia, iliili loa lātou ki ai, “E wea tana yanga na wai kia koe na kakalo ai ō mata nā?”
27Mea atu oki iāna, “Na tala takele atu au kia kōtou, e kiai lā kōtou nā wakalongo. E wea oki kōtou e nunumi ai kē wakalongo wakawōu? Auwā mō ko winangalo kōtou kē lilo wai pipi mā ana?”
28Eia, putu ai lātou ia ana ki te muna wakakino, mea loa, “Ko koe wua tana pipi! Ni pipi mātou nā Mōte. 29Ko taka oki ia mātou nā talatala te Atua kia Mōte. Ko te kovi nei lā, ko yē a mātou iloa na yau iāna mai wea.”
30Pau atu ai te tāne ia, “Na wotu! Ko yē a kōtou iloa na yau iāna mai wea, yaulā ko ona na kakalo ai oku mata nei! 31Ko a tātou īloloa ko yē wakalongo mai te Atua ki nā talikainga a te kau e wai ki te yalá. Ko wakalongo lā iāna ki te tangata tau Atua e wai i tona winangaló. 32Kāe oki tangata na mumuyungia e tātou mai te yāyākinga na maua ia ana e te wai kē kakalo nā mata o te tangata na wānau matapō mai. 33Pē oki te tangata nei e kiai na yau mai te Atua, kāe ana yanga lewu e maua e te wai.”
34Eia, talatala mai ai lātou pēnei ki ai, “Ko koe te tangata yala mai tō wānaunga nā! Ko koe mātou ka akoakongia?” Tulituli loa lātou ia ana ki vao mai loto o te walepule.
Te matapō o te vaelua
35Yāmuyua loa kia Iētū na tūlia e lātou te tāne ia ki vao, eia, i tana kitenga ia ana, iliili loa iāna ki ai, “Ko nunumi lā koe ki te Tama a te Tangata?”
36“Ko ai iāna, e te vale tāne ia?” tana uwi atunga. “Tala mai ake koe ia ana kē nunumi ai au ki ai.”
37Mea atu ai ia Iētū kia ana, “Na au kitea iāna, ko ona oki tēnei e talatala atu kia koe nei.”
38“Ēeke, e te Atu, ko lotokono au!” te meanga a te tāne ia, eia, piko ai iāna ki lalo ma te tautapa ia Iētū.
39Talatala ai ia Iētū, “Na yau au wakavā i te ao nei, kē kakalo nā mata o te kau matapṓ, kē wakapōuli atu i nā mata o te kau e kiteá.”
40Ko nā toe Pālitea lā nā i ona tawá na a lātou langona ana muna ia, iliili oki lātou ki ai, “E wea tau mea ia? Ko matapō lā oki mātou?”
41Talatala ai ia Iētū peia, “Pē oki nā pōuli o kōtou mata, e yē yala loa kōtou; nō tēlā, ko mea kōtou ko a kōtou kitea, na pae kōtou i a kōtou yala.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, Wycliffe Bible Translators New Zealand Inc. in partnership with Te Wui Aliki o Pukapuka ma Nassau