Ioane 10
10
Te Taute ma ana māmoe
1Talatala loa ia Iētū i nā muna nei: “Ko tala atu au i te tika, ko te tangata e yē ulu lā loto o te pū o te pā māmoe, ko kake lā ki loto lā nā toe konga, e tōpakava te kovi ia, e tupua kaiā oki. 2Ko te tangata lā e ulu ki loto lā te pū, ko ona te taute o nā māmoe. 3Ko te leowi o te pā ko yūkena te pū nō te taute, ko wakalongo oki nā māmoe i tona leo. Ko tauvalo iāna i o lātou ingoa, ko ona lāi ko takia lātou ki vao. 4Kē taki iāna ia lātou tākatoa ki vao, ko wano iāna lā mua o lātou, ko ālu nā māmoe lā muli ōna, nō tēlā ko mailonga ia lātou tona leo. 5Ko yē ālu lātou i te tangata kē, ka welele lātou mai te kovi ia, nō tēlā, ko yē mailonga ia lātou tona leo.”
6Na tala ia Iētū kia lātou i te palapole nei, yaulā e kiai na taka lelei ia lātou nā mea āna e tala ia.
7Eia, talatala wakawōu loa ia Iētū, “Ko tala atu au i te tika, ko oku te pū o te pā māmoe. 8Ko te kau nā lōmamai i mua ōkú, ni tōpakava ma nā tupua kakaiā, e kiai oki nā māmoe nā wakalongo kia lātou. 9Ko oku te pū ko ulu ai; ko te tangata ka ulu mai lā loto ōku ka yawea#10:9 yawea: mēkole, tautea iāna. Ka yau wua iāna ki loto ma te wano ki vao, ka maua oki ana popoa. 10Ko yau wua te tōpakava kaiā, patu kē mamate ma te yīmokamoka; ko oku lā na yau kē maua o lātou ola kē kamuloa yulā wua.
11Ko oku te taute māmoe lelei. Ko tuku te taute māmoe lelei i tona olānga nō ana māmoe. 12Ko te tāne tokotoko na valongiá, e kiai ko ona te taute o nā māmoe. Eia, ke ana kitea te luko ko yau, ko maka iāna i nā māmoe, ko lele ki nā kongá i te mataku. Ko yau te luko katikati i te lāngai māmoe, tuatele atu ai i nā māmoe. 13Ka lele te kovi ia, nō tēlā e mea valongia wua iāna wai paletua, ko yē ana tuanakia oki ka leowi pēwea iāna i nā māmoe.
14Ko oku te taute māmoe lelei; ko aku iloa aku māmoe, ko a lātou iloa oki au, 15pe te Matua Yā oki e ana iloa au nei, ko aku iloa oki iāna. Ko tuku oki au i toku ola nō nā māmoe. #Mātaiō 11:27; Luka 10:22 16E yī aku toe māmoe ko yē i loto o te pā nei. Ka aumai lāi au ia lātou, ka wakalongo oki lātou i toku leo, kē tayi wua lāngai, ma te taute māmoe e tayi. 17Ēnei te mea e mina ai toku Matua ia aku, nō tēlā ko tuku au i toku ola kē mate, kē maua oki ia aku e te liko wakawōu mai. 18Kāe tangata e maua e te kave i toku ola, nōoku lāi te winangalo kē tuku au i toku ola. Ko ia aku wua te tika kē tuku au, ko ia aku oki te tika kē liko wakawōu mai. E yeunga te mea nei nā toku Matua na wakauwe mai kia aku.”
19Nō ana talatala ia, na paelua ai wakawōu te Ngāti Iūta. 20E tokawolo te kau nā mea, “Na ulungia te kovi nā e te tēmoni! Na pāioiongia oki! E wea ai tātou ka wakalongo ai kia ana?”
21Ko te toe kau lā nā mea, “Ko yē talatala pēnei te tangata na ulungia e te tēmoni! Ka maua lā i te tēmoni e te wai kē kakalo nā mata o te matapṓ?”
Te tū yē nunumi o te Ngāti Iūta
22Oko loa ki te vāia e wakamālie ai te wakatapunga o te Waleyā i Iēlūtalema. E vāia makalili te mea ia. 23Na oko ia Iētū ki te Waleyā, ko yaele i te pōlōtiko o Tōlomona. 24Wakalulu mai loa te kau Ngāti Iūta takapini ia ana, mea loa, “E wea koia te loa o tau wakanenunga wua i o mātou manako? Pē ko koe lāi te Metia, tala mai ake kē taka lelei ia mātou.”
25Pau atu loa ia Iētū, “Na tala takele atu au, e kiai lā kōtou nā nunumi kia aku. Ko nā yanga mana āku nā wai lā loto o te ingoa o toku Matuá, ko nā mea ia ko wakamamataina au; 26yaulā kōtou ko yē nunumi, nō tēlā e kiai kōtou ni māmoe nā aku. 27Ko wakalongo aku māmoe i toku leo; ko aku iloa lātou, ko ālu mai oki lātou lā muli ōku. 28Ka tuku atu au kia lātou i te ola e yē ngata, e yē pānakia loa lātou; kāe tangata oki e maua e te waoki ia lātou mai loto o oku lima. 29Ko toku Matua oki na tukuna mai te kau nei kia aku, ko ona lāi ko matamatua atu i te wī mea tākatoa;#10:29 Ko i nā toe pōkai talatala mumuá: Ko nā mea a toku Matua na aumai kia akú, ko wotu wua i te wī mea tākatoa. kāe tangata loa e maua e te waoki ia lātou mai loto o nā lima o toku Matua. 30E tayi oki māua ma toku Matua.”
31Eia, tango loa wakawōu te kau Ngāti Iūta i nā watu kē kamukamu ia ana. 32Yaulā, talatala loa ia Iētū kia lātou, “E wainga taku yanga mana wakawotu nā wakaāli atu kia kōtou mai toku Matua. E tayi lā mea mai loto o nā yanga ia na manatu ai kōtou kē kamukamu ia aku?”
33Pau mai oki lātou, “E kiai nō nā yanga ia ka kamukamu ai mātou ia koe ki te watu, nō tō wakakino Atua lā! Ia koe oki e tangata wua, yaulā koe ko mea ko koe te Atua.”#Levitiku 24:16
34Eia, mea atu ai ia Iētū kia lātou, “E kiai lā na tutingia pēnei i loto o tā kōtou Tulé, ‘Na talatala atu au, ni atua kōtou’?#Talamo 82:6 35Pē oki te Atua na tauvalo ia lātou te kau na aumaingia ana muná, ‘ni atua’, peia oki nā talatala o te Puka Yā e yē maua e te yuá. 36Ka mea ai pēwea te tangata a te Matua na iki ma te vavae mō ona lāi, āna oki na unga mai kē yau ki te ao nei? E wea ai kōtou e mea ai ē, na wakakino Atua au i taku tala atunga, ‘Ko oku te Tama a te Atua’? 37Auyē kōtou e nunumi mai kia aku, pē au e kiai na wai i nā yanga a toku Matua. 38Pē ko wai lā au i nā mea ia, wua atu lā ko yē lotokono kōtou ia aku, nunumi wua kōtou ki nā yanga mana ia. Eia lā kōtou koa māliuliu ai, koa taka ngaleka ai oki ia kōtou ē, ko i loto te Matua ōku, ko i loto oki au o te Matua.”
39Eia, naumate ai lātou wakawōu kē taupuke ia Iētū, yaulā, na yao iāna mai o lātou lima.
40Niko ai ia Iētū lā te kauvai ko Iōlītāna ki te konga nā pāpetītō ai ia Ioane i te vāiá, nō ai iāna i kiai.#Ioane 1:28 41Tokawolo te tangata na lōmamai kia ana, mea loa lātou peia, “Wua atu oki kāe wakailo mana a Ioane na wai, ko ana tala lā tākatoa na yalu nō te tangata nei, na pono ngaleka nā mea ia.” 42E tokawolo oki te tangata na lotokono kia Iētū i te konga ia.
Currently Selected:
Ioane 10: PKP
Highlight
Share
Copy
Want to have your highlights saved across all your devices? Sign up or sign in
© 2024, Wycliffe Bible Translators New Zealand Inc. in partnership with Te Wui Aliki o Pukapuka ma Nassau
Ioane 10
10
Te Taute ma ana māmoe
1Talatala loa ia Iētū i nā muna nei: “Ko tala atu au i te tika, ko te tangata e yē ulu lā loto o te pū o te pā māmoe, ko kake lā ki loto lā nā toe konga, e tōpakava te kovi ia, e tupua kaiā oki. 2Ko te tangata lā e ulu ki loto lā te pū, ko ona te taute o nā māmoe. 3Ko te leowi o te pā ko yūkena te pū nō te taute, ko wakalongo oki nā māmoe i tona leo. Ko tauvalo iāna i o lātou ingoa, ko ona lāi ko takia lātou ki vao. 4Kē taki iāna ia lātou tākatoa ki vao, ko wano iāna lā mua o lātou, ko ālu nā māmoe lā muli ōna, nō tēlā ko mailonga ia lātou tona leo. 5Ko yē ālu lātou i te tangata kē, ka welele lātou mai te kovi ia, nō tēlā, ko yē mailonga ia lātou tona leo.”
6Na tala ia Iētū kia lātou i te palapole nei, yaulā e kiai na taka lelei ia lātou nā mea āna e tala ia.
7Eia, talatala wakawōu loa ia Iētū, “Ko tala atu au i te tika, ko oku te pū o te pā māmoe. 8Ko te kau nā lōmamai i mua ōkú, ni tōpakava ma nā tupua kakaiā, e kiai oki nā māmoe nā wakalongo kia lātou. 9Ko oku te pū ko ulu ai; ko te tangata ka ulu mai lā loto ōku ka yawea#10:9 yawea: mēkole, tautea iāna. Ka yau wua iāna ki loto ma te wano ki vao, ka maua oki ana popoa. 10Ko yau wua te tōpakava kaiā, patu kē mamate ma te yīmokamoka; ko oku lā na yau kē maua o lātou ola kē kamuloa yulā wua.
11Ko oku te taute māmoe lelei. Ko tuku te taute māmoe lelei i tona olānga nō ana māmoe. 12Ko te tāne tokotoko na valongiá, e kiai ko ona te taute o nā māmoe. Eia, ke ana kitea te luko ko yau, ko maka iāna i nā māmoe, ko lele ki nā kongá i te mataku. Ko yau te luko katikati i te lāngai māmoe, tuatele atu ai i nā māmoe. 13Ka lele te kovi ia, nō tēlā e mea valongia wua iāna wai paletua, ko yē ana tuanakia oki ka leowi pēwea iāna i nā māmoe.
14Ko oku te taute māmoe lelei; ko aku iloa aku māmoe, ko a lātou iloa oki au, 15pe te Matua Yā oki e ana iloa au nei, ko aku iloa oki iāna. Ko tuku oki au i toku ola nō nā māmoe. #Mātaiō 11:27; Luka 10:22 16E yī aku toe māmoe ko yē i loto o te pā nei. Ka aumai lāi au ia lātou, ka wakalongo oki lātou i toku leo, kē tayi wua lāngai, ma te taute māmoe e tayi. 17Ēnei te mea e mina ai toku Matua ia aku, nō tēlā ko tuku au i toku ola kē mate, kē maua oki ia aku e te liko wakawōu mai. 18Kāe tangata e maua e te kave i toku ola, nōoku lāi te winangalo kē tuku au i toku ola. Ko ia aku wua te tika kē tuku au, ko ia aku oki te tika kē liko wakawōu mai. E yeunga te mea nei nā toku Matua na wakauwe mai kia aku.”
19Nō ana talatala ia, na paelua ai wakawōu te Ngāti Iūta. 20E tokawolo te kau nā mea, “Na ulungia te kovi nā e te tēmoni! Na pāioiongia oki! E wea ai tātou ka wakalongo ai kia ana?”
21Ko te toe kau lā nā mea, “Ko yē talatala pēnei te tangata na ulungia e te tēmoni! Ka maua lā i te tēmoni e te wai kē kakalo nā mata o te matapṓ?”
Te tū yē nunumi o te Ngāti Iūta
22Oko loa ki te vāia e wakamālie ai te wakatapunga o te Waleyā i Iēlūtalema. E vāia makalili te mea ia. 23Na oko ia Iētū ki te Waleyā, ko yaele i te pōlōtiko o Tōlomona. 24Wakalulu mai loa te kau Ngāti Iūta takapini ia ana, mea loa, “E wea koia te loa o tau wakanenunga wua i o mātou manako? Pē ko koe lāi te Metia, tala mai ake kē taka lelei ia mātou.”
25Pau atu loa ia Iētū, “Na tala takele atu au, e kiai lā kōtou nā nunumi kia aku. Ko nā yanga mana āku nā wai lā loto o te ingoa o toku Matuá, ko nā mea ia ko wakamamataina au; 26yaulā kōtou ko yē nunumi, nō tēlā e kiai kōtou ni māmoe nā aku. 27Ko wakalongo aku māmoe i toku leo; ko aku iloa lātou, ko ālu mai oki lātou lā muli ōku. 28Ka tuku atu au kia lātou i te ola e yē ngata, e yē pānakia loa lātou; kāe tangata oki e maua e te waoki ia lātou mai loto o oku lima. 29Ko toku Matua oki na tukuna mai te kau nei kia aku, ko ona lāi ko matamatua atu i te wī mea tākatoa;#10:29 Ko i nā toe pōkai talatala mumuá: Ko nā mea a toku Matua na aumai kia akú, ko wotu wua i te wī mea tākatoa. kāe tangata loa e maua e te waoki ia lātou mai loto o nā lima o toku Matua. 30E tayi oki māua ma toku Matua.”
31Eia, tango loa wakawōu te kau Ngāti Iūta i nā watu kē kamukamu ia ana. 32Yaulā, talatala loa ia Iētū kia lātou, “E wainga taku yanga mana wakawotu nā wakaāli atu kia kōtou mai toku Matua. E tayi lā mea mai loto o nā yanga ia na manatu ai kōtou kē kamukamu ia aku?”
33Pau mai oki lātou, “E kiai nō nā yanga ia ka kamukamu ai mātou ia koe ki te watu, nō tō wakakino Atua lā! Ia koe oki e tangata wua, yaulā koe ko mea ko koe te Atua.”#Levitiku 24:16
34Eia, mea atu ai ia Iētū kia lātou, “E kiai lā na tutingia pēnei i loto o tā kōtou Tulé, ‘Na talatala atu au, ni atua kōtou’?#Talamo 82:6 35Pē oki te Atua na tauvalo ia lātou te kau na aumaingia ana muná, ‘ni atua’, peia oki nā talatala o te Puka Yā e yē maua e te yuá. 36Ka mea ai pēwea te tangata a te Matua na iki ma te vavae mō ona lāi, āna oki na unga mai kē yau ki te ao nei? E wea ai kōtou e mea ai ē, na wakakino Atua au i taku tala atunga, ‘Ko oku te Tama a te Atua’? 37Auyē kōtou e nunumi mai kia aku, pē au e kiai na wai i nā yanga a toku Matua. 38Pē ko wai lā au i nā mea ia, wua atu lā ko yē lotokono kōtou ia aku, nunumi wua kōtou ki nā yanga mana ia. Eia lā kōtou koa māliuliu ai, koa taka ngaleka ai oki ia kōtou ē, ko i loto te Matua ōku, ko i loto oki au o te Matua.”
39Eia, naumate ai lātou wakawōu kē taupuke ia Iētū, yaulā, na yao iāna mai o lātou lima.
40Niko ai ia Iētū lā te kauvai ko Iōlītāna ki te konga nā pāpetītō ai ia Ioane i te vāiá, nō ai iāna i kiai.#Ioane 1:28 41Tokawolo te tangata na lōmamai kia ana, mea loa lātou peia, “Wua atu oki kāe wakailo mana a Ioane na wai, ko ana tala lā tākatoa na yalu nō te tangata nei, na pono ngaleka nā mea ia.” 42E tokawolo oki te tangata na lotokono kia Iētū i te konga ia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024, Wycliffe Bible Translators New Zealand Inc. in partnership with Te Wui Aliki o Pukapuka ma Nassau