Mateyo 22
22
Umulumbe wa matebeto ya bwinga
(Luka 14.15-24)
1Nakabili Yesu abebele mu milumbe ukuti, 2“Ubufumu bwa mumulu kuti bwapasyanisiwa ku mfumu iyapekanisisye umwana wakwe umwaume amatebeto ya bwinga. 3Yatumineko abasya bakwe ukuyaeba abalalikwe ukwisa kumatebeto, lelo balikene ukwisa. 4Elo yatuma abasya nabambi ukuti, ‘Kebeni abalalikwe ukuti, nimpekanya amatebeto nefintu fyonse nafipekanisiwa. Iseni kumatebeto ya bwinga!’ 5Lelo tabaposeleko amano bayangilwefye imilimo yabo, umo aya kwibala lyakwe, umbi aile kuntu alebombela amakwebo, 6elo bambi bakwete abasya, baboma nokubepaya. 7Imfumu yalifulilwe. Yatumineko abasilika ukuyaipaya abo bantalamisoka nokokya umusumba wabo. 8Elo yaeba abasya ukuti, ‘Ubwinga nabupekanisiwa, lelo abantu abalalikwe balikene ukwisa. 9Eikyo kabiyeni mumisebo muleyalalika abantu bonse bantu mulesanga kumatebeto.’ 10Abasya baile mumisebo nokuya kolonganika bonse abantu basangilemo, ababi na basuma. Kabili muŋanda mwaiswile abantu.
11Lelo lintu imfumu yaisile mukomona abalalikwe, yasangilemo umo uusyafwele insalu syapa bwinga. 12Yamwipwisye ukuti, “Kibusa, busye wakingila syani muno ukwabula ukufwala insalu syapa bwinga?” Lelo takwete ifyakulanda. 13“Elo imfumu yaebele abasya ukuti, ‘Mukakeni amaboko namolu mumupose panse mumfimfi. Umukaba ukulila nokusumanya ameno.’”
14“Abalalikwa bengi lelo abasalwa banono.”
Ukulipila umusonko
(Mako 12.13-17; Luka 20.20-26)
15Abafalise bakolongene balaumfwana fintu bengakofya Yesu. 16Batumine abasambi babo naba kwa Herodi ukuyalanda ukuti, “Wekafundisya twalisiba ukuti fintu ulanda fyakisinka, ufundisya ikine pabufwayo bwakwa Lesa pabantu, kabili tautiina muntu nangu umo, pantu tawaba nakapatulula. 17Twebe, busye webo uletipo syani? Busye tufwile ukulipila umusonko kuli Kesalo nangu iyoo?”
18Lelo apo Yesu alisibe imilangwe yabo iyabubifi abebele ukuti, “Imwe babumbimunda, kinsi mulengesesya. 19Ndangeni ulupiya lwakulipa umusonko!”
Bamuletele ulupiya lwamuseke, 20elo abepusya ukuti, “Busye iki kinso nesina fyakwa nani?”
21Bayaswike ukuti, “Fyakwa Kesalo.”
Elo Yesu abeba ukuti, “Peleni kuli Kesalo ifyakwa Kesalo, kabili peleni kuli Lesa ifyakwa Lesa.”
22Balipapile lintu baumfwile aya masiwi, kabili bamusile nokuya.
Ilipusyo lyapa kubuka kubafwa
(Mako 12.18-27; Luka 20.27-40)
23Bulya bwine busiku, Abasaduki abasumine ukuti takwakabe ukubuka kubafwa baisile ipusya Yesu ukuti, 24“Wekafundisya, Mose atwebele ukuti umwaume uwaupa ngafwa ukwabula ukufyalapo abana, munina afwile aupa mukamfwilwa pakuti afyalileko munina abana. 25Nomba kwaliko bamunina kinelubali abaleikala kuno. Uwantansi alyupile, kabili afwile ukwabula ukufyalapo abana eikyo umukasi wakwe asyele namunina. 26Ikintu kimokine kyakitike kuwabubili, nakuwabutatu namukulekelesya kuli bonse kinelubali. 27Napampela umwanakasi nao afwa. 28Nomba pakubuka kwabafwa, busye akaba mukasi wakwani apo bonse bamunina kinelubali balimupilepo?”
29Yesu abaswike ukuti, “Mwaliluba! Pantu tamwaisiba ifyo amalembo yafundisya kabili tamwaisiba namaka yakwa Lesa. 30Pakubuka kwabafwa, abantu tabakaleupa nangu ukupwa lelo bakaba nga bamalaika mumulu. 31Lelo pamulandu wakubuka kwabafwa, busye tamwabelenga fintu Lesa amyebele ukuti, 32‘Ninebo Lesa wakwa Abulahamu, Isaaki na Yakobo.’ Ni Lesa wabamweo te Lesa wabafwa.”
33Ibumba lyalipapile pakumfwa aya mafundisyo.
Ikipope ikikalambapo
(Mako 12.28-34; Luka 10.25-28)
34Lintu Abafalise baumfwile ukuti Yesu atalalika Abasaduki, balikolongene pamo. 35Umo pali bena uwali ni kafundisya wamafunde aesesye Yesu mulipusyo ukuti, 36“Wekafundisya, busye kipopensi ikikalamba mu Mafunde?”
37Yesu amwaswike ukuti, “ ‘Uletemwa Imfumu Lesa obe, nomutima obe onse, nomweo obe onse kabili namano yobe yonse.’ 38Iki ekipope kyantansi kabili ikikalamba. 39Ikyabubili niki, ‘Uletemwa umubiyo ngafintu waitemwa.’ 40Amafunde yonse naba kasesema bashinta pali ifi fipope fibili.”
Ilipusyo lyapali Mesiya
(Mako 12.35-37; Luka 20.41-44)
41Ilyo Abafalise bakili nabakolongana Yesu abepwisye ukuti, 42“Busye mwebo mutontonkanyapo syani pali Mesiya? Busye mulanda ukuti nimwana nani?”
Bayaswike ukuti, “Nimwana Davidi.”
43Yesu abepwisye ukuti, “Busye nikinsi Davidi, uwaletungululwa no Mupasi amwitile ukuti ‘Imfumu’? Pantu Davidi alandile ukuti,
44‘Imfumu yalandile ku Mfumu yandi ukuti,
ikala kukulyo kwandi
mpaka inkabike abalwani bobe pansi yamakasa yobe.’
45Davidi ngamwitile ukuti ‘Imfumu,’ Busye kuti aba syani umwana wakwa Davidi?”
46Tapaali uwamwaswike, kabili ukutula pali bulya busiku, tapali uwaipwisyepo Yesu amepusyo nayambi.
Currently Selected:
Mateyo 22: BBT
Highlight
Share
Copy
Want to have your highlights saved across all your devices? Sign up or sign in
Mateyo 22
22
Umulumbe wa matebeto ya bwinga
(Luka 14.15-24)
1Nakabili Yesu abebele mu milumbe ukuti, 2“Ubufumu bwa mumulu kuti bwapasyanisiwa ku mfumu iyapekanisisye umwana wakwe umwaume amatebeto ya bwinga. 3Yatumineko abasya bakwe ukuyaeba abalalikwe ukwisa kumatebeto, lelo balikene ukwisa. 4Elo yatuma abasya nabambi ukuti, ‘Kebeni abalalikwe ukuti, nimpekanya amatebeto nefintu fyonse nafipekanisiwa. Iseni kumatebeto ya bwinga!’ 5Lelo tabaposeleko amano bayangilwefye imilimo yabo, umo aya kwibala lyakwe, umbi aile kuntu alebombela amakwebo, 6elo bambi bakwete abasya, baboma nokubepaya. 7Imfumu yalifulilwe. Yatumineko abasilika ukuyaipaya abo bantalamisoka nokokya umusumba wabo. 8Elo yaeba abasya ukuti, ‘Ubwinga nabupekanisiwa, lelo abantu abalalikwe balikene ukwisa. 9Eikyo kabiyeni mumisebo muleyalalika abantu bonse bantu mulesanga kumatebeto.’ 10Abasya baile mumisebo nokuya kolonganika bonse abantu basangilemo, ababi na basuma. Kabili muŋanda mwaiswile abantu.
11Lelo lintu imfumu yaisile mukomona abalalikwe, yasangilemo umo uusyafwele insalu syapa bwinga. 12Yamwipwisye ukuti, “Kibusa, busye wakingila syani muno ukwabula ukufwala insalu syapa bwinga?” Lelo takwete ifyakulanda. 13“Elo imfumu yaebele abasya ukuti, ‘Mukakeni amaboko namolu mumupose panse mumfimfi. Umukaba ukulila nokusumanya ameno.’”
14“Abalalikwa bengi lelo abasalwa banono.”
Ukulipila umusonko
(Mako 12.13-17; Luka 20.20-26)
15Abafalise bakolongene balaumfwana fintu bengakofya Yesu. 16Batumine abasambi babo naba kwa Herodi ukuyalanda ukuti, “Wekafundisya twalisiba ukuti fintu ulanda fyakisinka, ufundisya ikine pabufwayo bwakwa Lesa pabantu, kabili tautiina muntu nangu umo, pantu tawaba nakapatulula. 17Twebe, busye webo uletipo syani? Busye tufwile ukulipila umusonko kuli Kesalo nangu iyoo?”
18Lelo apo Yesu alisibe imilangwe yabo iyabubifi abebele ukuti, “Imwe babumbimunda, kinsi mulengesesya. 19Ndangeni ulupiya lwakulipa umusonko!”
Bamuletele ulupiya lwamuseke, 20elo abepusya ukuti, “Busye iki kinso nesina fyakwa nani?”
21Bayaswike ukuti, “Fyakwa Kesalo.”
Elo Yesu abeba ukuti, “Peleni kuli Kesalo ifyakwa Kesalo, kabili peleni kuli Lesa ifyakwa Lesa.”
22Balipapile lintu baumfwile aya masiwi, kabili bamusile nokuya.
Ilipusyo lyapa kubuka kubafwa
(Mako 12.18-27; Luka 20.27-40)
23Bulya bwine busiku, Abasaduki abasumine ukuti takwakabe ukubuka kubafwa baisile ipusya Yesu ukuti, 24“Wekafundisya, Mose atwebele ukuti umwaume uwaupa ngafwa ukwabula ukufyalapo abana, munina afwile aupa mukamfwilwa pakuti afyalileko munina abana. 25Nomba kwaliko bamunina kinelubali abaleikala kuno. Uwantansi alyupile, kabili afwile ukwabula ukufyalapo abana eikyo umukasi wakwe asyele namunina. 26Ikintu kimokine kyakitike kuwabubili, nakuwabutatu namukulekelesya kuli bonse kinelubali. 27Napampela umwanakasi nao afwa. 28Nomba pakubuka kwabafwa, busye akaba mukasi wakwani apo bonse bamunina kinelubali balimupilepo?”
29Yesu abaswike ukuti, “Mwaliluba! Pantu tamwaisiba ifyo amalembo yafundisya kabili tamwaisiba namaka yakwa Lesa. 30Pakubuka kwabafwa, abantu tabakaleupa nangu ukupwa lelo bakaba nga bamalaika mumulu. 31Lelo pamulandu wakubuka kwabafwa, busye tamwabelenga fintu Lesa amyebele ukuti, 32‘Ninebo Lesa wakwa Abulahamu, Isaaki na Yakobo.’ Ni Lesa wabamweo te Lesa wabafwa.”
33Ibumba lyalipapile pakumfwa aya mafundisyo.
Ikipope ikikalambapo
(Mako 12.28-34; Luka 10.25-28)
34Lintu Abafalise baumfwile ukuti Yesu atalalika Abasaduki, balikolongene pamo. 35Umo pali bena uwali ni kafundisya wamafunde aesesye Yesu mulipusyo ukuti, 36“Wekafundisya, busye kipopensi ikikalamba mu Mafunde?”
37Yesu amwaswike ukuti, “ ‘Uletemwa Imfumu Lesa obe, nomutima obe onse, nomweo obe onse kabili namano yobe yonse.’ 38Iki ekipope kyantansi kabili ikikalamba. 39Ikyabubili niki, ‘Uletemwa umubiyo ngafintu waitemwa.’ 40Amafunde yonse naba kasesema bashinta pali ifi fipope fibili.”
Ilipusyo lyapali Mesiya
(Mako 12.35-37; Luka 20.41-44)
41Ilyo Abafalise bakili nabakolongana Yesu abepwisye ukuti, 42“Busye mwebo mutontonkanyapo syani pali Mesiya? Busye mulanda ukuti nimwana nani?”
Bayaswike ukuti, “Nimwana Davidi.”
43Yesu abepwisye ukuti, “Busye nikinsi Davidi, uwaletungululwa no Mupasi amwitile ukuti ‘Imfumu’? Pantu Davidi alandile ukuti,
44‘Imfumu yalandile ku Mfumu yandi ukuti,
ikala kukulyo kwandi
mpaka inkabike abalwani bobe pansi yamakasa yobe.’
45Davidi ngamwitile ukuti ‘Imfumu,’ Busye kuti aba syani umwana wakwa Davidi?”
46Tapaali uwamwaswike, kabili ukutula pali bulya busiku, tapali uwaipwisyepo Yesu amepusyo nayambi.
Currently Selected:
:
Highlight
Share
Copy
Want to have your highlights saved across all your devices? Sign up or sign in