Mui Psalm 77
77
1Neke ngara tahelai ana God ani walaku: siue, neke ngara tahelai ana God ani walaku, nge kei tolai sulieu.
2Ana haidinge saeku e hu, nou heitalea Lord: nou susueinie nimeku i rodo, na kaa osi; maurihaaku e haitohea sae dodonga.
3Noko amasitooana God, oto saeku esi iolaha oto: noko uqeuqe, na manataku ko puo oto.
4O tahanie maaku: saeku e huitei, oto nou kaa ngu.
5Nou neisae isulie waite: ana mu helisi e mango oto waite.
6Nou amasitoo isulii i rodo: nou loolooi mwamwanoto, na maurihaaku e haitale onimei.
7A Lord kei leledi asie oto: e saa hei neisae malumu lou?
8Amasinge ingeie e mou oto: mei wala ni qonginge e tototala oto ohe?
9God e pulongosie oto manata diananga: e mumuni saewasu ana amasinge ingeie?
10Nge nesi teuri, Roroanga oto ineu: na tae neke amasitoo ana mu helisi ana qaloqalona ini e Liutaa!
11Nekei talei lalado isulie helelana Lord: toohu, nekei amasitoo ana mu anoa o daui inao.
12Nekei looloonai ana walutana nga ola ioe: nekei io pei heitalelana helelamu.
13God, tala ioe e maai: ngeitei lioa e liutaa mala God.
14God, ioe oko dada mui anoa: oko haaleesie taena nga hanue ana sakanga ioe.
15O haaisitaangainie mu inoni ioe ana nimemu: maeni kalena Jacob na Joseph.
16Mui wei e leesio, God; wai e leesio oto e pohirue: na karohure e sasae i kaona asi.
17Mui rorodo e lingisie mai nemo; e loulou i salo: mui omo ioe e loloho.
18Kokouha ana loulou na mawasidengi; waariri e rangie walumalau: anohu e kulekule, e asuoloolo.
19Tala ioe ilaona asi, na laelamu laloi weipeine: ngaini saa roroa liosaie aemu.
20O naona pulita ioe mala mui sheep: ana nimana Moses na Aaron.
Currently Selected:
Mui Psalm 77: apbPSA
Highlight
Share
Copy
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
