Mui Psalm 76
76
1Manatainilana God kei lae ana mu Judah: sailana satana e liuta i Israel.
2I Salem oto apaapa ingeie: Ioiohana oto i Sion.
3Eoi riiriie mu omo ana mu pesi: mu talo na mu naahi ni ohota.
4Ioe oto rara, o alaha liuta: mwaanie mui toloi henue, leu ni mamamalo.
5Otatangainie muini saeda e hau; na muini e mae oto kei norutoo: haike oto oo hunie nga ramo ke lalainie nimana.
6Ioe hau maai, God a Jacob: mui Kaata na mu horse kire kokoro hou ilaona maahunge ni maenga.
7Ioe oto, Ioe ni otona, o liuta: ngaini e saa roroa ure honosio, ana haidinge okei saewasu ana.
8Salo i hahona salo oke rongoa tolahana leinge: walumalau oke mau, oke io mwamwanoto.
9Ana a God e taelai oto huni lei: huni haaurie kira saemanola mai ano.
10Saena mui inoni Ohe kei esoeso, tae kire kei palaheo: okei hoo hahio ana kele mei sae e wana ngeena.
11Omu ke qongiqongi ola maeni mwane, omu ke suu ola hunia Lord God iomu: iomu muini omu io kalie, omu ke niie mui niinge iomu hunie ini e liuta.
12Kei tapa mouse mui kaleni alahanga: kei haatainie ingeie e liutana mu alaha mai ano.
Currently Selected:
Mui Psalm 76: apbPSA
Highlight
Share
Copy
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
