Mui Psalm 49
49
1Omu ke rongoa kau, iomu taenanga komu: omu ke huisie alingemiu mei, ahutana mwala e io ilaona Walumalau.
2Iomu muini mweimwei na muini e liuta: muini e tootoona muini e maitale.
3Wawaku ko unu tahangainie sai olanga: na manataku ko loongainie sae nanaunge.
4Nekei huisie alingeku takoie mei wala ni alahunge: nekei unu tahangainie meola ni henuinge ineu ani eu.
5Aena nga meita ni nekei meu ana dinge ni deitaa: ana mui orahaa mola i koukouliku kire hapuli ahuieu.
6Muini e norutoo ana tootoolada: kire ko tohainire ana tariolanga ikire.
7E kaa ini oto oo hunie ke olisie nga asine: wa ke niie nga meita ingeie ke sada hunia God.
8Aena nga meola e sada ana Maurihaada e hie liuta: wa ke io iano mwaanie leune oto di oto di.
9Uri ngaini ko meuri hu: e saa leese kasunge.
10Toohu, kei leese kira manata ko mae: na kira sae rodohono na kira qeu kei ano talihu, na kire kei tolipuri ana toolada hunie nga muini aopa.
11Tohungei neisaenga i saeda uri nume ikire kei io hu: na leu ni ioio ikire hulana taenanga qaunge: na kire ko harainie mui ano ikire isulie hahuana satada.
12Tae inoni manikuluanga ingeie kaa io hu: e urihana mu poo ko ano talihu.
13Ie tolahana kira qeu: na palongada e unu hadai ana mui wala ni qeu ikire.
14E konie oto hunire mala koruhei Sheep hunie i Panoi; maenga kei kakalire, na muini odotai kei alaha hahire i mahuohuo: na i Panoi kesi taase mei sape diana ikire na kire saa lio odoie lou na leu ni io ana.
15Na a God kei tae alihoi ana maurihaaku mwaanie Panoi: ana kei tola konieu.
16Mwane omu meumeu ana ngaini ko talaai teriola: na toolana i nume kei hungehunge;
17Ana e saa tolea lou nga meola ana kei mae: manikuluhaanga e saa siho hao peie.
18Ana maholo e maumeuri ue e haadianaa maurihaana maraana: na mui inoni e palaheo ana o hele diana hunio maraamu.
19Na kei luluisulie qaunge mu weuwana: na kire saa leese lou mataqanga.
20Inoni manikuluanga nge ana, tae e kaa saenanau e urihaana mui poo kire ko eia oto.
Currently Selected:
Mui Psalm 49: apbPSA
Highlight
Share
Copy
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
