Mui Psalm 41
41
1Ingeie ini deidehie ko neisae manirei talana kira maitale: a Lord kei toliasi sapemawa ana ani dinge ni deitaa.
2A Lord kei lio ahuie, na ke kakali meuriana, huni ke nei ola ni haadianaanga ilengine walumalau: na e saa toliasie hunie harihuninge ngaeta apani mae.
3A Lord kei haasusue ilengine hulitana: na kei elielihuisi heiliu ana maholo ko mweri.
4Na lou uri, Lord, Oke amasieu: Oke haaurie maurihaaku ana nou orahaa honosio.
5Ngaeta apanimae hunieu e ere tataala oalaku uri, kei mae ana nga dinge, na satana kei eia oto.
6Na uri ko maatolieu, ni e ere leledieu oto wai saena e tara konie tataalahaana taenanga ola na e isitaa taau: kosi ere hadai oto ani.
7Ahutana mwala ko ngiduupu hunieu kire ala pupulu hahieu: kire neisae onimei ana tataalahana nga ola honosieu.
8Uri mei maela tataala e taqaosie: nge oto ienini e eno ni oto na e saa hei taelai lou.
9Toohu tohungei malahuku, nou norutoo ana, e ngau ana ngaula ineu, tae e huisie koukouline honosieu.
10Tae Ioe, Lord, oke amasieu: oke taealihoi eku hunie neke suuola ilengide.
11Ana ienini nou manatainie uri oko sae mango oalaku: Isulie apani mae hunieu e kaa aailaa honosieu.
12Na ana ineu, nge o hele alaa ana sae tahanga: na o haauresieu inaomu oto di oto di.
13Lahelana Lord, God Israel: mala waite na ke urine oto di. Amen, na Amen.
Currently Selected:
Mui Psalm 41: apbPSA
Highlight
Share
Copy
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
