Mui Psalm 40
40
1Nou maohia Lord na e haro tewa oto: oto ingeie e huesie alingana oto mai, e qaarongoisulie walaku.
2E oke haadai eku mwaanie kilu ni maenga, mwaanie mwakano waru e qiqie: e haauresie aeku ilengine hau, e haamautaa laelaku.
3Na e neie oto kana haalu laona wawaku, paalahenga otona hunia God ikie: mwala hunge ke leesie nada na kei maau, kire kesi noorutoo ana Lord.
4Deidehie inoni ko noorutoo ana Lord: na e kaa haamau ana muini ko la otoi tohainire, na ana muini ko liu aopa takoie eronga.
5Lord God ineu, o haahungaa oto helelamu ni anoa: na mui neisaenga ioe huniemi: e kaa ini ike ke urihana ioe; ana neke da ni houleinii na ni unui kire ke lai hunge mwaanie idumileni.
6Ununge su na ununge ani ngeula o kaa harihunie namue, o tahanie oto alingeku: o kaa haitalea ike namue mu ununge su wa ani tapaolinge;
7Nge nesi teuri, Lokau, Ineu oto mai: ilaona mu usuusu ereereaile kire unue oto hunieu;
8Noko saediana hahie palolana saemu, God ineu: toohu, haatolanga ioe ngeii i kaona saeku.
9Nou houleinie oto tataroha ani odotainge i matolai herahonu e paine: lokau, nou saa nihisie oto ngiduku; ioe, Lord, o manatainie noone urine.
10Nou kaa mumunie ike odotainge ioe i saeku; nou houleinie oto walaimolinge na haauringe ioe: nou kaa mumumunie manata diananga na walaimolinge ioe mwaanie herahonu peine.
11Lord, mwaanie o saesaenie mwaanieu sae malumu ioe: manata diananga na walaimolinge ioe ke kakakalieu onioni.
12Ana molatana nga ola hunge e taqaosieu oto; mu tataalanga ineu e polahieu oto, na neu kaa uwe alenga oto: ko la otoi hunge liutaa ana mu warauhune qauku, na saeku ko mouholo oto.
13Lord, ana saemu ko ola, oke haarieu: Lord, lauae mai oke peieu.
14Muini ko heitalea maurihaaku huni deu tekelainie, kire ke masa na kire ke noorudile oto: muini ngeena ko saediana hahie moola aela e taqaosieu kire ke pesire wau ani hiaelada.
15Muini ko ere takoieu uri, Aia, aia: kire ke io oto ani leu qala itehulaana kire ko masa oto.
16Muini ko heitaleo kire ke rikerike ani saediananga inunuhaamu: muini ko herihunie haauringe ioe kire ke ere onioni uri, Manikuluanga hunia Lord.
17Tae ineu nou meitale na siohaaku e tataala, tae a Lord ko neineisae aku: ioe ni ini peileku na haaurileku; God ineu, mwane o haahaahiru oto.
Currently Selected:
Mui Psalm 40: apbPSA
Highlight
Share
Copy
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
