Mui Psalm 140
140
1Oke lauhieu mone, Lord, mwaanie inoni tataala: Oke haaurieu mwaanie inoni ko talei horohoro.
2Ikire ni ngeena kire loongai akau ana manatada hunie muola tataala: isulie heidinge kire ko taetaelai haliite hunie ohota.
3Ikire ni ngeena, kire ko alaala ana meada mala mwa: ewei ni maemae ana pului ola e io ana pooni qeruqerude.
4Oke kakalieu mone, Lord, mwaanie nimana a orahaa: Oke haaurieu mwaanie ini horohoro ikire ni ngeena kire loonai moutei oto huni haatakaloa laelaku.
5Muini ko tohainire kire ko alasieu ani walo, mu ieli: kire ko alasie huo i reune tala; kire ko toli hune hunieu.
6Nou ere oto hunia Lord uri, ioe God ineu: Oke qarongoa walaku noko eitanaio Lord.
7Mwaena, God, a Lord, a ramohaana mauriteku: o ure honotana qauku ana dinge Ohota.
8Oke suuri maie Lord, hunie a orahaa taenanga ola ko sae hanalie: oke suuri peie ana ko loongainie muola tataala.
9Qaude muini ko piru kelieu: nga utolinge ana wawada ke aluhie leune.
10Na mawahaai dunge ke mawahire: ke asire ilaona dunge mwane kire hei taelai elihoi lou.
11Mui sae hanalinge ni wawa saa io susu ikolune mwakano: mui ola tataala kei luluisulie ini ko talei horo na kesi papatainie iano.
12Nou manatainie uri a Lord kei sapeie mei wala hunie nga ini ko io ni haamasie: na kei lei ni amasinge hunie kira maitale.
13E saa mola na kira odotai kei palahea satamu: na muini e uwe qau kire kei io hu inaomu.
Currently Selected:
Mui Psalm 140: apbPSA
Highlight
Copy
Compare
Share
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
