Mui Psalm 139
139
1Lord o haitale onimei ana tolahaku oto O leese: maholo nou io iano na nou taelai; saemu e tahanie mui tohungei neisaenga ineu.
2Tala ineu na hulite ineu oto inaomu haliite: O hahaitelingeinie ahutana tolahaku.
3Wawaku kei ere: tai oe, Lord, o manatainie oto.
4O karainie oto i naoku na i puriku: Oke haadianaau ana nimemu.
5Nou kaa saenanau ike urine: e saieu nou kaa malisi.
6Ana noko lae itei mwaanie lioa ioe: nekei tehi itei mwaanie naomu?
7Uri ana noko tahelai tai lengi, na ioe ileune: maalana noko io mai ilaona rodohono, na lio kau ioe noone ileune.
8Uri ana noko lai doune ahowa: na uri noko io ana apaiesi mei, na ioe taane ileune.
9Oke luieu ana nimemu ureileune: na okei tapolieu ana qaloqalomu
10Nge uri ana noko unue, uri rodohono mumunieu: atowa hunieu kei nei rodo.
11Rodohono saa rodo inaomu: na rodo kei sineta mala atowa rodohono na dangi e taingelute mola amu.
12Ana o haahola manataku: na o niie mei sape aku oto iana nikeku.
13Nekei palaheo ana haaholaau: ahutana mu esunge ioe mu anoa haliite; saeku e tahanii.
14Suliku e kaa liliahe mwaanio, maholo O haaholaau mwamwanoto: na o dau diana ana mui ladoha i sapeku ana leu e rorodoa.
15Maamu e leesie sapeku na kaa lodo mango ue: na o usu mangoa oto qongiku.
16Toohu o idu mangoa oto qongiku: na nou kaa hute ue.
17God saeku ko hanalie mu neisaenga ioe: kire tohungei hunge liuta.
18Nekei idumii na lio kau kire hune liuta ana one: nou lio na ineu taane ue peio.
19God, Oke sau asie kira orahaa: mwala horohoro omu ke hoalai mwaanieu.
20Ana kire ko haaero amu: mui maeloonga ioe ko sai teuteu ana satamu.
21Lord, nou ngiduupu hunie kiratei ko ngiduupu hunio: noko maleledie kiratei ko heukama honosio.
22Nou ngiduupu hunie ahutada: na noko neineisae ada uri mui maeloonga ineu.
23God, Oke haitale onimei isulie saeku, na Oke haaliue tolahaku: ani malaahongaku, na Oke sae asie ahutana mui neisaenga ineu mwaanieu.
24Na Oke haitale onimei isulie tolahaku mwane nga kele leu e aela ue: Okesi suluieu taau isulie tala ni meurihe hu.
Currently Selected:
Mui Psalm 139: apbPSA
Highlight
Copy
Compare
Share
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
