Mui Psalm 118
118
1Omu ke saidiana ana Lord ana ingeie e diana: ana e amasi taraurei.
2Israel ke unue uri: e amasi taraurei.
3Komu a Aaron ke unue uri: amasi taraurei.
4Kira haahaamau ana Lord omu ke unue uri: e amasi taraurei.
5Maholo saeku e hu nou soia Lord: a Lord e alamieu na e haauresieu ana nga lehu e aroka.
6A Lord a takiheku; nou saa maumeu ike: nga inoni kei qaoa nga meola taa aku?
7A Lord a takiheku peira lauhahieu: nge neke liolio maneko mola ana kira ngidu upu hunieu.
8Hiwalaimolinge ana a Lord e diana: mwaanie norutoonga ilengi inoni.
9Hiwalaimolinge ana a Lord e diana: mwaanie norutoonga ilengi alaha.
10Taena nga pulita ko tatanga ahuieu: ana Satana Lord nekei tekelainire.
11Kire ko tatanga ahuieu, toohu kire tatanga ahuieu: ana Satana Lord nekei tekelainire.
12Kire ko tatanga ahuieu mala mui ngingidue: kire urihana dunge ko weru tarau; ana Satana Lord nekei tekelainire.
13O qelusieu huni neke domu: tae a Lord mone e lauhahieu.
14A Lord a haasusuleku; kana isulie ienini: Ingeie a haaurileku.
15Awatai ilenimwaenga na maurihe i numa kira odotai: qaloqalona Lord e heleana ramonga.
16Qaloqalona Lord e liutaa: qaloqalona Lord e heleana ramonga.
17Nou saa mae nekei meuri: nekei laladoa helelana Lord.
18A Lord e ereaku: tae e kaa tooliasieu hunie neke mae.
19Omu ke tahangie odona maa ana para talaku: neke sili weu, neke saidiana ana Lord.
20Nge ie maai para a Lord: kira odotai ko sisili ana.
21Noko laheo ana oko rongoi sulieu: ana Ioe a haaurileku.
22Hau kira toutohu nume e leledie kau: nge esi nei qoqoota ani nume.
23Leu i sapena Lord ie: anoa i maaka.
24Dinge ie a Lord e holaie: kie ke maomao, na kie ke ileilenimwae ana.
25Lord, haauri emi: Lord, haadianaa taraurei amami.
26Deidehie ini ko lae mai i nunuhaana Satana Lord: iemi kira io ana numa Lord ko lahe omu.
27God Ingeie a Lord; ko raa honosikie: omu ke hoosie moula ni unu i epine ora ni unuunu.
28Ioe God ineu, noko saidiana amu: God ineu, noko palahe alaa amu.
29Omu ke saidiana ana Lord ana Ingeie e diana: ana e amasi taraurei.
Currently Selected:
Mui Psalm 118: apbPSA
Highlight
Copy
Compare
Share
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
