Mui Psalm 102
102
1Lord, oke rongoa arengainge ineu: ngaralaku ke hule taau emu.
2Mwane o mumunie maamu mwaanieu ana dinge siohaaku ko lai aela: oke hahurei elinge mai takoieu; ana dinge neke soio oke tolana alamieu leuae.
3Ana qongiku e ahutata mala sasu: mu suisuliku e waru mango mala usu ei mola.
4Kire saunie saeku, e urihana oto mu hahalisi e rarasi oto: ana nou pulongosie oto ngaulana mu ngeula ineu.
5Itehulaana mone walaku ana noko mamango asa: nge suisuliku esi rarao oto ana hasioku.
6Nou domana oto araku ure ana hanue sala: nou nei oto mala ahuo ana mu leu e naonga.
7Noko liolio: na nou nei oto mala manu ngeena ko oa maraana i qaohana nume.
8Mu maeloonga ineu ko leledieu suli heidinge: nga muini ko sae aela hunieu kire ko ere ni haapunge: ana sataku.
9Ana nou ngeu qasaore mala oto ngaula: wai ekue nou qei dolalie ani wei ure ana maaku.
10Itehulaana saemu ko wana na oko saesaewasu: ana o suluieu keu, o si huuleinieu lou weu.
11Qongiku domana nga nunui ola ko huihuitei oto: nou rararasi oto mala hahalisi.
12Tae ioe, Lord, oke io hu oto: kire ke neineisae oto amu isulie taena nga qaunge.
13Oke taelai, Lord, huni oke amasie Sion: ana qongine e siho oto huni ke amasie, toohu, qongine e hule oto.
14Ana mu heiraretai ioe ko leesie mu heu ingeie ani hirehunileni: kire ko la otoi amasie mwakano loho ana.
15Aitana mu komu hunge kei meuteinie urine satana Lord: na mu alaha ana walumalau rarangamu.
16Ana a Lord e haauresie lou Jerusalem: e haatai mei ani manikuluhaana.
17E saro takoie arengainge kira maitale: e kaa mamakolasie arengainge ikire.
18Kire ke usuusu konie loosie qaunge ue mai: na nga mwala kire ke haaholaa ke paalahea God.
19Ana e aongai mei mwaanie leu maai ingeie e liutaa tai lengi: a Lord ilengine salo e lio toli mei hahie walumalau.
20Hunie ke rongoa muini ko io ni hoohoo kire ko mamango paine: hunie ke toliasie sapelaku mu kale ni maenga.
21Huni kire ke houleinie satana Lord i Sion: na tarohana e diana i Jerusalem.
22Maholo mwala hunge ko aheahelidu oto: toohu, na mu alahanga lou hunie palopaloa Lord.
23E hele tolingie ramolaku isulie tala: e odo mousie qongiku oto.
24Nou teuri, God ineu, mwane o taasieu oto i uputana qongiku: qongimu mone ke io hu oto sulie taena nga qaunge.
25O upuni noia oto inao poopootana walumalau: na moola ilengi usuusuana nimemu heliite.
26Kire kei eia oto, tae ioe oke io hu; toohu, kire kei meni lehu oto mala tooni: oke olisii domana mi salo na kire kei huitei oto.
27Tae ioe oke io hu oto; na qongimu saa mango oto oo.
28Mu kalena mu heiraretai ioe ke io susulei oto: na kire ke rodire mu weuwada i naomu.
Currently Selected:
Mui Psalm 102: apbPSA
Highlight
Copy
Compare
Share
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
