Tènꞌèl Mèn Rasul 4
4
Mèn pemimpin Yahudi umpèrhir Pètrus ròb Yohanès èn Majlis Agama
1Bil Pètrus ròb Yohanès tik wèbecharak ma sènꞌòy jajéh èn Dékh Tuhan, dak umlãj mèn imam, ketuwe polis rik bejagak èn Dékh Tuhan, bok ròb guruk agama nòm pitak Saduki. 2Umnak umꞌõl geb ma Pètrus ròb Yohanès, sebab wènar nak wèbetènglèkh ma sènꞌòy jajéh nak tentang Yèsus. Wènar nak wèchal Allah hòj natèrwòg Yèsus nòm kènbes Eh, dak sebab nak ma sèj-sòj eh bilok Allah namtèrwòg wèl sènꞌòy rik pechaye ma Yèsus nòm kènbes um keꞌjèk. 3Jadik umnak umròt ma Pètrus ròb Yohanès dak umtèrmòj ma kelòj jél. Dak sebab is hòj nambelayèg, Pètrus ròb Yohanès umtèrhan wèh èn anak sampéy is jakal. 4Tapik jajéh sènꞌòy rik umkèngyòkh ma Pètrus ròb Yohanès naꞌtèk umpechaye ma tenènglèkh nak. Dak sènꞌòy rik bepechaye ma Yèsus nabetabeh wèl sampéy lènbéh um limak ribuk sènꞌòy.#4:4 limak ribuk sènꞌòy Tèks asli “bèhbeh.” Had umkirak bèhbeh hék; tok umbekirak ma lènbéh bèꞌbok ròb sèdyẽd.
5Dak ma is jakal eh nak mèn ketuwe imam, tèꞌtak, ròb guruk agama Yahudi umbekumpol èn Yèrusalèm. 6Mok èn anak keꞌjèk Imam Rayak Yahudi, rik bekenëh Hanas. Dak Kayapas, Yohanès, Alèksander, ròb bèhbeh mòy nòm kewarge Imam Rayak umhoh keꞌjèk. 7Dak umꞌor sènꞌòy mòy muꞌéd Pètrus ròb Yohanès, dak bil wèted èn sòy umnak umtanyak ma wènar nak, “Bok rèk lok kaꞌan tèrhakh ma sènꞌòy doh rik bekantem hatòp? Chok kenëh irik èg-og kuwase nak ma kaꞌan?”
8Bil nak Ruway Kudus nakuwase ma Pètrus, dak Pètrus nasaꞌod ma umnak, “Nyob pemimpin ròb sènꞌòy bekuwase kaum Yahudi! 9Is doh nyob nyomsak ma yar doh sebab yateꞌèl méj bok yatulong ma néy sènꞌòy rik bekantem. Dak nyob tanyak ma yar gerèk lok yatèrhakh ma sènꞌòy nak. 10Nak, yék imchal ma nyob ròb kenèmbek sènꞌòy Israꞌèl: sènꞌòy rik tèd-ted èn sòy nyob doh hòj nahakh nòm kuwase kenëh Yèsus Kristus, sènꞌòy Nasarèt nak. Nyob hòj nyob kèrbes Rik Nak èn palok salib, tapik Allah hòj natèrwòg wèl nòm kènbes Eh. 11Dak mok natulis èn kelòj Kitab tentang Yèsus: #En 118:22.
‘Sènꞌòy rik umtèlꞌèl dékh umbes
néy batuk rik umjèk nak.
Batuk nak hòj najadik batuk paléng penting — batuk betunggol
rik namchèrgod ma dékh nak.’
12Jadik had Yèsus hék lah rik terèsgos ma èk! Èn kenèmbek bumi Allah tok naꞌèg-og wèl ma chok-chok pon namtèrgos ma èk.”
13Mèn pemimpin Yahudi umbèlꞌih bil umnéh ma Pètrus ròb Yohanès wèlamid wècharak gerèk nak, sebab umnak umlèkh wènar nak had sènꞌòy biyase bok tok wèbelajar ibuk tentang agama. Dak èn anak umnak umbelekh wènar nak rik selaluk hèh-hoh samak Yèsus. 14Tapik umnak tok boléh muchèl-chal ilok-ilok mulawan ma nèlchal Pètrus nak, sebab umnéh sènꞌòy bekantem rik hòj nahakh nak natèd-ted èn anak samak Pètrus ròb Yohanès. 15Jadik umnak umꞌor ma Pètrus ròb Yohanès wèmhuwòl nòm tempad terènbuk Majlis Agama nak. Dak pas nak umnak umcha-chal kaban rik um, 16“Ilok èmteꞌèl ma nar sènꞌòy doh? Tok boléh èmchal gah nak tok belakuk, sebab kenèmbek sènꞌòy rik umgèl-gel èn Yèrusalèm hòj umlèkh ma tande kuwase rik wèteꞌèl nak! 17Tapik èjèk gah nak namjekh wèl ma sènꞌòy jajéh. Jadik, jok lah, èk èmpèrhir ma wènar nak supaye agok wèmchal wèl ma chok-chok pon tentang kenëh Yèsus nak.”
18Pas nak umnak umkòw ma Pètrus ròb Yohanès wèmlos wèmmòj wèl. Dak umnak umhuwok ma wènar nak, “Kaꞌan agok chal wèl kenëh Yèsus nak! Agok tènglèkh wèl tentang Rik Nak ma chok-chok pon.”
19Tapik Pètrus ròb Yohanès wèsaꞌod ma umnak, “Bèdlod lah, malok rik kènmën èn mad Allah: yamhoh ma nènchèn Allah atòw yamhoh ma nènchèn nyob? 20Sebab yar tok boléh yamkèꞌdëk sengẽk tentang ilok rik hòj yakeyòkh bok yanéh.” 21-22Bil nak Majlis Agama nak tok dapad mutèrbuk chare untok muhukom ma Pètrus ròb Yohanès. Umnak umlèkh kenèmbek sènꞌòy jajéh tik umbeꞌèhmah ma Allah sebab tande kuwase rik hòj nabelakuk nak — sènꞌòy rik bekantem nak umor eh hòj empad puloh tawon bil Tuhan natèrhakh eh! Jadik, umnak umpèrhir ma Pètrus ròb Yohanès lebéh padat wèl, dak sèj-sòj eh umbébas ma wènar nak.
Mèn hèhoh Yèsus umpèꞌtak supaye umnak mulamid sebab pemimpin Yahudi umpèrhir ma umnak
23Nòm kerek mèn ketuwe imam ròb pemimpin Yahudi hòj umbébas ma Pètrus ròb Yohanès, wènar nak wèlos ma sènꞌòy gèhnih rik umbepechaye ma Yèsus. Dak wèꞌoglèkh kenèmbek rik mèn ketuwe imam ròb pemimpin Yahudi umchal ma wènar nak atèk. 24Dak bil sènꞌòy rik pechaye nak umkeyòkh ma gah nak, umnak umpèꞌtak nòm néy hup ma Allah, “Yah Tuhan Rik Paléng Bekuwase, Hãk lah rik perèjhéj langid, bumi, laud ròb kenèmbek ilok rik mok èn kelòj eh nak. #Her 20:11; Nèh 9:6; En 146:6. 25Bok nòm Ruway Kudus Hãk hòj haꞌoglèkh ma yak dòt bej kandék Rajak Daud, dak nanak naramal gerèk doh: #En 2:1,2.
‘Nahey kaum-kaum kedak Yahudi umꞌõl?
Dak nahey umnak umbeꞌidéh mase bok umbeꞌampèk ma hal rik tok begunak?
26Mèn rajak ròb sènꞌòy bekuwase èn bumi doh umbekumpol dak umtabéh untok mulawan
ma TUHAN ròb Mèsias rik hòj napèrhod nak.’
27Yah Tuhan, hal nak hòj kemën nabelakuk èn kote Yèrusalèm doh! Sebab Rajak Hèrodès, Pontius Pilatus, ròb sènꞌòy kedak Yahudi umbekumpol samak sènꞌòy Yahudi. Umnak umꞌampèk untok mukèrbes ma Yèsus, rik suchi bok nahoh ma nènchèn Hãk nòm hup rik rendah. Nanak lah rik Hãk hòj hatèrꞌòj namjadik Mèsias. #Luk 23:7-11; Mat 27:1,2; Mrk 15:1; Luk 23:1; Yoh 18:28,29. 28Dak kenèmbek rik umteꞌèl ma Yèsus nak hòj nabelakuk tehad gerèk ilok rik Hãk hachèn bok haꞌampèk nòm nèng-nèng tòp, sebab Hãk lah rik paléng bekuwase. 29Jadik puꞌdoh, yah Tuhan, néh lah. Umnak hòj umpèrhir ma kandék. Kandék doh milik Hãk, dak kihoh ma nènchèn Hãh. Jadik, tulong lah che kandék supaye tok kimtèng-tukh untok kimtèrlòy Gah Hãk. 30Bok pèrnéh lah kuwase Hãk untok hamtèrhakh ma sènꞌòy rik umjèk-jik. Og lah kandék kimteꞌèl tènꞌèl kuwase ròb tande nòm kuwase kenëh Yèsus, rik suchi bok nahoh ma nènchèn Hãh.”
31Nòm kerek umnak hòj sòj umpèꞌtak, dak èn tempad umbekumpol nak gerèhnëh. Dak Ruway Kudus nakuwase ma umnak kenèmbek, dak umnak umtekèd umꞌèg-oglèkh Gah Allah ma sènꞌòy nòm lenamid um.
Sènꞌòy rik pechaye umsa-sér milik umnak kaban rik um
32Kenèmbek sènꞌòy rik pechaye nak umnak umgos néy hup. Tok mèk-mok néy sènꞌòy pon rik nambèdlod ilok rik mok èn nanak milik rik eh nak. Kenèmbek ilok rik mok èn umnak umsa-sér kaban rik um. #Tèn 2:44,45. 33Bok nòm kuwase rik rayak mèn rasul nak umꞌèg-oglèkh ma sènꞌòy Tuhan Yèsus hòj nalos nawòg wèl nòm kènbes Eh. Dak Allah nateꞌèl méj beduyon-duyon ma kenèmbek sènꞌòy rik bepechaye nak. 34-35Dak èn umnak mok rik betèk atòw bedékh, dak umjuwal tèk ròb dékh um nak. Dak hasil umjuwal nak umꞌèn dak umꞌog ma mèn rasul untok musér duid eh nak ma tiyab sènꞌòy rik naperlu, supaye èn umnak tok mèk-mok néy sènꞌòy pon rik tok tèdhad.
36Mok èn umnak néy sènꞌòy rik bekenëh Yusop. Yusop nak nòm suku Lèwi, dak nabeꞌasal nòm Pulòw Siprus. Mèn rasul umtèrjal kenëh pay eh Barnabas, rik bemaksod “Sènꞌòy rik beꞌayad ma sènꞌòy mòy.” 37Dak rik nak pon najuwal tèk milik eh gerèk nak, bok naꞌèn duid eh nak dak naꞌog ma mèn rasul.
Currently Selected:
Tènꞌèl Mèn Rasul 4: KKT
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.
Tènꞌèl Mèn Rasul 4
4
Mèn pemimpin Yahudi umpèrhir Pètrus ròb Yohanès èn Majlis Agama
1Bil Pètrus ròb Yohanès tik wèbecharak ma sènꞌòy jajéh èn Dékh Tuhan, dak umlãj mèn imam, ketuwe polis rik bejagak èn Dékh Tuhan, bok ròb guruk agama nòm pitak Saduki. 2Umnak umꞌõl geb ma Pètrus ròb Yohanès, sebab wènar nak wèbetènglèkh ma sènꞌòy jajéh nak tentang Yèsus. Wènar nak wèchal Allah hòj natèrwòg Yèsus nòm kènbes Eh, dak sebab nak ma sèj-sòj eh bilok Allah namtèrwòg wèl sènꞌòy rik pechaye ma Yèsus nòm kènbes um keꞌjèk. 3Jadik umnak umròt ma Pètrus ròb Yohanès dak umtèrmòj ma kelòj jél. Dak sebab is hòj nambelayèg, Pètrus ròb Yohanès umtèrhan wèh èn anak sampéy is jakal. 4Tapik jajéh sènꞌòy rik umkèngyòkh ma Pètrus ròb Yohanès naꞌtèk umpechaye ma tenènglèkh nak. Dak sènꞌòy rik bepechaye ma Yèsus nabetabeh wèl sampéy lènbéh um limak ribuk sènꞌòy.#4:4 limak ribuk sènꞌòy Tèks asli “bèhbeh.” Had umkirak bèhbeh hék; tok umbekirak ma lènbéh bèꞌbok ròb sèdyẽd.
5Dak ma is jakal eh nak mèn ketuwe imam, tèꞌtak, ròb guruk agama Yahudi umbekumpol èn Yèrusalèm. 6Mok èn anak keꞌjèk Imam Rayak Yahudi, rik bekenëh Hanas. Dak Kayapas, Yohanès, Alèksander, ròb bèhbeh mòy nòm kewarge Imam Rayak umhoh keꞌjèk. 7Dak umꞌor sènꞌòy mòy muꞌéd Pètrus ròb Yohanès, dak bil wèted èn sòy umnak umtanyak ma wènar nak, “Bok rèk lok kaꞌan tèrhakh ma sènꞌòy doh rik bekantem hatòp? Chok kenëh irik èg-og kuwase nak ma kaꞌan?”
8Bil nak Ruway Kudus nakuwase ma Pètrus, dak Pètrus nasaꞌod ma umnak, “Nyob pemimpin ròb sènꞌòy bekuwase kaum Yahudi! 9Is doh nyob nyomsak ma yar doh sebab yateꞌèl méj bok yatulong ma néy sènꞌòy rik bekantem. Dak nyob tanyak ma yar gerèk lok yatèrhakh ma sènꞌòy nak. 10Nak, yék imchal ma nyob ròb kenèmbek sènꞌòy Israꞌèl: sènꞌòy rik tèd-ted èn sòy nyob doh hòj nahakh nòm kuwase kenëh Yèsus Kristus, sènꞌòy Nasarèt nak. Nyob hòj nyob kèrbes Rik Nak èn palok salib, tapik Allah hòj natèrwòg wèl nòm kènbes Eh. 11Dak mok natulis èn kelòj Kitab tentang Yèsus: #En 118:22.
‘Sènꞌòy rik umtèlꞌèl dékh umbes
néy batuk rik umjèk nak.
Batuk nak hòj najadik batuk paléng penting — batuk betunggol
rik namchèrgod ma dékh nak.’
12Jadik had Yèsus hék lah rik terèsgos ma èk! Èn kenèmbek bumi Allah tok naꞌèg-og wèl ma chok-chok pon namtèrgos ma èk.”
13Mèn pemimpin Yahudi umbèlꞌih bil umnéh ma Pètrus ròb Yohanès wèlamid wècharak gerèk nak, sebab umnak umlèkh wènar nak had sènꞌòy biyase bok tok wèbelajar ibuk tentang agama. Dak èn anak umnak umbelekh wènar nak rik selaluk hèh-hoh samak Yèsus. 14Tapik umnak tok boléh muchèl-chal ilok-ilok mulawan ma nèlchal Pètrus nak, sebab umnéh sènꞌòy bekantem rik hòj nahakh nak natèd-ted èn anak samak Pètrus ròb Yohanès. 15Jadik umnak umꞌor ma Pètrus ròb Yohanès wèmhuwòl nòm tempad terènbuk Majlis Agama nak. Dak pas nak umnak umcha-chal kaban rik um, 16“Ilok èmteꞌèl ma nar sènꞌòy doh? Tok boléh èmchal gah nak tok belakuk, sebab kenèmbek sènꞌòy rik umgèl-gel èn Yèrusalèm hòj umlèkh ma tande kuwase rik wèteꞌèl nak! 17Tapik èjèk gah nak namjekh wèl ma sènꞌòy jajéh. Jadik, jok lah, èk èmpèrhir ma wènar nak supaye agok wèmchal wèl ma chok-chok pon tentang kenëh Yèsus nak.”
18Pas nak umnak umkòw ma Pètrus ròb Yohanès wèmlos wèmmòj wèl. Dak umnak umhuwok ma wènar nak, “Kaꞌan agok chal wèl kenëh Yèsus nak! Agok tènglèkh wèl tentang Rik Nak ma chok-chok pon.”
19Tapik Pètrus ròb Yohanès wèsaꞌod ma umnak, “Bèdlod lah, malok rik kènmën èn mad Allah: yamhoh ma nènchèn Allah atòw yamhoh ma nènchèn nyob? 20Sebab yar tok boléh yamkèꞌdëk sengẽk tentang ilok rik hòj yakeyòkh bok yanéh.” 21-22Bil nak Majlis Agama nak tok dapad mutèrbuk chare untok muhukom ma Pètrus ròb Yohanès. Umnak umlèkh kenèmbek sènꞌòy jajéh tik umbeꞌèhmah ma Allah sebab tande kuwase rik hòj nabelakuk nak — sènꞌòy rik bekantem nak umor eh hòj empad puloh tawon bil Tuhan natèrhakh eh! Jadik, umnak umpèrhir ma Pètrus ròb Yohanès lebéh padat wèl, dak sèj-sòj eh umbébas ma wènar nak.
Mèn hèhoh Yèsus umpèꞌtak supaye umnak mulamid sebab pemimpin Yahudi umpèrhir ma umnak
23Nòm kerek mèn ketuwe imam ròb pemimpin Yahudi hòj umbébas ma Pètrus ròb Yohanès, wènar nak wèlos ma sènꞌòy gèhnih rik umbepechaye ma Yèsus. Dak wèꞌoglèkh kenèmbek rik mèn ketuwe imam ròb pemimpin Yahudi umchal ma wènar nak atèk. 24Dak bil sènꞌòy rik pechaye nak umkeyòkh ma gah nak, umnak umpèꞌtak nòm néy hup ma Allah, “Yah Tuhan Rik Paléng Bekuwase, Hãk lah rik perèjhéj langid, bumi, laud ròb kenèmbek ilok rik mok èn kelòj eh nak. #Her 20:11; Nèh 9:6; En 146:6. 25Bok nòm Ruway Kudus Hãk hòj haꞌoglèkh ma yak dòt bej kandék Rajak Daud, dak nanak naramal gerèk doh: #En 2:1,2.
‘Nahey kaum-kaum kedak Yahudi umꞌõl?
Dak nahey umnak umbeꞌidéh mase bok umbeꞌampèk ma hal rik tok begunak?
26Mèn rajak ròb sènꞌòy bekuwase èn bumi doh umbekumpol dak umtabéh untok mulawan
ma TUHAN ròb Mèsias rik hòj napèrhod nak.’
27Yah Tuhan, hal nak hòj kemën nabelakuk èn kote Yèrusalèm doh! Sebab Rajak Hèrodès, Pontius Pilatus, ròb sènꞌòy kedak Yahudi umbekumpol samak sènꞌòy Yahudi. Umnak umꞌampèk untok mukèrbes ma Yèsus, rik suchi bok nahoh ma nènchèn Hãk nòm hup rik rendah. Nanak lah rik Hãk hòj hatèrꞌòj namjadik Mèsias. #Luk 23:7-11; Mat 27:1,2; Mrk 15:1; Luk 23:1; Yoh 18:28,29. 28Dak kenèmbek rik umteꞌèl ma Yèsus nak hòj nabelakuk tehad gerèk ilok rik Hãk hachèn bok haꞌampèk nòm nèng-nèng tòp, sebab Hãk lah rik paléng bekuwase. 29Jadik puꞌdoh, yah Tuhan, néh lah. Umnak hòj umpèrhir ma kandék. Kandék doh milik Hãk, dak kihoh ma nènchèn Hãh. Jadik, tulong lah che kandék supaye tok kimtèng-tukh untok kimtèrlòy Gah Hãk. 30Bok pèrnéh lah kuwase Hãk untok hamtèrhakh ma sènꞌòy rik umjèk-jik. Og lah kandék kimteꞌèl tènꞌèl kuwase ròb tande nòm kuwase kenëh Yèsus, rik suchi bok nahoh ma nènchèn Hãh.”
31Nòm kerek umnak hòj sòj umpèꞌtak, dak èn tempad umbekumpol nak gerèhnëh. Dak Ruway Kudus nakuwase ma umnak kenèmbek, dak umnak umtekèd umꞌèg-oglèkh Gah Allah ma sènꞌòy nòm lenamid um.
Sènꞌòy rik pechaye umsa-sér milik umnak kaban rik um
32Kenèmbek sènꞌòy rik pechaye nak umnak umgos néy hup. Tok mèk-mok néy sènꞌòy pon rik nambèdlod ilok rik mok èn nanak milik rik eh nak. Kenèmbek ilok rik mok èn umnak umsa-sér kaban rik um. #Tèn 2:44,45. 33Bok nòm kuwase rik rayak mèn rasul nak umꞌèg-oglèkh ma sènꞌòy Tuhan Yèsus hòj nalos nawòg wèl nòm kènbes Eh. Dak Allah nateꞌèl méj beduyon-duyon ma kenèmbek sènꞌòy rik bepechaye nak. 34-35Dak èn umnak mok rik betèk atòw bedékh, dak umjuwal tèk ròb dékh um nak. Dak hasil umjuwal nak umꞌèn dak umꞌog ma mèn rasul untok musér duid eh nak ma tiyab sènꞌòy rik naperlu, supaye èn umnak tok mèk-mok néy sènꞌòy pon rik tok tèdhad.
36Mok èn umnak néy sènꞌòy rik bekenëh Yusop. Yusop nak nòm suku Lèwi, dak nabeꞌasal nòm Pulòw Siprus. Mèn rasul umtèrjal kenëh pay eh Barnabas, rik bemaksod “Sènꞌòy rik beꞌayad ma sènꞌòy mòy.” 37Dak rik nak pon najuwal tèk milik eh gerèk nak, bok naꞌèn duid eh nak dak naꞌog ma mèn rasul.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.