Tènꞌèl Mèn Rasul 3
3
Tuhan natèrhakh ma sènꞌòy rik jukh eh bekantem
1Bil néy arik, Pètrus ròb Yohanès wèwèk ma Dékh Tuhan. Bil nak pukol tigak lèngꞌakh, mase sènꞌòy Yahudi selaluk umbepèꞌtak. 2Èn anak mok néy babeh rik jukh eh bekantem nòm amèk eh nayos tik chelèkh eh. Tiyab-tiyab arik sènꞌòy umkanar babeh nak ma Dékh Tuhan, dak rik nak nagel èn béng rèngkak rik umdéh Rèngkak Méj. Dak èn anak nabetadok nasemany duid nòm sènꞌòy rik mèj-mòj ma Dékh Tuhan. 3Bil nanak nanéh ma Pètrus ròb Yohanès wèmòg mòj ma kelòj Dékh Tuhan, dak nanak nasemany duid nòm wènar nak. 4Dak Pètrus ròb Yohanès wètemèl ma sènꞌòy bekantem nak, dak Pètrus nachal, “Néh lah ma yar doh!” 5Sènꞌòy nak natemèl ma wènar nak, sebab naꞌès-as akal namdapad duid nòm wènar nak. 6Tapik Pètrus nachal, “Duid mas ròb pèrak tok mèk-mok èn yék. Tapik ilok rik mok èn yék, yék iꞌog ma hãk: nòm kuwase kenëh Yèsus Kristus, sènꞌòy Nasarèt, wòg lah dak chib!” 7Dak Pètrus nakuwòp ma tikh tep sènꞌòy bekantem nak dak natulong nabèrted ma rik nak. Bil nak keꞌjèk, jukh ròb kèlkèl jukh eh najadik kuwad. 8Dak nanak nated hès, dak natekèd nachèb-chib! Dak anak namòj ma Dékh Tuhan samak Pètrus ròb Yohanès, nachèb-chib, nabehunjol, dak nabeꞌèhmah ma Allah. 9Kenèmbek sènꞌòy umnéh ma rik nak nachèb-chib dak nabeꞌèhmah ma Allah. 10Dak umnak umkenal nanak rik selaluk nabetadok duid èn sòy Rèngkak Méj èn Dékh Tuhan. Umnak umkèdjed bok umbèlꞌih geb bil umnéh ilok rik hòj nabelakuk ma rik nak.
11Dak sènꞌòy rik bekantem naꞌtèk nahoh ma Pètrus ròb Yohanès, tik nakuwòp ma wènar nak. Kenèmbek sènꞌòy jajéh rik umbelèhꞌih naꞌtèk umdabal dak umherimung ma umnak èn halaman Dékh Tuhan, èn tempad rik umkòw “Baléy Salomo.”#3:11 Baléy Salomo nak néy bahagian bangunan èn kelòj halaman Dékh Tuhan. Baléy nak rayak bok jerok, dak mok kènròb eh èn balikh ibuk tunggol bebatuk rik rayak.
Pètrus naꞌèg-oglèkh Gah Méj tentang Yèsus ma sènꞌòy jajéh èn Dékh Tuhan
12Bil Pètrus nanéh ma sènꞌòy jajéh nak, nanak nachal ma umnak, “Kéy-kéy yék sènꞌòy Israꞌèl! Nahey nyob bok nyob bèlaꞌih ma gah doh? Agok lah néh ma yar gerèk yar doh irik yaꞌuy sènꞌòy doh nachib sebab yar yabekuwase, atòw sebab yar yahoh ma nènchèn Allah. 13Hõy, kedak yar! Allah yak dòt bej èk — Allah Abraham, Isak, ròb Yakob — rik terènghakh ma sènꞌòy doh. Dak Allah nateꞌèl hal doh supaye Yèsus, rik hèh-hoh ma nènchèn Allah nòm hup rik rendah, namjadik rayak bok terkenal. Yèsus nak lah rik nyob og ma Pilatus, menterik rayak Roma nak, untok namkèrbes. Dak Pilatus nachèn nambébas ma Yèsus. Tapik nyob tik nyob jèk ma Yèsus, #Her 3:15. 14rik suchi bok kènmën èn mad Allah, dak nyob sered ma Pilatus nambébas néy sènꞌòy rik kerèsbes untok nyob. #Mat 27:15-23; Mrk 15:6-14; Luk 23:13-23; Yoh 19:12-15. 15Pas nak nyob or mukèrbes ma Yèsus, rik perèjhéj ma kenèmbek nèsgos. Tapik puꞌdoh Allah hòj natèrwòg wèl ma Rik Nak nòm kènbes Eh. Kandék hòj kinéh ma gah nak. 16Nyob kenèmbek hòj nyob néh bok nyob kenal ma sènꞌòy doh rik bekantem naꞌtèk. Nòm kuwase kenëh Yèsus, rik nak hòj najadik kuwad. Dak sebab yar yapechaye ma Yèsus, Tuhan hòj natèrhakh ma sènꞌòy doh èn mad nyob.
17Dak yék hòj ilèkh, kéy-kéy yék, nyob ròb pemimpin nyob tok nyob lèng-lèkh ilok rik nyob teꞌèl ma Yèsus. 18Tapik Allah hòj naꞌoglèkh gah nak manah tòp, dak kenèmbek nabi Eh umterèylòy gah nak: Mèsias rik Allah napèrhod nak haros naderite bok nakebes. Dak puꞌdoh perènhod Allah nak hòj nabelakuk. 19Jadik, perak lah nòm dose nyob dak los wèl ma Allah, supaye Allah namtèrhõy dose nyob. 20Dak akal nalãj mase Tuhan natulong ma nyob bok nakèrwad ma ruway nyob. Dak bil néy is akal Allah natèrꞌèn wèl Yèsus, rik hòj napili untok namjadik Mèsias ma nyob. 21Tapik Yèsus nak haros nagel nèng-nèng èn sorga, sampéy lah Allah napèrhéj pay kenèmbek perènhéj Eh, gerèk Allah hòj napèrhod bok mèn nabi penili Eh hòj umramal nòm nèng-nèng tòp. 22Musa pon hòj nachal nèng-nèng tòp, ‘TUHAN Allah nyob akal natèrꞌòj néy sènꞌòy nòm kaum rik nyob namjadik Nabi ma nyob, gerèk yék doh. Keyòkh lah méj-méj ma kenèmbek nèlchal Nabi nak. #Ter 18:15,18. 23Dak chok rik tok hèh-hoh ma nèlchal Nabi nak, Allah akal napèrmòy nanak nòm kaum penili Eh dak natèrhõy ma sènꞌòy nak.’ #Ter 18:19. 24Nabi Samuèl ròb kenèmbek nabi Tuhan hòj umterèylòy gah nòm Allah tentang ilok rik hòj nabelakuk puꞌdoh. 25-26Dak èk doh waris mèn nabi nak. Ilok Allah napèrhod ma yak dòt bej èk, nak lah napèrhod ma èk keꞌjèk. Unak lah sebab eh Allah natèrꞌèn Yèsus ma èk kaum Yahudi nèng-nèng: sebab Allah nachal ma Abraham, ‘Nòm waris hãk Yék akal iteꞌèl méj ma kenèmbek kaum èn bumi.’ Bok sebab nak keꞌjèk lah Allah hòj natèrꞌòj ma Yèsus, rik selaluk nahoh ma nènchèn Allah nòm hup rik rendah: supaye Rik Nak namteꞌèl méj ma nyob bok namtèrlos nyob nòm nèsgos rik jèdhad.”
Currently Selected:
Tènꞌèl Mèn Rasul 3: KKT
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.
Tènꞌèl Mèn Rasul 3
3
Tuhan natèrhakh ma sènꞌòy rik jukh eh bekantem
1Bil néy arik, Pètrus ròb Yohanès wèwèk ma Dékh Tuhan. Bil nak pukol tigak lèngꞌakh, mase sènꞌòy Yahudi selaluk umbepèꞌtak. 2Èn anak mok néy babeh rik jukh eh bekantem nòm amèk eh nayos tik chelèkh eh. Tiyab-tiyab arik sènꞌòy umkanar babeh nak ma Dékh Tuhan, dak rik nak nagel èn béng rèngkak rik umdéh Rèngkak Méj. Dak èn anak nabetadok nasemany duid nòm sènꞌòy rik mèj-mòj ma Dékh Tuhan. 3Bil nanak nanéh ma Pètrus ròb Yohanès wèmòg mòj ma kelòj Dékh Tuhan, dak nanak nasemany duid nòm wènar nak. 4Dak Pètrus ròb Yohanès wètemèl ma sènꞌòy bekantem nak, dak Pètrus nachal, “Néh lah ma yar doh!” 5Sènꞌòy nak natemèl ma wènar nak, sebab naꞌès-as akal namdapad duid nòm wènar nak. 6Tapik Pètrus nachal, “Duid mas ròb pèrak tok mèk-mok èn yék. Tapik ilok rik mok èn yék, yék iꞌog ma hãk: nòm kuwase kenëh Yèsus Kristus, sènꞌòy Nasarèt, wòg lah dak chib!” 7Dak Pètrus nakuwòp ma tikh tep sènꞌòy bekantem nak dak natulong nabèrted ma rik nak. Bil nak keꞌjèk, jukh ròb kèlkèl jukh eh najadik kuwad. 8Dak nanak nated hès, dak natekèd nachèb-chib! Dak anak namòj ma Dékh Tuhan samak Pètrus ròb Yohanès, nachèb-chib, nabehunjol, dak nabeꞌèhmah ma Allah. 9Kenèmbek sènꞌòy umnéh ma rik nak nachèb-chib dak nabeꞌèhmah ma Allah. 10Dak umnak umkenal nanak rik selaluk nabetadok duid èn sòy Rèngkak Méj èn Dékh Tuhan. Umnak umkèdjed bok umbèlꞌih geb bil umnéh ilok rik hòj nabelakuk ma rik nak.
11Dak sènꞌòy rik bekantem naꞌtèk nahoh ma Pètrus ròb Yohanès, tik nakuwòp ma wènar nak. Kenèmbek sènꞌòy jajéh rik umbelèhꞌih naꞌtèk umdabal dak umherimung ma umnak èn halaman Dékh Tuhan, èn tempad rik umkòw “Baléy Salomo.”#3:11 Baléy Salomo nak néy bahagian bangunan èn kelòj halaman Dékh Tuhan. Baléy nak rayak bok jerok, dak mok kènròb eh èn balikh ibuk tunggol bebatuk rik rayak.
Pètrus naꞌèg-oglèkh Gah Méj tentang Yèsus ma sènꞌòy jajéh èn Dékh Tuhan
12Bil Pètrus nanéh ma sènꞌòy jajéh nak, nanak nachal ma umnak, “Kéy-kéy yék sènꞌòy Israꞌèl! Nahey nyob bok nyob bèlaꞌih ma gah doh? Agok lah néh ma yar gerèk yar doh irik yaꞌuy sènꞌòy doh nachib sebab yar yabekuwase, atòw sebab yar yahoh ma nènchèn Allah. 13Hõy, kedak yar! Allah yak dòt bej èk — Allah Abraham, Isak, ròb Yakob — rik terènghakh ma sènꞌòy doh. Dak Allah nateꞌèl hal doh supaye Yèsus, rik hèh-hoh ma nènchèn Allah nòm hup rik rendah, namjadik rayak bok terkenal. Yèsus nak lah rik nyob og ma Pilatus, menterik rayak Roma nak, untok namkèrbes. Dak Pilatus nachèn nambébas ma Yèsus. Tapik nyob tik nyob jèk ma Yèsus, #Her 3:15. 14rik suchi bok kènmën èn mad Allah, dak nyob sered ma Pilatus nambébas néy sènꞌòy rik kerèsbes untok nyob. #Mat 27:15-23; Mrk 15:6-14; Luk 23:13-23; Yoh 19:12-15. 15Pas nak nyob or mukèrbes ma Yèsus, rik perèjhéj ma kenèmbek nèsgos. Tapik puꞌdoh Allah hòj natèrwòg wèl ma Rik Nak nòm kènbes Eh. Kandék hòj kinéh ma gah nak. 16Nyob kenèmbek hòj nyob néh bok nyob kenal ma sènꞌòy doh rik bekantem naꞌtèk. Nòm kuwase kenëh Yèsus, rik nak hòj najadik kuwad. Dak sebab yar yapechaye ma Yèsus, Tuhan hòj natèrhakh ma sènꞌòy doh èn mad nyob.
17Dak yék hòj ilèkh, kéy-kéy yék, nyob ròb pemimpin nyob tok nyob lèng-lèkh ilok rik nyob teꞌèl ma Yèsus. 18Tapik Allah hòj naꞌoglèkh gah nak manah tòp, dak kenèmbek nabi Eh umterèylòy gah nak: Mèsias rik Allah napèrhod nak haros naderite bok nakebes. Dak puꞌdoh perènhod Allah nak hòj nabelakuk. 19Jadik, perak lah nòm dose nyob dak los wèl ma Allah, supaye Allah namtèrhõy dose nyob. 20Dak akal nalãj mase Tuhan natulong ma nyob bok nakèrwad ma ruway nyob. Dak bil néy is akal Allah natèrꞌèn wèl Yèsus, rik hòj napili untok namjadik Mèsias ma nyob. 21Tapik Yèsus nak haros nagel nèng-nèng èn sorga, sampéy lah Allah napèrhéj pay kenèmbek perènhéj Eh, gerèk Allah hòj napèrhod bok mèn nabi penili Eh hòj umramal nòm nèng-nèng tòp. 22Musa pon hòj nachal nèng-nèng tòp, ‘TUHAN Allah nyob akal natèrꞌòj néy sènꞌòy nòm kaum rik nyob namjadik Nabi ma nyob, gerèk yék doh. Keyòkh lah méj-méj ma kenèmbek nèlchal Nabi nak. #Ter 18:15,18. 23Dak chok rik tok hèh-hoh ma nèlchal Nabi nak, Allah akal napèrmòy nanak nòm kaum penili Eh dak natèrhõy ma sènꞌòy nak.’ #Ter 18:19. 24Nabi Samuèl ròb kenèmbek nabi Tuhan hòj umterèylòy gah nòm Allah tentang ilok rik hòj nabelakuk puꞌdoh. 25-26Dak èk doh waris mèn nabi nak. Ilok Allah napèrhod ma yak dòt bej èk, nak lah napèrhod ma èk keꞌjèk. Unak lah sebab eh Allah natèrꞌèn Yèsus ma èk kaum Yahudi nèng-nèng: sebab Allah nachal ma Abraham, ‘Nòm waris hãk Yék akal iteꞌèl méj ma kenèmbek kaum èn bumi.’ Bok sebab nak keꞌjèk lah Allah hòj natèrꞌòj ma Yèsus, rik selaluk nahoh ma nènchèn Allah nòm hup rik rendah: supaye Rik Nak namteꞌèl méj ma nyob bok namtèrlos nyob nòm nèsgos rik jèdhad.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.