मुध चेलर 11
11
पतरुसस तंग्हय नलख ही पत्त नू तेंगदस
1यहुदिया प्रदेस नू र'ऊ मुध चेलर अउर पत्ताचका भ'इ-बहिनर नन-यहुदिर हूँ धर्मेस ही बचन इन्जरर ब'अना मेन्जर। 2पतरुसस यरुसलेम नू अड़सका ख़ोख़ा खतना ननम पड़ार'ओ ब'ऊ पत्त'उर पतरुससिन एन्नेकी दोस लगब'आ हेल्लरर, 3“निन आ नन-यहुदिर ही एड़पा कादय की आर गने एन्देरगे ओन्दय?” 4ताबसिले पतरुसस हुरमी कत्थन ओरे ती तेंगा हेल्लरस,
5“एन योप्पा नू राचकन अउर गोहरार'आ लक्कन ख़ने एन ओन्टा देखार इरकन। अउर देखार नू ओन्टा कोहाँ तना लेखा चार कोड़ा नू धरचका की कि'इयाँ खतब'अना लेखा एन इरकन अउर आद एंग्हय हेद्दे बरचा। 6एन अदिन इरकन ख़ने अइय्या नू ख़ेख़ेल ता चार ठो ख़ेड्ड मन्जका जानबर, जङ्गली जानबर, घस्ड़ारना एकना जानबर अउर मेर्ख़ा ता ओड़ा-ख़ाख़ा गुट्ठिन इरकन। 7एन एन्ने ब'अनन मेन्जकन, ‘पतरुस चो'आ अउर पिटा की मोख़ा।’ 8लेकिन एन बाचकन, ‘मला उर्बायो, एक'अम नेम्हा मलका या सुध मलका चिजन एन इकला हूँ मला मोक्का र'अदन।’ 9लेकिन अउरिम दोसर बेर मेर्ख़ा ती एन्ने ब'अनन मेन्जकन, ‘एकदन धर्मेस सुध नन्जका र'अदस अदिन निन नेम्हा मलका अमा ब'आ।’ 10एन्नेम तिन बेर मन्जा अउर अदिही ख़ोख़ा हुरमी मेर्ख़ा नू होतारा। 11आ बिरिम कैसरिया ती एंग्हय गुसन त'इका तिन गोड़े आलर आ एड़पा नू अड़सियर एसन एन रहचकन। 12अउर ‘एन्देर संखा हूँ मला नना की आर गने कला’ ब'आ की नेम्हा बोलतस एंगन पेसका र'अदस। ई छव गोड़े भ'इय्योर संगे नू केरका रहचर अउर एम आ आलस ही एड़पा नू कोरचकम। 13आस एमरिन तिंगियस का तम्हय एड़पा नू ओन्टा मेर्ख़ादुतसिन इज्जका इरियस। अउर मेर्ख़ादुतस आसिन एन्ने बाचस, ‘योप्पा नू आलरिन त'इय्या की सिमोनस ने पतरुस बातारदस आसिन मेख़ा। 14आस निंगन बचन मेन्त'ओस अउर निन अउर निंग्हय सौंसे परिवारर बच्छरनन ख़क्खोर।’ 15एकाबिरी एन कच्छनखर'आ हेल्लरकन ख़ने आ बिरी नेम्हा बोलतस एकन्ने ओरे नू नम्हय म'इयाँ इत्तियस, अन्नेम आर ही म'इयाँ हूँ इत्तियस। 16ताबसिले उर्बस ही बाचका बचन एंगा गे सुरता बरचा, ‘युहन्नस तो अम्म ती बप्तिस्मा चिच्चस, लेकिन निम नेम्हा बोलतस ती बप्तिस्मा ख़क्खोर।’#मुध चेलर १:५ 17उर्बा येसू ख्रिस्तस नू पत्ताचर ख़ने धर्मेस नमा गे एका बरदानन चिच्चका रहचस, आर गे हूँ आ बरदाननुम चिच्चस होले धर्मेसिन छेक्'आ उङ्गू एन ने हिकदन दरा?”
18इबड़ा कत्थन मेन्जर की आर छछेम मन्जर अउर एन्ने ब'अनुम आर धर्मेस ही महबा नन्जर, “अक्कू धर्मेस नन-यहुदिरिन हूँ जिन्गी ख़क्खना ही खतरी पाप ती जियन किर्रत'आ गे मोका चिच्चका र'अदस।”
एन्टि'ओखिया नू कलिसिया
19स्तिफनससिन पिटका ही ख़ोख़ा पत्त'उर साधरका करने चारो तरा छितिर-बितिर मन्जर अउर कय बग्गे पत्त'उर फोनिके इलाका नू, सा'इप्रस टापू अउर एन्टि'ओखिया सहर गुटी अड़सियर। लेकिन आर यहुदिरिन लेका दवसमाचार तिंगियर।#मुध चेलर ८:१-४ 20लेकिन आर मधे नू कय गोड़े सा'इप्रस टापू अउर कुरेनी नगरे ता आलर रहचर, ने एन्टि'ओखिया नू बरचर की ग्रिक आलरिन हूँ उर्बा येसुस ही पत्त ता दवसमाचारन तिंगियर। 21उर्बस ही सवंग आर ही गने रहचा अउर बग्गे आलर पत्ताचर की उर्बस तरा किर्रयर।
22यरुसलेम नू मन्जका कलिसिया ता आलर इबड़ा कत्थन मेन्जर ख़ने, आर बरनाबाससिन एन्टि'ओखिया नू त'इय्यर। 23बरनाबासस असन अड़सियस अउर धर्मेस आलरिन आसिस चिच्चकन इरियस की रिझरस। अउर आस होरमारिन सौंसे जिया ती उर्बसिन पत्त'अनुम र'आ ब'आ की डिढ़ चिच्चस। 24एन्देरगेका आस नेम्हा बोलतस अउर पत्त'अना ती निन्दरका दव आलस रहचस। आस नन्जका नलखन इरियर की बग्गे आलर उर्बस नू पत्ताचर।
25ताबसिले सा'उलसिन बेद्दा गे बरनाबासस टार्सस नू केरस। 26अउर आस सा'उलसिन बिद्दियस की एन्टि'ओखिया नू ओन्दरस। अबड़र ओन्द बछर गुटिम कलिसिया ता आलर गने ख़खर-नखरनुम रहचर अउर असन बग्गे आलरिन सिखाबाचर। चेलर हुरमिन्ती पहले एन्टि'ओखिया नुम “ख्रिस्तियन” बातारर।
27आ समे नू जोक्क अगमजानिर यरुसलेम ती एन्टि'ओखिया नू बरचर। 28आर मधे अगाबस नामे मन्जका ओर्तोस चोचस अउर नेम्हा बोलतस ती गोट्टे ख़ेख़ेल राजी नू कोहाँ अकाल मनो ब'आ की तिंगका रहचस। आद रोम ता हुरमी ती कोहाँ बेल क्लौडियस ही बेड़ा नू पड़ारा।#मुध चेलर २१:१० 29ताबसिले पत्त'ऊ आलर यहुदिया प्रदेस ता भ'इय्योर ही संगरा नना गे होरमा तम्हय ओंगना लेखा ढिबा त'इय्या गे सलहा नन्जर। 30आर एन्नेम नन्जर अउर बरनाबासस अउर सा'उलस ही ख़ेक्खा ती आर ही भेटिन कलिसिया ता अगुवर गुसन त'इय्यर।
Currently Selected:
मुध चेलर 11: KRUX
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
मुध चेलर 11
11
पतरुसस तंग्हय नलख ही पत्त नू तेंगदस
1यहुदिया प्रदेस नू र'ऊ मुध चेलर अउर पत्ताचका भ'इ-बहिनर नन-यहुदिर हूँ धर्मेस ही बचन इन्जरर ब'अना मेन्जर। 2पतरुसस यरुसलेम नू अड़सका ख़ोख़ा खतना ननम पड़ार'ओ ब'ऊ पत्त'उर पतरुससिन एन्नेकी दोस लगब'आ हेल्लरर, 3“निन आ नन-यहुदिर ही एड़पा कादय की आर गने एन्देरगे ओन्दय?” 4ताबसिले पतरुसस हुरमी कत्थन ओरे ती तेंगा हेल्लरस,
5“एन योप्पा नू राचकन अउर गोहरार'आ लक्कन ख़ने एन ओन्टा देखार इरकन। अउर देखार नू ओन्टा कोहाँ तना लेखा चार कोड़ा नू धरचका की कि'इयाँ खतब'अना लेखा एन इरकन अउर आद एंग्हय हेद्दे बरचा। 6एन अदिन इरकन ख़ने अइय्या नू ख़ेख़ेल ता चार ठो ख़ेड्ड मन्जका जानबर, जङ्गली जानबर, घस्ड़ारना एकना जानबर अउर मेर्ख़ा ता ओड़ा-ख़ाख़ा गुट्ठिन इरकन। 7एन एन्ने ब'अनन मेन्जकन, ‘पतरुस चो'आ अउर पिटा की मोख़ा।’ 8लेकिन एन बाचकन, ‘मला उर्बायो, एक'अम नेम्हा मलका या सुध मलका चिजन एन इकला हूँ मला मोक्का र'अदन।’ 9लेकिन अउरिम दोसर बेर मेर्ख़ा ती एन्ने ब'अनन मेन्जकन, ‘एकदन धर्मेस सुध नन्जका र'अदस अदिन निन नेम्हा मलका अमा ब'आ।’ 10एन्नेम तिन बेर मन्जा अउर अदिही ख़ोख़ा हुरमी मेर्ख़ा नू होतारा। 11आ बिरिम कैसरिया ती एंग्हय गुसन त'इका तिन गोड़े आलर आ एड़पा नू अड़सियर एसन एन रहचकन। 12अउर ‘एन्देर संखा हूँ मला नना की आर गने कला’ ब'आ की नेम्हा बोलतस एंगन पेसका र'अदस। ई छव गोड़े भ'इय्योर संगे नू केरका रहचर अउर एम आ आलस ही एड़पा नू कोरचकम। 13आस एमरिन तिंगियस का तम्हय एड़पा नू ओन्टा मेर्ख़ादुतसिन इज्जका इरियस। अउर मेर्ख़ादुतस आसिन एन्ने बाचस, ‘योप्पा नू आलरिन त'इय्या की सिमोनस ने पतरुस बातारदस आसिन मेख़ा। 14आस निंगन बचन मेन्त'ओस अउर निन अउर निंग्हय सौंसे परिवारर बच्छरनन ख़क्खोर।’ 15एकाबिरी एन कच्छनखर'आ हेल्लरकन ख़ने आ बिरी नेम्हा बोलतस एकन्ने ओरे नू नम्हय म'इयाँ इत्तियस, अन्नेम आर ही म'इयाँ हूँ इत्तियस। 16ताबसिले उर्बस ही बाचका बचन एंगा गे सुरता बरचा, ‘युहन्नस तो अम्म ती बप्तिस्मा चिच्चस, लेकिन निम नेम्हा बोलतस ती बप्तिस्मा ख़क्खोर।’#मुध चेलर १:५ 17उर्बा येसू ख्रिस्तस नू पत्ताचर ख़ने धर्मेस नमा गे एका बरदानन चिच्चका रहचस, आर गे हूँ आ बरदाननुम चिच्चस होले धर्मेसिन छेक्'आ उङ्गू एन ने हिकदन दरा?”
18इबड़ा कत्थन मेन्जर की आर छछेम मन्जर अउर एन्ने ब'अनुम आर धर्मेस ही महबा नन्जर, “अक्कू धर्मेस नन-यहुदिरिन हूँ जिन्गी ख़क्खना ही खतरी पाप ती जियन किर्रत'आ गे मोका चिच्चका र'अदस।”
एन्टि'ओखिया नू कलिसिया
19स्तिफनससिन पिटका ही ख़ोख़ा पत्त'उर साधरका करने चारो तरा छितिर-बितिर मन्जर अउर कय बग्गे पत्त'उर फोनिके इलाका नू, सा'इप्रस टापू अउर एन्टि'ओखिया सहर गुटी अड़सियर। लेकिन आर यहुदिरिन लेका दवसमाचार तिंगियर।#मुध चेलर ८:१-४ 20लेकिन आर मधे नू कय गोड़े सा'इप्रस टापू अउर कुरेनी नगरे ता आलर रहचर, ने एन्टि'ओखिया नू बरचर की ग्रिक आलरिन हूँ उर्बा येसुस ही पत्त ता दवसमाचारन तिंगियर। 21उर्बस ही सवंग आर ही गने रहचा अउर बग्गे आलर पत्ताचर की उर्बस तरा किर्रयर।
22यरुसलेम नू मन्जका कलिसिया ता आलर इबड़ा कत्थन मेन्जर ख़ने, आर बरनाबाससिन एन्टि'ओखिया नू त'इय्यर। 23बरनाबासस असन अड़सियस अउर धर्मेस आलरिन आसिस चिच्चकन इरियस की रिझरस। अउर आस होरमारिन सौंसे जिया ती उर्बसिन पत्त'अनुम र'आ ब'आ की डिढ़ चिच्चस। 24एन्देरगेका आस नेम्हा बोलतस अउर पत्त'अना ती निन्दरका दव आलस रहचस। आस नन्जका नलखन इरियर की बग्गे आलर उर्बस नू पत्ताचर।
25ताबसिले सा'उलसिन बेद्दा गे बरनाबासस टार्सस नू केरस। 26अउर आस सा'उलसिन बिद्दियस की एन्टि'ओखिया नू ओन्दरस। अबड़र ओन्द बछर गुटिम कलिसिया ता आलर गने ख़खर-नखरनुम रहचर अउर असन बग्गे आलरिन सिखाबाचर। चेलर हुरमिन्ती पहले एन्टि'ओखिया नुम “ख्रिस्तियन” बातारर।
27आ समे नू जोक्क अगमजानिर यरुसलेम ती एन्टि'ओखिया नू बरचर। 28आर मधे अगाबस नामे मन्जका ओर्तोस चोचस अउर नेम्हा बोलतस ती गोट्टे ख़ेख़ेल राजी नू कोहाँ अकाल मनो ब'आ की तिंगका रहचस। आद रोम ता हुरमी ती कोहाँ बेल क्लौडियस ही बेड़ा नू पड़ारा।#मुध चेलर २१:१० 29ताबसिले पत्त'ऊ आलर यहुदिया प्रदेस ता भ'इय्योर ही संगरा नना गे होरमा तम्हय ओंगना लेखा ढिबा त'इय्या गे सलहा नन्जर। 30आर एन्नेम नन्जर अउर बरनाबासस अउर सा'उलस ही ख़ेक्खा ती आर ही भेटिन कलिसिया ता अगुवर गुसन त'इय्यर।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.