मुध चेलर 10
10
कर्नेलियसस पतरुससिन मिख़का
1कैसरिया सहर नू कर्नेलियस नामे मन्जका ओरोत आलस रहचस। आस रोमी सेनर ही इटालिया ब'अना पल्टन ता ओरोत कप्तानस रहचस। 2आस धर्मी रहचस। आस अउर आस ही एड़पन्ता होरमा आलर धर्मेस ही ओहमा नना लगियर। अउर आस चाड़ पड़ारका आलर गे खुसी जिया ती चि'आ लगियस अउर सगरो धर्मेसिन गोहरार'आ लगियस। 3आस उल्ला ता तिन ख़रख़का बेड़ा तरा देखार नू धर्मेस ही ओन्टा मेर्ख़ादुतस तंग्हय तरा बरचस की एन्ने ब'अनन मेन्जस, “कर्नेलियस!”
4इल्चका ती मेर्ख़ादुतसिन इरका की इरकम मन्जस की कर्नेलियसस बाचस, “उर्बायो, ब'आ।” मेर्ख़ादुतस बाचस, “निंग्हय गोहरारका अउर निन गरिबर गे चिच्चका दानन धर्मेस दाँड़े ही रुप नू इन्जरका र'अदस। 5अक्कू आलरिन योप्पा सहर नू त'इय्या अउर पतरुस ब'अना सिमोनसिन मेख़ा गे त'इया। 6आस चपटा ही नलख ननू सिमोनस ही एड़पा नू र'अदस, नेख़य एड़पा समुन्दर ही गन्डा नू र'ई।” 7एकाबिरी आस गने कच्छनखर'ऊ मेर्ख़ादुतस अस्ते ती चले केरस, आ बिरी आस तंग्हय नोकरर मधे दु'ई गोड़े अउर सगरो उल्ला आस ही सेवा ननू ओरोत भक्त सिपाहिसिन मिख़ियस। 8अदिही ख़ोख़ा आस आरिन हुरमी कत्थन तिंगियस की योप्पा नू त'इय्यस चिच्चस।
9दोसरा उल्ला आर आ सहर हेद्दे अड़सा हेल्लरर ख़ने दुपहरा बारह ख़रख़का बेड़ा तरा पतरुसस गोहरार'आ गे एड़पा ही छत नू केरस। 10आबिरी आस गे किड़ा लग्गिया ख़ने आस गे मन्डी ओना तुक्किया। लेकिन दोसरर मन्डी बित'आ लक्का बेड़ा आस ओन्टा देखार इरियस। 11आस मेर्ख़न तिस्गरका अउर अस्ते ती चारो कोड़ा नू हेचका तनन नेक'उम ख़ेख़ेल तरा खतब'अनुम रहचका लेखा इरियस। 12आ तना नू ख़ेख़ेल ता हुरमी खल्ल ही चार ठो ख़ेड्ड मन्जका जानबर अउर घस्ड़ारना प्रानी अउर मेर्ख़ा ता ओड़ा-ख़ाख़ा गुट्ठी रहचा। 13ताब आस “अना पतरुस चो'आ अउर पिटा की मोख़ा” ब'अना आवाजन मेन्जस।
14लेकिन पतरुसस बाचस, “मला उर्बायो, एन्देरगेका एन इकला हूँ नेम्हा मलका या सुध मलका चिजन मला मोक्का र'अदन।”
15आ ख़रख़नन फेर दोसर बेर आस मेन्जस, “धर्मेस एन्दरन सुध नन्जका र'अदस, अदिन निन नेम्हा मलका ब'आ की मल सोच'आ।” 16तिन बेर गुटी एन्ने मन्जा अउर तुरतेम आ तना मेर्ख़ा तरा होतारा।
17एकाबिरी पतरुसस तान इरका ई देखार ही मने एन्दरा हिके होत्'एन ब'आ की मनमन नुम अकबकरका रहचस आ बिरिम कर्नेलियसस त'इका आलर सिमोनस ही एड़पन बिद्दनुम बली ही अगू नू इज्जर। 18आर मिख़ियर की आसिन मेन्जर, “पतरुस ब'अना सिमोनस इसन र'अदस का?”
19पतरुसस देखार ही पत्त नू सोच'आ लक्का बेड़ा नू नेम्हा बोलतस आसिन बाचस, “एःरा, तिन गोड़े आलर निंगन बेद्दा लगनर। 20औंगे चो'आ की कि'इयाँ कला। एन्देर संखा हूँ मला नना की आर गने कला, एन्देरगेका आरिन एन त'इका र'अदन।” 21ताबसिले पतरुसस कर्नेलियसस ती आस गुसन त'इका आलर गुसन इत्तियस की केरस अउर बाचस, “एःरा, नेकन निम बेद्ददर, आ आलन एनिम हिकदन। निम एन्देर नलख ती बरचका र'अदर?”
22ख़ने आर बाचर, “कप्तान कर्नेलियसस एमन त'इका र'अदस। आस दव अउर धर्मेस ती इल्चू आलस हिकदस। आसिन यहुदी जतियर हूँ आदर नन्नर। ओन्टा नेम्हा मेर्ख़ादुतस आस गुसन एथरस अउर निंगन आस ही एड़पा नू मिख़ियस की निंग्हय उपदेसन मेना गे मेर्ख़ादुतस पेसका र'अदस।” 23ताब पतरुसस आरिन भितरी मिख़ियस की आर ही स्वागत नन्जस।
दोसरा उल्ला पतरुसस चोचस की आर गने केरस अउर योप्पा ता कय गोड़े भ'इय्योर आस गने केरर।
24तिसरा उल्ला आर कैसरिया अड़सियर। कर्नेलियसस तंग्हय संगेरिन अउर पाहियारिन मिख़ियस की आर ही बरना ही असरा एःरा लगियस। 25एकाबिरी पतरुसस भितरी बरचस, ताब कर्नेलियसस आसिन ख़क्खियस की आस ही ख़ेड्ड नू खत्तरस की गोड़ लग्गियस। 26लेकिन पतरुसस एन्ने ब'अनुम आसिन उठाचस, “चो'आ, एन हूँ तो आलनुम हिकदन।” 27अउर आस गने कच्छनखरनुम एड़पा भितरी कोरचस ख़ने बग्गे आलरिन ख़ोड़रका इरियस। 28ख़ने आस आरिन बाचस, “एक'अम यहुदी आलस ही खतरी नन-यहुदी आलर ही संगे नन्ना या ख़क्खना ठिक मला मनो, अदिन निम अख़दर, लेकिन एंगन एक'अम आलसिन हूँ नेम्हा मलका या असुध मला ब'अके ब'आ की धर्मेस एंगन एदका र'अदस। 29औंगे निन त'इका आलरिन एन्दरा हूँ मा बाचकन की इसन बरचकन। अक्कू ब'आ, एंगन एन्देरगे मिख़कय?”
30ताबसिले कर्नेलियसस बाचस, “चार उल्ला अगू लगभग तिन ख़रख़का बेड़ा नू एड़पा नू एन गोहरार'आ लक्कन ख़ने बिलचना झुला अत्तका ओरोत आलस एंग्हय अगू नू इज्जस 31अउर बाचस, ‘कर्नेलियस, धर्मेस ही अगू नू निंग्हय गोहरारका मेन्तारकी र'ई अउर निन गरिबरिन संगरा नन्जका सुरता नन्तारकी र'ई। 32औंगे निन योप्पा नू आलरिन त'इय्या की सिमोनसिन नेकन पतरुस ब'अनर, आसिन मेख़ा। आस चपटा ही नलख ननू सिमोनस ही एड़पा नू र'अदस। आस ही एड़पा समुन्दर गन्डा नू र'ई।’ 33औंगे चाँड़ेम एन निंग्हय गुसन आलरिन त'इकन अउर निन एम्हय म'इयाँ सोग्गे नन्जकय की तुरतेम बरचकय। औंगे अक्कू धर्मेस ती निंगा गे पेसका हुरमी कत्थन मेना गे एम इसन धर्मेस ही अगू नू ख़ोड़रका र'अदम।”
पतरुसस ही उपदेस
34पतरुसस ब'आ हेल्लरस, “मानिम धर्मेस आलरिन ओन्टम बेबहार नन्जका कत्थन अक्कू एन अख़चकन।#व्यवस्था १०:१७ 35लेकिन होरमा जतियर ने धर्मेस ती एल्चनर अउर ठिक नलख नन्नर, आरिन धर्मेस इन्जरदस। 36निम अख़दर का येसू ख्रिस्तस होरमर ही उर्बस हिकदस। धर्मेस आस ती सान्ती चि'अना दवसमाचार इस्रा'एलिर नू त'इय्यस। 37ई दवसमाचार दुम युहन्नस बप्तिस्मा ही पत्त नू तिंगका ख़ोख़ा आ बचन गालिल ती ओरे मन्जा की गोट्टे यहुदिया प्रदेस नू तेंगतारा ब'अना कत्थन निम अख़दर दुम। 38धर्मेस नासरत ता येसुसिन नेम्हा बोलतस अउर सवंग ती अभिसेक नन्जस, दव नन्नुम अउर सैतान ती साधरका होरमारिन कोड़े नन्नुम आस चारो तरा कुद्दियस, एन्देरगेका धर्मेस आस ही संगे नू रहचस। 39आस यहुदिर ही राजिन अउर अस्ता यरुसलेम सहर नू नन्जका हुरमी नलख ही गोवाह एम र'अदम। आर आसिन क्रुस नू टंगचर की पिटियर। 40लेकिन धर्मेस आसिन तिसर उल्ला नू केच्चका ती उज्जताचस अउर आलर आसिन एःरा उंगियर। 41होरमा आलर तो माला लेकिन नेकन धर्मेस अगुतिम गोवाह ही रुप नू चज्जियस, आर इरियर। आ गोवाह एमुम हिकदम। आस केच्चका ती उज्जा चोचका ख़ोख़ा एम आस गने ओन्डकम मोक्कम। 42आस एमन आलरिन दवसमाचार तेंगा गे अउर धर्मेस आसिन उज्जना अउर केच्चका आलर ही न्याय नना गे चज्जका आलस हिकदस ब'अना गोवाह चि'आ गे पेसका र'अदस। 43आस ही खतरिम होरमा अगमजानिर गोवाह चिच्चका र'अनर का आस ही नामे तिम ने-ने आसिन पत्त'अनर, आर पाप ती छेमा ख़क्खोर।”
नन-यहुदिर नेम्हा बोलतासिन ख़क्खनर
44पतरुसस इबड़ा कत्थन कच्छनखरनुम-कच्छनखरनुम बचन मिनू आलर होरमर म'इयाँ नेम्हा बोलतस इत्तियस। 45नन-यहुदिर हूँ नेम्हा बोलतस ही इनाम ख़क्खकन इरियर की पतरुसस गने बरचका यहुदी पत्त'उर छक्केम मन्जर। 46एन्देरगेका दोसरा भखा नू कच्छनखरर की आर धर्मेस ही ओहमा नन्नन मेन्जर। ताबसिले पतरुसस बाचस, 47“इर नम्हय लेख'अम नेम्हा बोलतसिन ख़क्खका र'अनर होले, ने इरिन बप्तिस्मा हो'अना ती छेक'आ ओंगोर?” 48अदिही ख़ोख़ा आस आर गे येसू ख्रिस्तस ही नामे नू बप्तिस्मा चिच्चस। अउर आर पतरुससिन जोक्क उल्ला तम्हय गुसन र'आ गे बिन्ती नन्जर।
Currently Selected:
मुध चेलर 10: KRUX
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
मुध चेलर 10
10
कर्नेलियसस पतरुससिन मिख़का
1कैसरिया सहर नू कर्नेलियस नामे मन्जका ओरोत आलस रहचस। आस रोमी सेनर ही इटालिया ब'अना पल्टन ता ओरोत कप्तानस रहचस। 2आस धर्मी रहचस। आस अउर आस ही एड़पन्ता होरमा आलर धर्मेस ही ओहमा नना लगियर। अउर आस चाड़ पड़ारका आलर गे खुसी जिया ती चि'आ लगियस अउर सगरो धर्मेसिन गोहरार'आ लगियस। 3आस उल्ला ता तिन ख़रख़का बेड़ा तरा देखार नू धर्मेस ही ओन्टा मेर्ख़ादुतस तंग्हय तरा बरचस की एन्ने ब'अनन मेन्जस, “कर्नेलियस!”
4इल्चका ती मेर्ख़ादुतसिन इरका की इरकम मन्जस की कर्नेलियसस बाचस, “उर्बायो, ब'आ।” मेर्ख़ादुतस बाचस, “निंग्हय गोहरारका अउर निन गरिबर गे चिच्चका दानन धर्मेस दाँड़े ही रुप नू इन्जरका र'अदस। 5अक्कू आलरिन योप्पा सहर नू त'इय्या अउर पतरुस ब'अना सिमोनसिन मेख़ा गे त'इया। 6आस चपटा ही नलख ननू सिमोनस ही एड़पा नू र'अदस, नेख़य एड़पा समुन्दर ही गन्डा नू र'ई।” 7एकाबिरी आस गने कच्छनखर'ऊ मेर्ख़ादुतस अस्ते ती चले केरस, आ बिरी आस तंग्हय नोकरर मधे दु'ई गोड़े अउर सगरो उल्ला आस ही सेवा ननू ओरोत भक्त सिपाहिसिन मिख़ियस। 8अदिही ख़ोख़ा आस आरिन हुरमी कत्थन तिंगियस की योप्पा नू त'इय्यस चिच्चस।
9दोसरा उल्ला आर आ सहर हेद्दे अड़सा हेल्लरर ख़ने दुपहरा बारह ख़रख़का बेड़ा तरा पतरुसस गोहरार'आ गे एड़पा ही छत नू केरस। 10आबिरी आस गे किड़ा लग्गिया ख़ने आस गे मन्डी ओना तुक्किया। लेकिन दोसरर मन्डी बित'आ लक्का बेड़ा आस ओन्टा देखार इरियस। 11आस मेर्ख़न तिस्गरका अउर अस्ते ती चारो कोड़ा नू हेचका तनन नेक'उम ख़ेख़ेल तरा खतब'अनुम रहचका लेखा इरियस। 12आ तना नू ख़ेख़ेल ता हुरमी खल्ल ही चार ठो ख़ेड्ड मन्जका जानबर अउर घस्ड़ारना प्रानी अउर मेर्ख़ा ता ओड़ा-ख़ाख़ा गुट्ठी रहचा। 13ताब आस “अना पतरुस चो'आ अउर पिटा की मोख़ा” ब'अना आवाजन मेन्जस।
14लेकिन पतरुसस बाचस, “मला उर्बायो, एन्देरगेका एन इकला हूँ नेम्हा मलका या सुध मलका चिजन मला मोक्का र'अदन।”
15आ ख़रख़नन फेर दोसर बेर आस मेन्जस, “धर्मेस एन्दरन सुध नन्जका र'अदस, अदिन निन नेम्हा मलका ब'आ की मल सोच'आ।” 16तिन बेर गुटी एन्ने मन्जा अउर तुरतेम आ तना मेर्ख़ा तरा होतारा।
17एकाबिरी पतरुसस तान इरका ई देखार ही मने एन्दरा हिके होत्'एन ब'आ की मनमन नुम अकबकरका रहचस आ बिरिम कर्नेलियसस त'इका आलर सिमोनस ही एड़पन बिद्दनुम बली ही अगू नू इज्जर। 18आर मिख़ियर की आसिन मेन्जर, “पतरुस ब'अना सिमोनस इसन र'अदस का?”
19पतरुसस देखार ही पत्त नू सोच'आ लक्का बेड़ा नू नेम्हा बोलतस आसिन बाचस, “एःरा, तिन गोड़े आलर निंगन बेद्दा लगनर। 20औंगे चो'आ की कि'इयाँ कला। एन्देर संखा हूँ मला नना की आर गने कला, एन्देरगेका आरिन एन त'इका र'अदन।” 21ताबसिले पतरुसस कर्नेलियसस ती आस गुसन त'इका आलर गुसन इत्तियस की केरस अउर बाचस, “एःरा, नेकन निम बेद्ददर, आ आलन एनिम हिकदन। निम एन्देर नलख ती बरचका र'अदर?”
22ख़ने आर बाचर, “कप्तान कर्नेलियसस एमन त'इका र'अदस। आस दव अउर धर्मेस ती इल्चू आलस हिकदस। आसिन यहुदी जतियर हूँ आदर नन्नर। ओन्टा नेम्हा मेर्ख़ादुतस आस गुसन एथरस अउर निंगन आस ही एड़पा नू मिख़ियस की निंग्हय उपदेसन मेना गे मेर्ख़ादुतस पेसका र'अदस।” 23ताब पतरुसस आरिन भितरी मिख़ियस की आर ही स्वागत नन्जस।
दोसरा उल्ला पतरुसस चोचस की आर गने केरस अउर योप्पा ता कय गोड़े भ'इय्योर आस गने केरर।
24तिसरा उल्ला आर कैसरिया अड़सियर। कर्नेलियसस तंग्हय संगेरिन अउर पाहियारिन मिख़ियस की आर ही बरना ही असरा एःरा लगियस। 25एकाबिरी पतरुसस भितरी बरचस, ताब कर्नेलियसस आसिन ख़क्खियस की आस ही ख़ेड्ड नू खत्तरस की गोड़ लग्गियस। 26लेकिन पतरुसस एन्ने ब'अनुम आसिन उठाचस, “चो'आ, एन हूँ तो आलनुम हिकदन।” 27अउर आस गने कच्छनखरनुम एड़पा भितरी कोरचस ख़ने बग्गे आलरिन ख़ोड़रका इरियस। 28ख़ने आस आरिन बाचस, “एक'अम यहुदी आलस ही खतरी नन-यहुदी आलर ही संगे नन्ना या ख़क्खना ठिक मला मनो, अदिन निम अख़दर, लेकिन एंगन एक'अम आलसिन हूँ नेम्हा मलका या असुध मला ब'अके ब'आ की धर्मेस एंगन एदका र'अदस। 29औंगे निन त'इका आलरिन एन्दरा हूँ मा बाचकन की इसन बरचकन। अक्कू ब'आ, एंगन एन्देरगे मिख़कय?”
30ताबसिले कर्नेलियसस बाचस, “चार उल्ला अगू लगभग तिन ख़रख़का बेड़ा नू एड़पा नू एन गोहरार'आ लक्कन ख़ने बिलचना झुला अत्तका ओरोत आलस एंग्हय अगू नू इज्जस 31अउर बाचस, ‘कर्नेलियस, धर्मेस ही अगू नू निंग्हय गोहरारका मेन्तारकी र'ई अउर निन गरिबरिन संगरा नन्जका सुरता नन्तारकी र'ई। 32औंगे निन योप्पा नू आलरिन त'इय्या की सिमोनसिन नेकन पतरुस ब'अनर, आसिन मेख़ा। आस चपटा ही नलख ननू सिमोनस ही एड़पा नू र'अदस। आस ही एड़पा समुन्दर गन्डा नू र'ई।’ 33औंगे चाँड़ेम एन निंग्हय गुसन आलरिन त'इकन अउर निन एम्हय म'इयाँ सोग्गे नन्जकय की तुरतेम बरचकय। औंगे अक्कू धर्मेस ती निंगा गे पेसका हुरमी कत्थन मेना गे एम इसन धर्मेस ही अगू नू ख़ोड़रका र'अदम।”
पतरुसस ही उपदेस
34पतरुसस ब'आ हेल्लरस, “मानिम धर्मेस आलरिन ओन्टम बेबहार नन्जका कत्थन अक्कू एन अख़चकन।#व्यवस्था १०:१७ 35लेकिन होरमा जतियर ने धर्मेस ती एल्चनर अउर ठिक नलख नन्नर, आरिन धर्मेस इन्जरदस। 36निम अख़दर का येसू ख्रिस्तस होरमर ही उर्बस हिकदस। धर्मेस आस ती सान्ती चि'अना दवसमाचार इस्रा'एलिर नू त'इय्यस। 37ई दवसमाचार दुम युहन्नस बप्तिस्मा ही पत्त नू तिंगका ख़ोख़ा आ बचन गालिल ती ओरे मन्जा की गोट्टे यहुदिया प्रदेस नू तेंगतारा ब'अना कत्थन निम अख़दर दुम। 38धर्मेस नासरत ता येसुसिन नेम्हा बोलतस अउर सवंग ती अभिसेक नन्जस, दव नन्नुम अउर सैतान ती साधरका होरमारिन कोड़े नन्नुम आस चारो तरा कुद्दियस, एन्देरगेका धर्मेस आस ही संगे नू रहचस। 39आस यहुदिर ही राजिन अउर अस्ता यरुसलेम सहर नू नन्जका हुरमी नलख ही गोवाह एम र'अदम। आर आसिन क्रुस नू टंगचर की पिटियर। 40लेकिन धर्मेस आसिन तिसर उल्ला नू केच्चका ती उज्जताचस अउर आलर आसिन एःरा उंगियर। 41होरमा आलर तो माला लेकिन नेकन धर्मेस अगुतिम गोवाह ही रुप नू चज्जियस, आर इरियर। आ गोवाह एमुम हिकदम। आस केच्चका ती उज्जा चोचका ख़ोख़ा एम आस गने ओन्डकम मोक्कम। 42आस एमन आलरिन दवसमाचार तेंगा गे अउर धर्मेस आसिन उज्जना अउर केच्चका आलर ही न्याय नना गे चज्जका आलस हिकदस ब'अना गोवाह चि'आ गे पेसका र'अदस। 43आस ही खतरिम होरमा अगमजानिर गोवाह चिच्चका र'अनर का आस ही नामे तिम ने-ने आसिन पत्त'अनर, आर पाप ती छेमा ख़क्खोर।”
नन-यहुदिर नेम्हा बोलतासिन ख़क्खनर
44पतरुसस इबड़ा कत्थन कच्छनखरनुम-कच्छनखरनुम बचन मिनू आलर होरमर म'इयाँ नेम्हा बोलतस इत्तियस। 45नन-यहुदिर हूँ नेम्हा बोलतस ही इनाम ख़क्खकन इरियर की पतरुसस गने बरचका यहुदी पत्त'उर छक्केम मन्जर। 46एन्देरगेका दोसरा भखा नू कच्छनखरर की आर धर्मेस ही ओहमा नन्नन मेन्जर। ताबसिले पतरुसस बाचस, 47“इर नम्हय लेख'अम नेम्हा बोलतसिन ख़क्खका र'अनर होले, ने इरिन बप्तिस्मा हो'अना ती छेक'आ ओंगोर?” 48अदिही ख़ोख़ा आस आर गे येसू ख्रिस्तस ही नामे नू बप्तिस्मा चिच्चस। अउर आर पतरुससिन जोक्क उल्ला तम्हय गुसन र'आ गे बिन्ती नन्जर।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.