Fɔʼɔ 19
19
Bɔɔ bìʼ gɛ̀ mbi ndə fɔʼɔ-Nyii ndə vɛʼ tia
1Ndʉʉ ndə Abolo kə bɛ Kɔlɛŋ, Bɔɔ tíŋ hə mu lɔʼɔ gɛ̀ Ɛfɛso, kʉ̂ʉ dàa chɔ, nyíɛ bəbɛʼbə vâafɔʼɔ-Jiso. 2Bɔɔ bíʼtə tʉ bɔŋ mbɔ, “Bii kə kie LyʉʉhəNyiikə ndʉʉ ndə bii kə bɛ́ŋ Nyii mɛ?”
Bɔ̂ŋ ghɔ̀ŋ mbɔ, “Mbee, baʼa chʉʼ nə buŋ yʉ́ mbɔ LyʉʉhəNyiikə bɛ ghɔ fɛ.”
3Ndʉʉmɛ, ɔ ghɔ̀ŋ tʉ bɔŋ mbɔ, “Bɛ ntɛ muu ka ndʉʉghɔfii ndə bii kə fí?”
Bɔ̂ŋ bə̀ŋhə mbɔ, “Yi-Jɔŋ-yə.”
4Bɔɔ bə̀ŋhə mbɔ, “Jɔŋ nɔ nə kə́ kɔ́ muu bə haʼ mbɔ bʉə shìe liɛŋ hə ndəŋ bʉ̂ʼtə-ʉə, kə́ shyíi bʉə mbɔ bɔ̂ŋ la mɔ̀ʼfyiihə-ʉə ndəŋ wo ndə ɔ bu gwè hə bɔ̌ŋ, kə́ bɛ Jiso.”
5Bɔ̂ŋ kʉ̂ʉ yʉ́ yɔ̄ŋ-yə, fí muu yie-Jiso Tiekətʉ. 6Ndʉʉ ndə Bɔɔ mɔ̀ʼ ghɔkə-i ndəŋ bɔŋ, LyʉʉhəNyiikə shíʼ ndəŋ bɔŋ, bɔ̂ŋ kə́ kwə́ʼ ŋgie-bətə̂ŋ-bədɔŋ-bə bɔŋleʼ kə́ téʼ ntəŋ ndə i gwè hə kəghɔ-Nyii. 7Bɔ̂ŋ bənchəŋ kə́ bɛ nə bələŋ njuɔ bûu nə wuŋ.
Fɔʼɔ-Bɔɔ mu Ɛfɛso
8Ndʉʉmɛ, Bɔɔ gɛ̀ mu njaagháaNyii kə́ kwə́ʼ chɔ nə fyii tə̀ŋnə ndə bəchi itia kə́ túŋ bəŋʉʉ bɔŋleʼ lóʼtə bʉə nə nubə te Sɔ́ʼ-Nyii. 9Bɔŋ ndʉʉ ndə bəbɛʼbʉə kə shʉ́əhə fyiihə-ʉə təmə kə́ bɛ́ŋ nukə ndə ɔ tʉʼ dàhə fɛ, kə́ dʉ̀ʉhə mbʉ Fia-Nyii bəshʉ bʉə buŋmbi, ɔ lʉ̀ vâafɔʼɔ-Jiso ghɔŋ bɔŋ fyúhə ŋwɔŋ-yʉə-bɔŋ, gɛ̀ mu njaaŋwɔʼnə-wobɛʼ ndə bə kə́ tíi ɔ nə Tilanu, gɛ̀ kə́ túŋ bəŋʉʉ chɔ bəchibəchi. 10Bɔ̂ŋ fɔ̀ʼ haʼ nɔ chɔ ndə ŋgʉʼhə ibûu tʉ bʉə bənchəŋ ndə bɔ̂ŋ bɛ mu Esia yʉ́ ŋgie-Tiekətʉ-kə, bʉə-Juu ghɔŋbə bʉə ndə bɔ̂ŋ gòʼ təmə bɛ bʉə-Juu fɛ.
11Nyii nɔ nə kə́ fɔ̀ʼ fɔŋ-bənu finə tíŋ hə bɔ̌ŋ Bɔɔ. 12I bɛ tə via-ndyi-yʉ̀əʼ-shʉ-bə-i ghɔŋbə ndyi-fɔʼɔ-hə-i, bə lʉ̀ gɛ̀ nə yɔŋ, kʉ̂ʉ kə̀ŋ bʉə-bəyɔʼ chɔ nɔ, mbʉ yɔʼbə-ʉə tíŋ, lyʉʉhəbʉəbʉəbə bɔŋleʼ fyútə ghɔ mbʉə-bɔŋ.
13Bʉə-Juubɛʼbə ndə bɔ̂ŋ kə́ tòʼ jə̀ŋ lyʉʉhəbʉəbʉəbə, kə́ kʉ́ʉ ghɔ ndə məlʉ̀ yie-Jiso Tiekətʉ kə́ jə̀ŋ lyʉʉhəbʉəbʉəbə nə yɔŋ mbʉə bʉə ndə bɔ̂ŋ kie, kə́ ghɔ̀ŋ mbɔ, “Baʼa nɔ tʉʼ kàhə a yie-Jiso ndə Bɔɔ tʉʼ lɔ̀ʼ mbɔ ä fyú!” 14Vâabələŋbɛʼbə təkwiitia, ndə tie-yʉə bɛ tiefɛ̀ʼndɛŋkwɛʼtəŋNyii-bʉə-Juu, yie-e kə́ bɛ Sikifa, nɔ kə́ fɔ̀ʼ yɔ̄ŋ-yə. 15Mbʉ kəlyʉʉhəbʉəbʉə ghɔ̀ŋ mbɔ, “Mɔ nɔ kínə Jiso, kínə nubə te Bɔɔ, bɔŋ mbəŋ-aŋ bɛ nda?” 16Ndʉʉmɛ mbʉ wo-ghɔ̄ ndə lyʉʉhəbʉəbʉəkə bɛ mu mbʉə-ɔ le, sɛ́ʼ gwù ndəŋ bɔŋ gwúu bɔŋ bənchəŋ ghɔ́ʼ bɔŋ tə bɔ̂ŋ nyʉ́ʉ fyútə mu njaa-ghɔ̄ kənchiʼtʉʉ bənchəŋ nə dyʉʼbə ndəŋ bɔŋ.
17Bʉə bənchəŋ ndə bɔ̂ŋ bɛ mu Ɛfɛso, bʉə-Juu ghɔŋbə bʉə-Gili yʉ́ yɔ̄ŋ-yə, faakə yá bɔŋ bənchəŋ, bɔ̂ŋ kóʼhə yie-Jiso Tiekətʉ ghɔʼ. 18Bʉə buŋmbi ghɔ ndə bɔ̂ŋ nɔʼ kə bɛ́ŋ Nyii kə́ fyú tə́nə kɛ̀ʼ nubə ndə bɔ̂ŋ kə́ chìi mu kənjəŋ. 19Bʉə buŋmbi ndə bɔ̂ŋ kə́ fɔ̀ʼ nu-jə̀ŋ-bə gwè nə bəŋwɔʼnə-bʉə, bə tɔ̀ŋ bəshʉ bʉə bənchəŋ, bə kʉ̂ʉ súu chuɔŋtə-ii, i kóʼ nə bəmɛlɛyɔŋ wuŋ tia. 20Ndʉʉmɛ, ŋgie-Tiekətʉ-kə bìʼ wɔ̀ʼnə yɔ́ŋyɔ́ŋ bɔŋleʼ shʉ́ə.
Ntɔŋntɔŋ ndə i bɛ mu Ɛfɛso
21Ndʉʉ ndə nubə-ɔ̄ŋ nɔʼ kə tíŋ, LyʉʉhəNyiikə chìi Bɔɔ séʼ ndə mətíŋ hə Masɛdonia ghɔŋbə Akia buŋ gɛ̀ Jɛlosalɛŋ, kə́ ghɔ̀ŋ mbɔ, “Ndʉʉ ndə mɔ bu lɔ̀ hə chɔ nɔ, mɔ yaʼ gɛ̀ ndə mənyíɛ bʉə-Luŋ ghɔ.” 22Ɔ tə́ŋ bʉə bəbûu ndə bɔ̂ŋ kə́ tɔ́ŋ ɔŋ ndə fɔʼɔ, Timɔti ghɔŋ Ɛlastu, bɔ̂ŋ gɛ̀ bəshʉ mu Masɛdonia bɔŋ mbəŋ-ɛŋ bʉ̀nə shi chí Esia məniʼ.
23Kʉ̂ʉ bɛ ndʉʉ-ghɔ̄, ntɔŋntɔŋ shʉ́əshʉ́ə ŋɛ̀nə mu Ɛfɛso te mbʉ Fia-Nyii. 24Wobɛʼ ndə bə kə́ tíi ɔ nə Dɛmɛtolo, kə́ bɛ wo-kəlɔŋ, ɔ kə́ lɔ̀ŋ njaafɛ̀ʼndɛŋ-Fɔŋ-Atɛmi* ndə ɔ kə bɛ nyii-ke nə təŋbə fɛ̀ŋ, sii-i kə́ kɔ́ kyʉə yɔ́ŋyɔ́ŋ tʉ vâafɔʼɔ-bi. 25Ɔ tíi bəbɛʼbə bʉə ndə bɔ̂ŋ tʉʼ fɔ̀ʼ haʼ ntɛ fɔʼɔ-ɛ, ghɔ̀ŋ tʉ bɔŋ mbɔ,
“Bəliŋ-bɔŋ, bii nɔ kínə mbɔ kyʉə-yʉʼʉ nɔ tʉʼ gwè hə ndəŋ fia-ɔ̄. 26Bəkɔ mbəŋ-yii yʉ́ bɔŋleʼ nyíɛ ghɔ mbɔ wo-ɔ̄ ndə bə tʉʼ tíi ɔ nə Bɔɔ nɔ, ɔ tʉʼ bə̀ŋtə bə haʼ mu Ɛfɛso fɛ, ɔ bɔŋ nɔʼ lóʼtə bʉə mu Esia tə i kə́ mì bɔŋleʼ kíahə bɔŋ ghɔ̀ŋ mbɔ, ‘Bənyii ndə bə chìi nə ghɔkə mə bɛ bənyii fɛ.’ 27Nu-shʉ́əshʉ́ə-kə nɔ bɛ sê, kaa bə haʼ mbɔ, i bu byùutə bə haʼ vyii-yʉʼʉ-yɔ̄ŋ fɛ bɔŋ bə bu lɛ́nə njaafɛ̀ʼndɛŋ-Fɔŋ-Atɛmikwɛʼtəŋ ndə bɛ nyii-ke, mbɔ bɛ fɔkə fɛ. Bəkɔ bə shúʼhə ɔŋ hə ndəŋ məgʉə-e, kə́ bɛ nyii ndə bə tʉʼ lɛ́ɛŋ ɔŋ mu Esia ghɔŋbə wʉʉnəmbikə inchəŋ.”
28Ndʉʉ ndə bɔ̂ŋ yʉ́ ŋgiebə-ɔ̄ŋ, tʉʉ-yʉə byʉ́ʼ, bɔ̂ŋ tíi mbɔ, “Məgʉ́ə nɔ bɛ yi-Fɔŋ-Atɛmi-yə ndə ɔ bɛ tʉ bʉə-Ɛfɛso.” 29Mbyuutəmbyuutə gwù mu mbʉ kəyəŋkwɛʼtəŋ inchəŋ, bɔ̂ŋ nyʉ́ʉ bənchəŋ gɛ̀ kəyəŋ-nchəŋtəkwɛʼtəŋ-bɔŋ. Ndə bɔ̂ŋ tʉʼ gɛ̀ le, bɔ̂ŋ yá Gayo ghɔŋ Alistaku ndə bɛ bʉə-Masɛdonia ndə ghɔŋbə Bɔɔ kə́ tòʼ mɔʼɔ, dùu bɔŋ gɛ̀ nə bɔ̂ŋ chɔ. 30Bɔɔ kə́ kʉ́ʉ gɛ̀ ŋíi mu mbʉ nuɔ-bʉə, bɔŋ vâafɔʼɔ-Jiso tɛ́ŋ tʉ ɔŋ. 31Buŋ bʉəkwɛʼtəŋ-Esiabɛʼbə ndə bɔ̂ŋ bɛ bətieŋkɔŋ-Bɔɔ, dùhə ntəŋ tʉ Bɔɔ kə́ fʉ̀ʉtə ɔŋ mbɔ ɔ mə mùutə dʉ̀ʼ tʉkə-i mu mbʉ kəyəŋ-nchəŋtəkwɛʼtəŋ fɛ.
32Mbyuutəmbyuutə nɔ nə bɛ mbʉ mu kəyəŋ-nchəŋtəkwɛʼtəŋ. Bəbɛʼbʉə kə́ tíitə ghɔŋ yɔ̄ŋ-yə nɔ, bəbɛʼbə kə́ tíitə gìe yīŋ-yə. Bʉə buŋmbi kə kínə nukə ndə bɔ̂ŋ kə bɛ mbʉ mu kəyəŋ-nchəŋtəkwɛʼtəŋ-ghɔ̄ bʉʼka yɔŋ-yə fɛ. 33Bʉə-Juu tʉ́ʼ Alɛsaŋnda bəshʉ mbɔ ɔ túunə tʉkə-ʉə. Mbʉ nuɔ-bʉə kə́ tíitə kɔ́ ŋgiebə tʉ ɔŋ. Alɛsaŋnda chètə nuɔ-bʉə nə ghɔkə-i ndə məkwə́ʼ túunə tʉkə-ʉə hə kəghɔ mbʉ bʉə. 34Bɔŋ ndʉʉ ndə bɔ̂ŋ chèʼnə mbɔ ɔ bɛ wo-Juu, bɔ̂ŋ chʉ́ʉhə kə́ tíitə tə i kɔ́ kʉʉkə tə kə́ gɛ̀ nə bəchî ibûu mbɔ, “Məgʉ́ə nɔ bɛ yi-Fɔŋ-Atɛmi-yə ndə ɔ bɛ tʉ bʉə-Ɛfɛso.”
35Ndʉʉ ndə wonyɔ̀ʼ-ŋwɔʼnə-wokwɛʼtəŋ mu mbʉ kəyəŋkwɛʼtəŋ, chyìi bɔŋ, ɔ ghɔ̀ŋ mbɔ, “Bənaa-bɔŋ, bətie-bɔŋ, bʉə-Ɛfɛso, bɛ nda ndə ɔ gòʼ təmə kínə mbɔ kie bʉə-Ɛfɛso bənchəŋ kie njaafɛ̀ʼndɛŋ-Atɛmi ndə bɛ nyiikwɛʼtəŋ, ghɔŋbə ŋgoʼ-e ndə i gwù hə yuo fɛ? 36Bʉʼka mbɔ wo mə tɛ́ŋ nukə-ɔ̄ŋ fɛ, b̈ii líitə nduɔ mbɔ loʼo, təmə kə́ chìi nukə nə ndəŋnəkə fɛ. 37Bii nɔ gwè nə bʉə-bɔ̄ŋ fɛ̄ŋ təmə bɔ̂ŋ nɔʼ lʉ́ʼ fɔkə mu njaafɛ̀ʼndɛŋNyii fɛ, təmə bɔŋ-nɔʼ-leʼ tíi yie-nyii-yʉʼʉ bʉəbʉə fɛ. 38Kaʼ bɛ mbɔ Dɛmɛtolo ghɔŋbə nuɔ-bʉə-kəlɔŋ-bi kie nukə te wotəmiyɔŋ, chusii-njaafɛ̀ʼ nɔ bɛ ighʉ́ʉnə, bʉə chʉ̀ə ŋkwɛ kə́ bɛ chɔ, b̈ɔ̂ŋ gwè fʉ̀ʼtə nukə ndə wofuu nɔʼ chìi. 39Bɔŋ kaʼ bii kie nu-kədɔŋ-kə, təmə bʉʼʉ bu fɛ̀ʼ maa-yɔ̄ŋ kie-bʉʼʉ. 40Bʉʼʉ nɔ tə́nə laa chu-chɔ̂ bʉʼka bəkɔ bə yá kətʉ-bʉʼʉ mbɔ bʉʼʉ la tʉʼ byùutə mu lɔʼɔ, bʉʼka nukə ndə bəkɔ bʉʼʉ məmɔ̀ʼ luu jyujyu fɛ.” 41Ndʉʉ ndə ɔ gìe nubə-ɔ̄ŋ liʼ, ɔ wɔ̀ʼhə bɔŋ.
Currently Selected:
Fɔʼɔ 19: bvm
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.
Fɔʼɔ 19
19
Bɔɔ bìʼ gɛ̀ mbi ndə fɔʼɔ-Nyii ndə vɛʼ tia
1Ndʉʉ ndə Abolo kə bɛ Kɔlɛŋ, Bɔɔ tíŋ hə mu lɔʼɔ gɛ̀ Ɛfɛso, kʉ̂ʉ dàa chɔ, nyíɛ bəbɛʼbə vâafɔʼɔ-Jiso. 2Bɔɔ bíʼtə tʉ bɔŋ mbɔ, “Bii kə kie LyʉʉhəNyiikə ndʉʉ ndə bii kə bɛ́ŋ Nyii mɛ?”
Bɔ̂ŋ ghɔ̀ŋ mbɔ, “Mbee, baʼa chʉʼ nə buŋ yʉ́ mbɔ LyʉʉhəNyiikə bɛ ghɔ fɛ.”
3Ndʉʉmɛ, ɔ ghɔ̀ŋ tʉ bɔŋ mbɔ, “Bɛ ntɛ muu ka ndʉʉghɔfii ndə bii kə fí?”
Bɔ̂ŋ bə̀ŋhə mbɔ, “Yi-Jɔŋ-yə.”
4Bɔɔ bə̀ŋhə mbɔ, “Jɔŋ nɔ nə kə́ kɔ́ muu bə haʼ mbɔ bʉə shìe liɛŋ hə ndəŋ bʉ̂ʼtə-ʉə, kə́ shyíi bʉə mbɔ bɔ̂ŋ la mɔ̀ʼfyiihə-ʉə ndəŋ wo ndə ɔ bu gwè hə bɔ̌ŋ, kə́ bɛ Jiso.”
5Bɔ̂ŋ kʉ̂ʉ yʉ́ yɔ̄ŋ-yə, fí muu yie-Jiso Tiekətʉ. 6Ndʉʉ ndə Bɔɔ mɔ̀ʼ ghɔkə-i ndəŋ bɔŋ, LyʉʉhəNyiikə shíʼ ndəŋ bɔŋ, bɔ̂ŋ kə́ kwə́ʼ ŋgie-bətə̂ŋ-bədɔŋ-bə bɔŋleʼ kə́ téʼ ntəŋ ndə i gwè hə kəghɔ-Nyii. 7Bɔ̂ŋ bənchəŋ kə́ bɛ nə bələŋ njuɔ bûu nə wuŋ.
Fɔʼɔ-Bɔɔ mu Ɛfɛso
8Ndʉʉmɛ, Bɔɔ gɛ̀ mu njaagháaNyii kə́ kwə́ʼ chɔ nə fyii tə̀ŋnə ndə bəchi itia kə́ túŋ bəŋʉʉ bɔŋleʼ lóʼtə bʉə nə nubə te Sɔ́ʼ-Nyii. 9Bɔŋ ndʉʉ ndə bəbɛʼbʉə kə shʉ́əhə fyiihə-ʉə təmə kə́ bɛ́ŋ nukə ndə ɔ tʉʼ dàhə fɛ, kə́ dʉ̀ʉhə mbʉ Fia-Nyii bəshʉ bʉə buŋmbi, ɔ lʉ̀ vâafɔʼɔ-Jiso ghɔŋ bɔŋ fyúhə ŋwɔŋ-yʉə-bɔŋ, gɛ̀ mu njaaŋwɔʼnə-wobɛʼ ndə bə kə́ tíi ɔ nə Tilanu, gɛ̀ kə́ túŋ bəŋʉʉ chɔ bəchibəchi. 10Bɔ̂ŋ fɔ̀ʼ haʼ nɔ chɔ ndə ŋgʉʼhə ibûu tʉ bʉə bənchəŋ ndə bɔ̂ŋ bɛ mu Esia yʉ́ ŋgie-Tiekətʉ-kə, bʉə-Juu ghɔŋbə bʉə ndə bɔ̂ŋ gòʼ təmə bɛ bʉə-Juu fɛ.
11Nyii nɔ nə kə́ fɔ̀ʼ fɔŋ-bənu finə tíŋ hə bɔ̌ŋ Bɔɔ. 12I bɛ tə via-ndyi-yʉ̀əʼ-shʉ-bə-i ghɔŋbə ndyi-fɔʼɔ-hə-i, bə lʉ̀ gɛ̀ nə yɔŋ, kʉ̂ʉ kə̀ŋ bʉə-bəyɔʼ chɔ nɔ, mbʉ yɔʼbə-ʉə tíŋ, lyʉʉhəbʉəbʉəbə bɔŋleʼ fyútə ghɔ mbʉə-bɔŋ.
13Bʉə-Juubɛʼbə ndə bɔ̂ŋ kə́ tòʼ jə̀ŋ lyʉʉhəbʉəbʉəbə, kə́ kʉ́ʉ ghɔ ndə məlʉ̀ yie-Jiso Tiekətʉ kə́ jə̀ŋ lyʉʉhəbʉəbʉəbə nə yɔŋ mbʉə bʉə ndə bɔ̂ŋ kie, kə́ ghɔ̀ŋ mbɔ, “Baʼa nɔ tʉʼ kàhə a yie-Jiso ndə Bɔɔ tʉʼ lɔ̀ʼ mbɔ ä fyú!” 14Vâabələŋbɛʼbə təkwiitia, ndə tie-yʉə bɛ tiefɛ̀ʼndɛŋkwɛʼtəŋNyii-bʉə-Juu, yie-e kə́ bɛ Sikifa, nɔ kə́ fɔ̀ʼ yɔ̄ŋ-yə. 15Mbʉ kəlyʉʉhəbʉəbʉə ghɔ̀ŋ mbɔ, “Mɔ nɔ kínə Jiso, kínə nubə te Bɔɔ, bɔŋ mbəŋ-aŋ bɛ nda?” 16Ndʉʉmɛ mbʉ wo-ghɔ̄ ndə lyʉʉhəbʉəbʉəkə bɛ mu mbʉə-ɔ le, sɛ́ʼ gwù ndəŋ bɔŋ gwúu bɔŋ bənchəŋ ghɔ́ʼ bɔŋ tə bɔ̂ŋ nyʉ́ʉ fyútə mu njaa-ghɔ̄ kənchiʼtʉʉ bənchəŋ nə dyʉʼbə ndəŋ bɔŋ.
17Bʉə bənchəŋ ndə bɔ̂ŋ bɛ mu Ɛfɛso, bʉə-Juu ghɔŋbə bʉə-Gili yʉ́ yɔ̄ŋ-yə, faakə yá bɔŋ bənchəŋ, bɔ̂ŋ kóʼhə yie-Jiso Tiekətʉ ghɔʼ. 18Bʉə buŋmbi ghɔ ndə bɔ̂ŋ nɔʼ kə bɛ́ŋ Nyii kə́ fyú tə́nə kɛ̀ʼ nubə ndə bɔ̂ŋ kə́ chìi mu kənjəŋ. 19Bʉə buŋmbi ndə bɔ̂ŋ kə́ fɔ̀ʼ nu-jə̀ŋ-bə gwè nə bəŋwɔʼnə-bʉə, bə tɔ̀ŋ bəshʉ bʉə bənchəŋ, bə kʉ̂ʉ súu chuɔŋtə-ii, i kóʼ nə bəmɛlɛyɔŋ wuŋ tia. 20Ndʉʉmɛ, ŋgie-Tiekətʉ-kə bìʼ wɔ̀ʼnə yɔ́ŋyɔ́ŋ bɔŋleʼ shʉ́ə.
Ntɔŋntɔŋ ndə i bɛ mu Ɛfɛso
21Ndʉʉ ndə nubə-ɔ̄ŋ nɔʼ kə tíŋ, LyʉʉhəNyiikə chìi Bɔɔ séʼ ndə mətíŋ hə Masɛdonia ghɔŋbə Akia buŋ gɛ̀ Jɛlosalɛŋ, kə́ ghɔ̀ŋ mbɔ, “Ndʉʉ ndə mɔ bu lɔ̀ hə chɔ nɔ, mɔ yaʼ gɛ̀ ndə mənyíɛ bʉə-Luŋ ghɔ.” 22Ɔ tə́ŋ bʉə bəbûu ndə bɔ̂ŋ kə́ tɔ́ŋ ɔŋ ndə fɔʼɔ, Timɔti ghɔŋ Ɛlastu, bɔ̂ŋ gɛ̀ bəshʉ mu Masɛdonia bɔŋ mbəŋ-ɛŋ bʉ̀nə shi chí Esia məniʼ.
23Kʉ̂ʉ bɛ ndʉʉ-ghɔ̄, ntɔŋntɔŋ shʉ́əshʉ́ə ŋɛ̀nə mu Ɛfɛso te mbʉ Fia-Nyii. 24Wobɛʼ ndə bə kə́ tíi ɔ nə Dɛmɛtolo, kə́ bɛ wo-kəlɔŋ, ɔ kə́ lɔ̀ŋ njaafɛ̀ʼndɛŋ-Fɔŋ-Atɛmi* ndə ɔ kə bɛ nyii-ke nə təŋbə fɛ̀ŋ, sii-i kə́ kɔ́ kyʉə yɔ́ŋyɔ́ŋ tʉ vâafɔʼɔ-bi. 25Ɔ tíi bəbɛʼbə bʉə ndə bɔ̂ŋ tʉʼ fɔ̀ʼ haʼ ntɛ fɔʼɔ-ɛ, ghɔ̀ŋ tʉ bɔŋ mbɔ,
“Bəliŋ-bɔŋ, bii nɔ kínə mbɔ kyʉə-yʉʼʉ nɔ tʉʼ gwè hə ndəŋ fia-ɔ̄. 26Bəkɔ mbəŋ-yii yʉ́ bɔŋleʼ nyíɛ ghɔ mbɔ wo-ɔ̄ ndə bə tʉʼ tíi ɔ nə Bɔɔ nɔ, ɔ tʉʼ bə̀ŋtə bə haʼ mu Ɛfɛso fɛ, ɔ bɔŋ nɔʼ lóʼtə bʉə mu Esia tə i kə́ mì bɔŋleʼ kíahə bɔŋ ghɔ̀ŋ mbɔ, ‘Bənyii ndə bə chìi nə ghɔkə mə bɛ bənyii fɛ.’ 27Nu-shʉ́əshʉ́ə-kə nɔ bɛ sê, kaa bə haʼ mbɔ, i bu byùutə bə haʼ vyii-yʉʼʉ-yɔ̄ŋ fɛ bɔŋ bə bu lɛ́nə njaafɛ̀ʼndɛŋ-Fɔŋ-Atɛmikwɛʼtəŋ ndə bɛ nyii-ke, mbɔ bɛ fɔkə fɛ. Bəkɔ bə shúʼhə ɔŋ hə ndəŋ məgʉə-e, kə́ bɛ nyii ndə bə tʉʼ lɛ́ɛŋ ɔŋ mu Esia ghɔŋbə wʉʉnəmbikə inchəŋ.”
28Ndʉʉ ndə bɔ̂ŋ yʉ́ ŋgiebə-ɔ̄ŋ, tʉʉ-yʉə byʉ́ʼ, bɔ̂ŋ tíi mbɔ, “Məgʉ́ə nɔ bɛ yi-Fɔŋ-Atɛmi-yə ndə ɔ bɛ tʉ bʉə-Ɛfɛso.” 29Mbyuutəmbyuutə gwù mu mbʉ kəyəŋkwɛʼtəŋ inchəŋ, bɔ̂ŋ nyʉ́ʉ bənchəŋ gɛ̀ kəyəŋ-nchəŋtəkwɛʼtəŋ-bɔŋ. Ndə bɔ̂ŋ tʉʼ gɛ̀ le, bɔ̂ŋ yá Gayo ghɔŋ Alistaku ndə bɛ bʉə-Masɛdonia ndə ghɔŋbə Bɔɔ kə́ tòʼ mɔʼɔ, dùu bɔŋ gɛ̀ nə bɔ̂ŋ chɔ. 30Bɔɔ kə́ kʉ́ʉ gɛ̀ ŋíi mu mbʉ nuɔ-bʉə, bɔŋ vâafɔʼɔ-Jiso tɛ́ŋ tʉ ɔŋ. 31Buŋ bʉəkwɛʼtəŋ-Esiabɛʼbə ndə bɔ̂ŋ bɛ bətieŋkɔŋ-Bɔɔ, dùhə ntəŋ tʉ Bɔɔ kə́ fʉ̀ʉtə ɔŋ mbɔ ɔ mə mùutə dʉ̀ʼ tʉkə-i mu mbʉ kəyəŋ-nchəŋtəkwɛʼtəŋ fɛ.
32Mbyuutəmbyuutə nɔ nə bɛ mbʉ mu kəyəŋ-nchəŋtəkwɛʼtəŋ. Bəbɛʼbʉə kə́ tíitə ghɔŋ yɔ̄ŋ-yə nɔ, bəbɛʼbə kə́ tíitə gìe yīŋ-yə. Bʉə buŋmbi kə kínə nukə ndə bɔ̂ŋ kə bɛ mbʉ mu kəyəŋ-nchəŋtəkwɛʼtəŋ-ghɔ̄ bʉʼka yɔŋ-yə fɛ. 33Bʉə-Juu tʉ́ʼ Alɛsaŋnda bəshʉ mbɔ ɔ túunə tʉkə-ʉə. Mbʉ nuɔ-bʉə kə́ tíitə kɔ́ ŋgiebə tʉ ɔŋ. Alɛsaŋnda chètə nuɔ-bʉə nə ghɔkə-i ndə məkwə́ʼ túunə tʉkə-ʉə hə kəghɔ mbʉ bʉə. 34Bɔŋ ndʉʉ ndə bɔ̂ŋ chèʼnə mbɔ ɔ bɛ wo-Juu, bɔ̂ŋ chʉ́ʉhə kə́ tíitə tə i kɔ́ kʉʉkə tə kə́ gɛ̀ nə bəchî ibûu mbɔ, “Məgʉ́ə nɔ bɛ yi-Fɔŋ-Atɛmi-yə ndə ɔ bɛ tʉ bʉə-Ɛfɛso.”
35Ndʉʉ ndə wonyɔ̀ʼ-ŋwɔʼnə-wokwɛʼtəŋ mu mbʉ kəyəŋkwɛʼtəŋ, chyìi bɔŋ, ɔ ghɔ̀ŋ mbɔ, “Bənaa-bɔŋ, bətie-bɔŋ, bʉə-Ɛfɛso, bɛ nda ndə ɔ gòʼ təmə kínə mbɔ kie bʉə-Ɛfɛso bənchəŋ kie njaafɛ̀ʼndɛŋ-Atɛmi ndə bɛ nyiikwɛʼtəŋ, ghɔŋbə ŋgoʼ-e ndə i gwù hə yuo fɛ? 36Bʉʼka mbɔ wo mə tɛ́ŋ nukə-ɔ̄ŋ fɛ, b̈ii líitə nduɔ mbɔ loʼo, təmə kə́ chìi nukə nə ndəŋnəkə fɛ. 37Bii nɔ gwè nə bʉə-bɔ̄ŋ fɛ̄ŋ təmə bɔ̂ŋ nɔʼ lʉ́ʼ fɔkə mu njaafɛ̀ʼndɛŋNyii fɛ, təmə bɔŋ-nɔʼ-leʼ tíi yie-nyii-yʉʼʉ bʉəbʉə fɛ. 38Kaʼ bɛ mbɔ Dɛmɛtolo ghɔŋbə nuɔ-bʉə-kəlɔŋ-bi kie nukə te wotəmiyɔŋ, chusii-njaafɛ̀ʼ nɔ bɛ ighʉ́ʉnə, bʉə chʉ̀ə ŋkwɛ kə́ bɛ chɔ, b̈ɔ̂ŋ gwè fʉ̀ʼtə nukə ndə wofuu nɔʼ chìi. 39Bɔŋ kaʼ bii kie nu-kədɔŋ-kə, təmə bʉʼʉ bu fɛ̀ʼ maa-yɔ̄ŋ kie-bʉʼʉ. 40Bʉʼʉ nɔ tə́nə laa chu-chɔ̂ bʉʼka bəkɔ bə yá kətʉ-bʉʼʉ mbɔ bʉʼʉ la tʉʼ byùutə mu lɔʼɔ, bʉʼka nukə ndə bəkɔ bʉʼʉ məmɔ̀ʼ luu jyujyu fɛ.” 41Ndʉʉ ndə ɔ gìe nubə-ɔ̄ŋ liʼ, ɔ wɔ̀ʼhə bɔŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.