Tito 1
1
1Paul, ebulesit loka Edeke, ekiyakia da loka Yesu Kristo aisilosikinia aiyuun naka luseuna luka Edeke ka ajenunikec naka abeit kiton ayoŋit Edeke, 2kotoma amun naka aijar naka ikar kere, naabu Edeke, lomam iŋalai, kisumun eriŋa apakio nuka ikar, 3#Pes 1:9,10; 1 Tim 1:1,11. konye kapakike abu kitodia akekirot kotoma alimonokin nakejokokinio kwape ejaar aicorakinet naka Eketajaraniwok Edeke:
4 #
2 Kor 8:23; Gal 2:3; 2 Tim 4:10; 1 Tim 1:2. Mama ejai Tito ikakoku obe kotoma aiyuun nakimorit:
Asianut ka ainapakin nuepote kama ejai Edeke Papa, ka Kristo Yesu da Eketajaraniwok.
5Kanuka nu ŋes kenyeinia jo koKurete, tetere iteteni nuideuna, kodakak da imakio kaŋolire kwape kecorakinia jo, 6#1 Tim 3:2-7. arai ejai loemamei aitoronet, ekiliokit loka aberu adiopet, loiyuunito ikedwe, komam iwosatai ebe eraas luka iponesio lutai, ka luetumaaka. 7#1 Kor 4:1; 1 Pet 5:2; 2 Tim 2:24. Naarai ibusakinit ekaanyanaran araut loemamei aitoronet, kwape ekeŋadan loka Edeke; mere loisiyalamikina bon, mere loenyunyurana, lomam emer, lomam ibuŋai, lomam iŋobelei apesan, 8konye loisukunyikini ipejok, loemina ajokis, loecoit, loedolit, lokalaunan, loitikokina da; 9#Tit 2:1; 1 Tim 1:10; 2 Tim 4:3. loericit akirot naka aiyuun kwape ejaar aisisianakin, tetere epedori aicor kotoma aisisianakin naka aijar, bobo da aitoron luirebirebete. 10Naarai ejaas luetumaaka luipu, luinerasi aamameak, ka luiŋalas da, aitelekarit lueraas luekepitai. 11#Tit 3:6; Yok 10:12; 1 Pet 5:2. Ibusakinit aisililiŋ kes, naarai itotolikinete ituŋa kere lukokalia, isisianakinete numam ibusakinit kes aisisianakin, kanuka ameda nakileic. 12Abu ediopet kakesi, enabikec kikulepek, kobala ebe, “Eraas Ikureton ikeŋalak apaarasia kere, itiaŋ lueroko, ikeraŋak lueloŋwaka.” 13#2 Tim 4:2. Aitejenunet ŋin erai nakabeit da, Kanuka ŋun kitoron kes kadedeŋ, tetere eŋaleete kotoma aiyuun, 14#1 Tim 4:7. kinyeis acoit awaragasia nutai nuka Iyudayan, ka aicorakineta da nuka ituŋa luepaarete ainyein abeit, 15#Mat 15:11; Rom 14:20. Elaete iboro kere mama ejaas luelaete. Konye emamei ibore yenelai mama ejaas luemunaara ka lumam iyuunito; konye emunaara do adamakec ka aomisiokec da. 16#2 Tim 3:5. Elimorete ebe ejenete Edeke, konye eŋerito ŋes kaswamisiokec; eraas luesacitai, luiulaka, luegiritoi da kaŋiniswam kere naejok.
Currently Selected:
Tito 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.