Tito 2

1 # 1 Tim 6:3; 2 Tim 1:13. Konye jo, kiner nuibusakinito aisisianakin naka aijar. 2#1 Tim 5:1. Koraas imakio luitikokina, luiyapaara, luecoito, lueŋaleete kotoma aiyuun, ka amin, ka atitiŋikin da. 3#1 Tim 3:11. Kwape kwaŋin da koraas amakio nukejautene lokayoŋit, mere akasabak, karaida abulesin nuka ajon nuipu; konye nuisisianakinete nuejok, 4tetere ituutoorete akatumunak araut nueminasi ikiliokokec, ka nueminasi ikecedwe da, 5#Pes 5:22. koraas nuecoito, nuesegara, nuiswamaete ore, nuejok, nuenonokikinito ikiliokokec, kinyek akirot naka Edeke ainyanakinio. 6Kwape kwaŋin, kicor ikatumunak acoit. 7#1 Tim 4:12; 1 Pet 5:3. Kakiro kere kitoduun korai aanyunet naka aswamisio nuejok, kotoma aisisianakin kitoduun korai lomam imunaara, loiyapaara, 8#1 Pet 2:15. kakiro nueŋaleete lomam itoronio, tetere isurumio ekapegan ileic, komamei ŋes akirot naerono einer asurokinia oni. 9#Pes 6:5; 1 Tim 6:1; 1 Pet 2:18. Kicor ibulesin kononokikis ikecejaka kakiro kere, koraut luitojokete, mere luirebirebete, 10#Tit 1:3. mere luelemelemaka iboro, konye kitodiasi kamunonut kere naejok, tetere isirete aisisianakin naka Eketajaraniwok Edeke kakiro kere.

11Naarai atakanu asianut naka Edeke einunit ituŋa kere aitajario, 12#Pes 1:4; 1 Yok 2:16. kituutoori oni ebe, kaŋeroto amamus ayoŋit Edeke, ka aiŋobel naka akwapin, kajarata kacoit, ka adolit, ka ayoŋit da Edeke, kotoma okar luka kwana, 13#1 Kor 1:7; Rom 5:2; Pil 3:20. kedareto noi amun nakarereŋ naka atakan nakaibuses naka Edeke lokapolon ka Eketajaraniwok Yesu Kristo, 14#Any 19:5; Ikis 4:20; 7:6; 14:2; Sab 130:8; 1 Pet 2:9; 3:13; Gal 1:4; 1 Tim 2:6; Pes 2:10; Esk 37:23. loabu koinakin bon kanuwok, tetere kilakuni oni kama kepali kere, ka aitalaun kanukeŋ ituŋake obe, luekokakinito aswamisio nuejok.

15 # 1 Tim 4:12. Kiner ŋun, kicor da, kitoron da kapolou kere. Kinyek idiotuŋanan aimen joo.

Currently Selected:

Tito 2: AOV1961

Highlight

Copy

Compare