Ilebin 1
1
1 #
Any 19:3; Mar 12:4,5. Kiworo EJAKAIT Musa, kinera kaŋes kowema loka airiamunun ebe, 2#Leb 22:18. “Kolimok idwe luka Isirael ebe, Naeinakinia ituŋanan kayesi ainakinet mama ejai EJAKAIT, iinakinete ainakinetekus kotoma obaren, kosipanin luka aituk ka luka amerekekin.
3 #
Any 12:5; Leb 3:1; 22:20; Ikis 15:21; Mal 1:14; Pes 5:27; Bur 9:14; 1 Pet 1:19. Arai erai ainakineteke ainakinet naicweio nakosipan loka aituk, einakini yenikiliokit yenimam eŋwalit: einakini ŋes kokek loka ewema loka airiamunun, tetere ecamunio kakonyen nuka EJAKAIT. 4#Leb 4:15; 8:14; Any 29:10; Isa 53:4; 2 Kor 5:21; 1 Pet 2:24; Isa 56:7; Rom 12:1; Pil 4:18; Mar 15:25; Rom 5:11. Idokokini akekan akou naka ainakinet naicweio; ecamunio kanukeŋ alucio ŋes, 5#Mik 6:6; Bur 10:11; 12:24; 1 Pet 1:2. Earanakini emoŋ lotobait kakonyen nuka EJAKAIT: ijaikinete odwe luka Aaron, lusasedotin, aokot, kobwatanakis aokot owaitin luka etem loejai okek loka ewema loka airiamunun. 6Ejeŋi ŋesi ainakinet naicweio, etubutubei da koinerinoke. 7#Age 22:9. Kosodete odwe luka Aaron esasedoti aibwaikin akim otem, ka aigaŋ akito akim: 8Inapanakinete odwe luka Aaron, lusasedotin, inerino, akou ka asiepai toma akito nuejaas akim naejai otem: 9#Age 8:21; Esk 20:28; 2 Kor 2:15; Pes 5:2; Pil 4:18. Konye ilosi kakip lukotomake ka akejeke: kosodi esasedoti aicweikin kere kotem, araun ainakinet naicweio, ainakinet naeinakinere kakim, naka asakat naeuru saa mama ejai EJAKAIT.
10Arai da erai ainakineteke kosipan loka amerekekin, arai loka akinei, araun ainakinet naicweio; einakini ŋesi yenikiliokit yenimam eŋwalit. 11Earakini ŋes owai loka etem ari naka agolitomei kakonyen nuka EJAKAIT: ebwatanakinete odwe luka Aaron lusasedotin, aokotoke owaitin luka etem. 12Etubutubei da koinerinoke, nepepe kakouke ka asiepaike: inapanakini esasedoti kes akito nuejaas akim naejai otem: 13Konye ilosi kakip lukotomake ka akeje: einakini esasedoti kere, icweikini kotem: erai ainakinet naicweio, ainakinet naeinakinere kakim, naka asakat naeuru maa mama ejai EJAKAIT.
14 #
Luk 2:24; Leb 5:7. Arai da erai ainakineteke mama ejai EJAKAIT ainakinet naicweio naka akweny, ŋes konyet einakinia ainakineteke naka ajeleik, arai naka ilukei ludidik, 15Eyauni esasedoti ŋes otem, emojirikini aŋedar akouke, kicweikin kotem; eitanakini aokotoke ariri ketem: 16Elemari elogorotoke ka ajuloke, ecakakini owai lokokide loka etem, aibois naka ekurwon: 17#Age 15:10. Kosobi aicil abebenokake, konye mam etubutubei: ieweikini esasedoti ŋes kotem, kakito nuejaas akim: erai ainakinet naicweio, ainakinet naeinakinere kakim, naka asakat naeuru saa mama ejai EJAKAIT.
Currently Selected:
Ilebin 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.