Ilebin 2
2
1 #
Leb 6:14; 9:17. Naeinakinia ituŋanan ainakinet naka akiria naeinakinio mama ejai EJAKAIT, eraun ainakineteke naka akiria nuidicic; ebukokini akinyet, ibwaikini lueuru maa: 2#Leb 5:12; 6:15; 24:7; Isa 66:3; Asw 10:4. Einuni odwe luka Aaron lusasedetin: emuduni ŋesi akan ileleba akiria Ŋun nuidicic, ka akinyeteke, ka lueuru maa kere; icweikini esasedoti ŋes araun aiituneteke kotem, ainakinet naeinakinere kakim, naka asakat naeuru saa mama ejai EJAKAIT: 3#Leb 7:9; 10:12,13; Any 29:37; Mar 18:9. Ŋun da nuideunos nuka ainakinet naka akiria eraunos nuka Aaron ka odweke: erai ibore yenikalaunan noi yenika ainakineta nuka EJAKAIT nueinakinere kakim.
4 #
Any 29:2. Naiinakinia ijo ainakinet naka akiria nupeon kokila, eraunos aluŋuren numam itubuunitoi neka akiria nuidicic nuinyalakinitai akinyet, arai imugatin luebenen lumam itubuunitoi luinyonyoikinitai akinyet, 5Arai erai ainakinetekon naka akiria nukeon, eraun naka akiria nuidicic numam itubuunitoi, nuinyalakinitai akinyet, 6Itiakatiakai kes katutubeta, ibukokini akinyet: ŋes ainakinet naka akiria, 7Arai da erai ainakinetekon naka akiria nuka ibore yenikiwowas, itwasamaeneno kakiria nuidicic kakinyet. 8Iyauni ainakinet naka akiria nuitwasamatai kiboro ŋul mama ejai EJAKAIT: einunio esasedoti, ŋes da eyauni otem. 9#Any 29:18; Rom 12:1. Edakuni esasedoti kainakinet naka akiria aiituneteke, icweikini kotem: ainakinet naeinakinere kakim, naka asakat naeuru saa mama ejai EJAKAIT. 10#Any 29:18,37. Ŋun da nuideunos nuka ainakinet naka akiria eraunos nuka Aaron ka odweke: erai ibore yenikalaunan noi yenika ainakineta nuka EJAKAIT nueinakinere kakim.
11 #
Leb 6:17; Mat 16:12; Mk 8:15; Luk 12:1; 1 Kor 5:8; Gal 5:9. Mam itwasamaete yenikitubuunet naiinanakiniata ainakinet naka akiria mama ejai EJAKAIT: naarai mam icweikinete yenikitubuunet, karaida esik, araun ainakinet naeinakinere kakim mama ejai EJAKAIT, 12#Any 22:29; Leb 23:10,11; Ikis 26:10. Iinanakinete ŋul araun ainakinet naka nugeet mama ejai EJAKAIT: konye mam isupuruunio kes araun asakat naeuru saa kotem. 13#Mk 9:49; Kol 4:6; Mar 18:19; Esk 43:24. Kibwaanakin abalaŋ ŋiniinakinet naka akiria; mam itwataniari abalaŋ naka aitutuket naka Ekonideke kainakinetekon naka akiria: iinanakini abalaŋ kainakinetakon kere.
14 #
Any 23:19; Awa 3:9; Leb 23:10,14; 2 Ika 4:42. Arai ca iinakini ainakinet naka akiria nuka nugeet mama ejai EJAKAIT, koinanakini aluŋuren nuka imomwa luikawooritai, imumwa luicomom luka aluŋuren nukitetiak araun ainakinet naka akiria nuka nugeetekon. 15Ibukonokini akinyet, ibwaikini da lueuru maa: ŋes ainakinet naka akiria. 16Icweikini esasedoti aiituneteke, atutubet naka imumwake luicomom, ka atutubet naka akinyeteke, ka lueuru maa kere: ŋes ainakinet naeinakinere kakim mama ejai EJAKAIT.
Currently Selected:
Ilebin 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.