Ipeson 1
1
1 #
Asw 18:19-21; 19:1; Rom 1:7; Kol 1:1; 1 Kor 1:2. Paul ekiyakia loka Kristo Yesu kanuka akot naka Edeke,
Mama ejaas lukalaunak luejaas Epeso, ka luiyuunito lukotoma Kristo Yesu:
2 #
Kol 1:2. Kojai asianut mama ijaas ka ainapakin nuepote kama ejai Edeke Papawok ka Ejakait Yesu Kristo.
3 #
Pes 2:6. Kituritete Edeke, Papa da loka Ejakaitiwok Yesu Kristo, lokisirereŋit oni karereŋ kere naka emoyo kotoma Kristo, toma aiboisio nuka akuj. 4#Yok 15:16; 17:24; Pes 5:27; Rom 8:29. Kwape abu koseunia oni kotomakeŋ eriŋa kepesikina akwap, tetere kirauni oni lukalaunak, luemamei aitoronet da, kakonyeneke kotoma amin, 5#Yok 1:12. Abu kineru sek oni araut idwe mamakeŋ kanuka Yesu Kristo, kwape itojokitor akoteke, 6#Mat 3:17; Kol 1:13. tetere itopoloorio aibuses naka akesianut, nakikwamak oni kotoma Lominat. 7#Kol 1:14,20; Pes 2:7; 3:8,16. Kotomakeŋ ŋes kidumunia alakunio kanuka akeokot, isioniei aibucanaretawok, kwape ejaar abar naka akesianut, 8#Kol 1:9. nakidilakini mamawok kotoma acoa kere ka acoit, 9#Pes 3:9; Rom 16:25. nakitejenikinia oni aiyeiyea naka akoteke. Abu kolo kitojok kwaŋin alosikinit kotomakeŋ, 10#Gal 4:4; Kol 1:16. kanuka aijokokinio nakokar naedolioto, aisimorikikin iboro kere toma Kristo, luejaas toma akuj, ka luejaas toma akwapin da.
11 #
Kol 1:12; Rom 8:28. Kotomakeŋ kiseunitai sek araut ikerumak kwape ejaar alosikinit naka ŋol loiswamai kere kwape inerunia akoteke, 12tetere kitopoloori aibusesuke lukigeikini amunokin Kristo, 13#Pes 4:30; Kol 1:5,6. Kotomakeŋ yes da luiirarito akirot naka abeit, Akiro Nukajokak nuka aitajariokus, luiyuunito kotomakeŋ, abu Emoyo Lokalaunan lokisumunitoi kipucak yes da aipucet. 14#2 Kor 1:22; 5:5. Erai Emoyo ŋol aitogogoŋet naka airumetewok, kiton nealakunere lueraas luka Edeke, kitopolooroi akeibuses.
15 #
Kol 1:4,9. Kanuka ŋun eoŋ da, naapupunitor nuka akusiiyuun kotoma Ejakait Yesu, ka akusimin da mama ejaas lukalaunak kere, 16#Kol 1:3. mam enyeini aimal kanukus, eitununei yes kailipika, 17#Kol 1:10. ebe Edeke loka Ejakaitiwok Yesu Kristo, Papa loka aibuses, koinak yes emoyo loka acoa ka apukokinia ajenun ŋes, 18#Ikis 33:3,4; Kol 1:5,11. kinwakenenai akonyen nuka itauonokus, tetere ijenunete amun kwape ejaar naka anyariteke, abar da kwape ejaar naka aibuses naka airumeteke kotoma kalukalaunak, 19#2 Kor 13:4; Kol 1:11; 2:12. apolou da kwape ejaar naedeparit naka akepedor mamawok lukiyuunit, kwape ejaar aswam naka ailerit naka akegogoŋ, 20#Sab 110:1. nakiswamak Kristo nakitajarunia ŋes kokatwak, kisiboik da kakekan nakoteten kotoma aiboisio nuka akuj, 21#Kol 1:16; 2:10. kuju noi adepar ayait kere, ka apolou, ka apedor, ka ejakaene, ka ekiror da kere loelimitoi, mere bon kokar kalu konye kaluepote da; 22#Sab 8:6; Mat 28:18; Pes 4:15; Kol 1:18. ido kitononokik iboro kere kwap kakejeneke, koinak da ŋes araun akou ayait iboro kere kama ka ekanisa, 23#Rom 12:5; Kol 1:19; 1 Kor 12:27; Pes 4:10. loerai akekuan, aitekoro naka ŋol loitekori kere toma kere.
Currently Selected:
Ipeson 1: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.