Igalatian 6
6
1 #
Mat 18:15; Yak 5:19. Iinacan, arai kedumun ituŋanan ibucarit, yes luiraas luka Emoyo kiteteut yenikoni nen komoyo lokaiyapepera. Koŋica bon, kinyek Ijo da acodunio. 2Kodakenenete nuelaŋirikinito ice, kwaŋin itodolete ikisila luka Kristo. 3Naarai arai ewomit idiotuŋanan ebe erai ibore, kwabo mam erai ibore, iŋala bon. 4#2 Kor 13:5. Konye kitem ŋinidiopet akeswam, kosodi konyet ejai naeoloboboo kanukeŋ, kwabo mere kanuka yenice. 5#Rom 14:12. Naarai edaki ŋinidiopet abwokonike.
6 #
1 Kor 9:14. Konye komorata yenisisianakinio akirot nepepe ka yenisisianakini kajokisio kere,
7Sirikiŋalas; mam Edeke isekelio, naarai lueyei ituŋanan, ŋupeŋul esaki da. 8#Rom 8:13; Yok 6:63; 3:6. Naarai yeneyeikini akuanake, esaki aibos; konye yeneyeikini Emoyo, esaki aijar naka ikar kere. 9#2 Ses 3:13. Kenyeis aitapalikina aswam nuejok, naarai kedol apakike kisaki, arai mam kiilor. 10#2 Pet 1:7. Aso naeriŋar oni apak ejai, keswamanakisi ituŋa kere ajokis, ido aitelekarit ŋul lukokal loka aiyuun,
11Koanyutu kewadikak yes inyukuta luepolok luetia nen kakanika. 12#Gal 5:11; Pil 3:18. Ŋul luekotosi atakan ejok toma akuan, ŋupeŋul kitiŋaikinete yes akepio, konye kinyeis areio kanuka emusalaba loka Kristo. 13Naarai luekepitai mam ikulepek ericete ikisila, konye ekotosi yes akepio tetere eoloboboete kotoma awatekus. 14#1 Kor 1:31; 2:2. Konye eoŋ madi akuj eoŋ aolobob, dimarai kotoma emusalaba loka Ejakaitiwok Yesu Kristo, lokotomakeŋ kibubukinio akwap kamakaŋ, eoŋ da kama kakwap. 15#Gal 5:6; 1 Kor 7:19. Naarai akepio mam erai ibore, karaida amamus akepio, dimarai yenisubat yenikitetet. 16#Sab 125:5; 128:6; Pil 3:3. Ido ŋul kere luelosenenete koikor kalo, kojai ainapakin ka aitim mamakec, ido mama ejai Isirael loka Edeke.
17 #
2 Kor 4:10. Ameari kwana kinyek idiotuŋanan aitican eoŋ; naarai adakit eoŋ imacarin luka Yesu kotoma akuanaka.
18Iinacan, kojai asianut naka Ejakaitiwok Yesu Kristo kimoyonokus.
Amen.
Currently Selected:
Igalatian 6: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.