Sekaria 6
6
1Keteluo bobo akakonye, kete, ido koany, kopotu agalin aoŋon kokidin kironan iarei; ironan da keraas ironan luka aisinit. 2#Sek 1:8; Apu 6:4,5. Agali nasodit ajaas ibalasin lukarenak; agali nakiareit ibalasin lukirionok; 3#Apu 6:2. agali nakiwuniet ibalasin Iukakwanak; ka agali da nakiwononet ibalasin luenirooko lukagogoŋok, 4#Sek 5:10. Kasodi eoŋ aboŋokin emalaika lokinera keoŋ ebe, “Ekajakait, inyoika bo lu?” 5#Sab 68:17; Bur 1:7,14; 1 Ika 22:19; Yob 1:6; Dan 7:10; Luk 1:19; Apu 7:1. Kabonok emalaika eoŋ atiar, “Lu kes ikwamin iwonon luka akui, lualomasi anyoun kaibwo kakonyen nuka EJAKAIT loka akwap kere. 6#Yer 1:14. Ebei agali naejaas ibalasin lukirionok akwap naka agolitomei; kotupakis lukakwanak kes; kobeete luenirooko akwap naka eŋalakimak.” 7#Age 13:17. Kobeete lukagogonok, komootos aimaniman lailo ka laije anatar akwap. Kobala ebe, “Koloto yesi, kimanimanata lailo ka laije da anatar akwap.” Kosodete kimanimanata akwap, 8#Lim 10:4. Kosodi ŋesi aiworor eoŋ katema ebe, “Koany, ŋul luebeete akwap naka agolitomei apotu kisiyamikis Ekamoyo kakwap naka agolitomei.”
9Kobu akirot naka EJAKAIT mama ajai ebe: 10#Esr 2:1.“Koyana kakesi kaluejoreoritai, kes Kelidai, ka Tobiya, ka Yedaia, luadolut anyoun koBabulon, kolot ijo da kapaaran kaŋin, koloma togo loka Yosia, okoku loka Sepania. 11#Any 28:36. Ido kiiau kes epuesa ka esabu, kiswamaunia abokoi, kitanapik kes akou naka Yosua okoku loka Yekosadak, esasedoti lopeti; 12#Isa 9:6; 4:2; Mik 5:5; Mal 3:1; Yer 23:5; 33:15; Sek 13:7; 3:8; Mk 15:39; Luk 1:78; Yok 1:45; Sab 80:15-17; Mat 16:18; Pes 2:20; Pil 2:9; Bur 2:9. kolimok ŋes ebe, ‘Inera kwanata EJAKAIT loka ajoresio ebe, Koany, etuŋanan ekekiror Atenu; epolouni ŋesi kaiboisike, eduki ŋesi eyekalu loka EJAKAIT. 13#Sab 21:5; 110:4; Isa 22:24; Bur 3:1. Eduki teni ŋesi eyekalu loka EJAKAIT; ibwoki ŋesi aibuses, iboie irumi koicoloŋoke loka ajakanut. Ejaun esasedoti die koicoloŋoke: ejaun ainerun naka ainapakin kidin kakesi luarei.’ 14#Mk 14:9. Ejaunos abokoi mama ejaas Kelem,#6:14 Koany okokoron 10 ka Tobiya, ka Yedaia, ka Ken * okoku loka Sepania araut aisiitunet koyekalu loka EJAKAIT.
15 #
Pes 2:13. “Epote da nul luelwaka iŋarakinete aiduk eyekalu loka EJAKAIT, ijenunete ebe kejuku EJAKAIT loka ajoresio eoŋ mam ijaas, Ejaun do ŋin, arai ikukuraka arimar eporoto loka EJAKAIT Ekusideke.”
Currently Selected:
Sekaria 6: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
