Rusi 4
4
1 #
Rus 3:12. Kosodi Boas alosit orute, kiboikin nina; ido koany, kotubor ekalakunan ŋol loabu Boas kolimite; kotema ŋesi ŋol ebe, “Ŋo ba loce! Kopau ber kiboikin ne.” Kopaa kiboikin, 2#Any 18:21,22; Ikis 16:18; 17:9; 29:10; 1 Ika 21:8; Sab 82:2; Awa 31:23. Abu koya ikiliok itomon komakio lukore kotema kes ebe, “Kiboikinos ne.” Kiboikinos kesi da. 3Kotema ŋesi ekalakunan ebe, “Naomi naabu kobonu anyoun akwap naka Moab egwelari alup nuaraas kolo nuka onacewok Elimelek: 4#Yer 32:7,8; Rom 12:17; 2 Kor 8:21; Pil 4:8; Age 23:18; Leb 25:25. Ido aomit eoŋ aitejenikin jo, kabala ebe, Kogwel kakonyen nuka nul kaluiboiete kane, akonyen da nuka imakio luka ituŋaka, Arai ikoto ailak, kolaku; konye arai mam ikoto alakun, asa bo kolimokinai, kajen: naarai emamei yenelakuni nabarai jo; eoŋ da ŋes katupit jo.” Kotema atiar, “Alakuni bo,” 5#Age 38:8; Ikis 25:5,6; Rus 3:13; Mat 22:24. Kosodi Boas atemar atiar, “Naigwelia amana kakan naka Naomi kibusakinit agwel Rusi da Amoabut, aberu naka lokatwan, aitoboŋikin airumeteke ekiror loka lokatwan.” 6#Rus 3:12,13. Kotema ekalakunan ŋol ebe, “Mam apedor alakun kanukaij, kenyek amunaun airumeteka: koyana ijo ailakaka nin; naarai mam eoŋ apedori alakun.”
7 #
Ikis 25:7,9. Lo da ŋes kerai epone loka alakun ka aisiee da kolo kasonya koIsirael, aitogogoŋ akiro kere; alaeununei etuŋanan amukatake kosodi ainakin Iocetunanan; koraenena kwaŋin aitodunet koIsirael. 8Kosodi ekalakunan ŋol atemar Boas ebe, “Kogwel do ijo.” Kolac amukatake. 9Kotema Boas imakio ka ituŋa kere da ebe, “Iraas ikajenak lolo, agwel eoŋ lukolo araas luka Elimelek kere, ka luaraas luka Kilion ka luka Malon da, kakan naka Naomi. 10#Ikis 25:5-6. Rusi da Amoabut apuserut naka Malon agwel eoŋ araun aberuka, aitoboŋikin airumeteke ekiror loka lokatwan, kinyek ekiror loka lokatwan aolior koinacanake, korute da loka aiboisitike: iraas yesi lolo ikajenak.” 11#Age 29:31; Age 1:28; 9:1; 17:16; Sab 127:3; 128:3; Ikis 25:9; Age 35:16; Mik 5:2. Kosodete ituŋa kere luajaas orute, ka imakio da atemar ebe, “Kirai isio ikaienak, Kituput EJAKAIT aberu naabu togokon kwape Rakel ka Lea nuapotu kesi aarei kodukoto ekek loka Isirael: kiswama ijo da nuibusak kotoma Epurat, kojenun kotoma Bet-lekem, 12#Age 38:27-30; 1 Siit 2:4; Mat 1:3; 1 Sam 2:20. Ekonikal da koraun bala ekal loka Peres loaurikini Tamar Yuda, kanuka aur nakiinakini EJAKAIT kotoma aberu na nakatumunan.”
13 #
Age 29:31; 33:5. Kosodi Boas ayaŋaar Rusi, koraun akeberu; koloma mamake, ido koinak EJAKAIT ŋes apotuun, kouru esapat. 14#Luk 1:58; Rom 12:15. Kobalas aŋor Naomi ebe, “Kituritete EJAKAIT, lomam kinyeinit jo lolo emamei ekalakunan, kojenun du ekirorike kolsirael. 15#1 Sam 1:8. Eraun ŋesi da kamakon eketeteunan aiiar, ido eketanan kamojoŋukon; naarai ateranikon, nakimina ijo, naitelekarit idwe ikanykaarei lusap kajokis kamakon, ŋes auru ŋes.” 16Kosodi Naomi ayaŋaar ikoku, kotunak atorobuke, koraun akasaanike. 17#Luk 1:58,59. Apotu aŋor aidunyetake konerokis ekiror kineras ebe, “Aurikin Naomi ikoku yenisapat.” Komaikis ekekiror Obed: ŋol ŋes papa loka Yese, papa loka Daudi,
18 #
1 Siit 2:4; Mat 1:3. Na da ŋes aur naka Peres: Peres kouru Kesuron, 19Kesuron kouru Ram, Ram kouru Aminadab: 20#Mar 1:7. Aminadab kouru Nason, Nason kouru Salumon; 21Salumon kouru Boas, Boas da kouru Obed; 22Obed kouru Yese, Yese da kouru Daudi.
Currently Selected:
Rusi 4: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.