Iromayon 9

1Enera abeit kotoma Kristo, mam eŋalai; itejenunete akaomisio kotoma Emoyo Lokalaunan, 2ebe kakadakinit noi ka ariebo da namam enaŋi kotauka. 3#Any 32:32. Naarai tikapedo ailip eoŋ elopet aikenio atiakario kama ka Kristo kanuka ikainacan, lukatekerika kwape ejaar akuan, 4#Any 9:4; Any 4:22; Ikis 7:6; 14:1,2. kes luka Isirael, lukeinakinio araut odwe, ka aibuses, ka aitutuketa, ka ainakinio ikisila, ka aijaanakin Edeke, ka aisumuneta da; 5#Rom 1:25; Mat 1:1; Luk 3:23; Yok 1:1. eraas lukapapaa lukec, ido kotomakec alomunia Kristo kwape ejaar akuan. Kituritete Edeke loeyait kere ikar ka ikar. Amen.

6 # Rom 2:28; Mar 23:19. Kwabo mere ebe ekarun akirot naka Edeke. Naarai luelomunete kotoma Isirael, mere kere luka Isirael obe, 7#Age 21:12. karaida keraas lukaur naka Aburaam, mam kere eraas idwe; konye “toma Isaak ŋes enyaritere akoniwur.” 8#Gal 4:23. Ŋes atemar ebe idwe luka akuan mere ŋul idwe luka Edeke, dimarai idwe luka aisumunet imaritai araut akeur. 9#Age 18:10. Naarai akirot na ŋes ebalar aisumunet ebe, “Kedol apak, aboŋuni, ido ejaunete Sara da kikoku.” 10#Age 25:21. Kwabo mere ŋin bon, konye Rebeka da kedum akoik kokiliokit ediopet, ŋes Isaak papaawok, 11karaida mam ber euruunitai idwe ŋul, komam iswamato adiokirot naejok arai naerono, tetere icasit alosikinit naka Edeke naka aseun, mere kanuka aswamisio, dimarai kanuka anyariteke, 12#Age 25:23. aponi kolimokinai ŋin ebe, “Ijaanakini lokapolon lodidi.” 13#Mal 1:2-3. Kwape iwadikatere ebe, “Abu kamina Yakob, konye kala Esau.”

14 # Ikis 32:4. Aso kinera anu? Ejai kereka amamus adolit kaneejai Edeke? Madi akuj! 15#Any 33:19. Naarai ebala ŋesi Musa ebe, “Etimi yenakoto aitim, ido ekonakini asianut yenakoto aikonakin asianut.” 16#Pes 2:8. Aso do mere kanuka loekot karaida loekeri, dimarai kanuka aitim naka Edeke. 17#Any 9:16. Naarai ebala nakiwadikatai Parao ebe, “Kanuka nu ŋes ketonyounio jo tetere etodikini akapedor mamakon, ido tetere elimorio ekakiror kakwapin kere.” 18#Any 4:21; 7:3; 9:12; 14:4,17. Aso do itimi loekot, ido itininiki loekot.

19Aso kitemari eoŋ ebe, “Kanukinyo eriŋar ŋesi itoronitor? Naarai iŋai kereka enyoikini nuelosikinit ŋesi?” 20#Isa 29:16; 45:9. Ijo ba ituŋanan, iŋai bo ijo yeniboŋokini Edeke? Epedori kereka ibore yenisubuna alimokin yenikesubuni ebe, “Kanukinyo kiisubia eoŋ kwana?” 21#Yer 18:6. Emamei kereka ekajean apedor kama kelupe, asubun ibore yenibus ka ibore da yenesil kaluŋuret ŋipeŋin? 22#Yer 50:25. Konye anyoika bo arai ekoto Edeke aitodikin anyunyura ka aitejenun da akepedor, abu kotitiŋikin katitiŋ kanaepol iboro luka anyunyura luasubitai amudiario, 23#Pes 1:3-12; Rom 2:4; 8:29. tetere itejenuni abarara naka akeibuses kotoma oboro luka aitim, luetemonokinit apeŋo kodumut aibuses, 24kes oni lukiinyarauni mere Iyudayan bonik, dimarai Imo da? 25#Kos 2:23. Kwape kineritor da kama ka Kosea ebe,

“Ŋul lumam araas ikatuŋa, anyarai ikatuŋa,

ŋin da namam kerai naminataka, anyarai naminat.”

26 # Kos 1:10. “Bobo da toma aibois ŋin nakelimokinitere kes ebe,

‘Mam yes iraas ikatuŋa,’

Nepenen enyaraere idwe luka Edeke lokajaran.”

27 # Isa 10:22-23; Rom 11:5. Kiworo Isaia da nuka Isirael ebe,

“Karaida kerai etiai loka odwe luka Isirael kwape asiŋe naka aŋolol, aatoŋotokec bon itajario; 28naarai iswamai Ejakait akekirot kakwap aitodol ka atubutub da.” 29#Isa 1:9. Ido kwape kegeunia Isaia einer ebe:

“Arai kemam Ejakait loka ajoresio kinyeinitor oni aur,

Ti kiirau bala Sodom, ti kiiputokin ka Gomora.”

30 # Rom 10:20. Aso do kinera anu? Ebe Imo lumam atupito adolit apotu kodumut adolit, ŋes adolit naelomuni kaiyuun. 31#Rom 10:2,3. Konye do luka Isirael luetupito ikisila luka adolit, mam edolokinito ikisila ŋul. 32#Isa 8:14. Kanukinyo? Naarai mam apotu kotupata korot loka aiyuun, dimarai korot loka aswamisio. Kitiguikinos kamoru naketiguikinan, 33#Isa 28:16; Mat 21:42; 1 Pet 2:6. kwape iwadikatere ebe,

“Koany, ebwaikini toma Sion amoru naketiguikinan ka atiiba nakebiroron;

Yeniyuuni ŋes mam isurumio ileic.”

Currently Selected:

Iromayon 9: AOV1961

Highlight

Compare

Copy