Iromayon 7

1Iinacan, mam kereka ijenete-naarai enera kaŋul kaluejenete ikisila ebe eyaito ikisila etuŋanan eroko ejari? 2Naarai eenito ikisila aberu naemanyitai eroko okilenike ejari; konye ketwana ekiliokit, eosikinitai ŋin kokisila luka okilenike. 3Kanuka ŋun enyarao naadote arai kedumun kecekiliokit, apak naeriŋar okilenike ejari. Konye arai ketwana okilenike, eosikinitai anyoun kokisila, mam da erai naadote arai kemany ekiliokit ece.

4 # Kol 2:14. Ikainacan, yes da kwape kwaŋin ipotu kotwakata kama kikisila, kanuka akuan naka Kristo, tetere iraunos luka ece, ŋes ŋol loitajarunitai kokatwak, tetere kidumakini Edeke araito. 5#Rom 6:21. Naarai nakiraar kolo luka akuan, abu airaŋaanut naka adiakar kiswama kotoma atutubetawok kanuka ikisila, kasodete adumakin atwanare araito. 6#Rom 8:1,2; 6:2,4. Konye kwana kiwosikinitai anyoun kokisila, kitwaka kama ejai ŋin nakijoreorit, kasodete kejaanakis komoyo lokitetet kwabo mere kaiwadikaet namojoŋ.

7 # Any 20:14,17; Ikis 5:18,21. Aso do kinera anu? Eraas kereka ikisila adiakar? Madi akuj! Konye timam kajenu adiakar kedim ikisila. Naarai timam kajenu aiŋobel kedim ikisila atemar ebe, “Siriŋobelei.” 8#Rom 5:13. Konye adiakar, naabu kodum apak kanuka aicorakinet, kiswama kotomakaŋ ŋolipone loka aiŋobel, Naarai etwanit adiakar emameete ikisila. 9Abu eoŋ karai kolo loajari komameete ikisila, konye nakebunio aicorakinet kojaru adiakar, katwana do eoŋ. 10#Yak 1:15; Leb 18:5. Kerai aicorakinet naeyauni aijar kosubite ŋin kamakaŋ naeyauni atwanare. 11#Age 3:13. Naarai abu adiakar, naabu kodum apak kanuka aicorakinet, keŋala eoŋ, kaaria da. 12#1 Tim 1:8. Kwaŋin eraas ikisila lukalaunak, ka aicorakinet da nakalaunan, ka naedolit ka naejok da.

13 # Rom 5:20. Aso do koraun kereka ajokis atwanare kamakaŋ? Madi akuj! Konye adiakar, tetere etakanuni araut adiakar, abu kiswama atwanare kotomakaŋ kanuka ajokis, tetere iyatakin adiakar araut adiakar naerono noi kanuka aicorakinet, 14#Sab 51:5; Yok 3:6. Naarai kijeni ebe eraas ikisila luka emoyo; konye eoŋ arai lokakuan, kagwelaritai ayait naka adiakar. 15#Gal 5:17. Naarai mam ajeni nueswamai, Naarai nuakoto, mere kes nueswamai, konye eswamai nualait. 16Konye arai eswamai numam akoto, acamunit ebe ejokuka ikisila. 17Aso kwana mere eoŋ eswamai ŋun dimarai adiakar naiboie kotomakaŋ, 18#Age 6:5; 8:21. Naarai ajeni ebe emamei ibore yenejok yeniboie kotomakaŋ, ŋes atemar ebe toma akuanaka. Naarai ejai akote diekaŋ, konye aswam ajokis be. 19Naarai mam eswamai ajokis naakoto, konye aronis namam akoto, ŋes eswamai. 20Konye arai eswamai numam akoto, mam bobo eoŋ eswamai dimarai adiakar naiboie kotomakaŋ.

21Kwaŋin adumuni ekisil ebe naakotor eoŋ aswam nuejok, kaapikin aronis. 22Naarai alelakinit ikisila luka Edeke kotoma otuŋanan lokotoma, 23#Gal 5:17; Yak 4:1; 1 Pet 2:11. Konye aanyuni ekisil ece kotoma atutubetaka ejiosi kekisil loka aomisioka, ka aituluor eŋatara loka ekisil loka adiakar loejai toma atutubetaka. 24Itukwi eoŋ lokican! Iŋai bo kayuuni eoŋ kakuan kana nakatwanare? 25#1 Kor 15:57. Emalai Edeke kanuka Yesu Kristo Ejakaitiwok! Aso do eoŋ elopet ejaanakini ekisil loka Edeke kaomisioka, kwabo ekisil loka adiakar kakuanaka.

Currently Selected:

Iromayon 7: AOV1961

Highlight

Compare

Copy