Iromayon 5
5
1 #
Rom 3:24,28; 4:24; Isa 53:5. Aso naarai kitojokitai araun luedolito kanuka aiyuun, kajaut kainapakin mama ejai Edeke kanuka Ejakaitiwok Yesu Kristo. 2#Pes 3:12; Rom 3:23. Kanukeŋ kidumu erot loka aiyuun lokitodoli asianut ŋin nakibwoia, kiwoloboboi da kotoma amun aibuses naka Edeke. 3#Yak 1:2,3; 1 Pet 1:5-7. Kwabo mere ŋun bon, dimarai kiwoloboboi da kotoma aiticanio, kajenete ebe aiticanio eyaŋauni atitiŋikin, 4atitiŋikin da eyaŋauni aitogogoŋio, aitogogoŋio da eyaŋauni amun, 5#Sab 22:5; 25:20; Bur 6:18,19. amun da mam itisili, naarai ekwamakinitai amin naka Edeke otauonowok kanuka Emoyo Lokalaunan lokiinakinitai oni.
6Naarai nakirokor kikalanyaka, kedol apak abu Kristo kotwanik luetumaaka, 7Naarai etiono ituŋanan atwanikin ikadoliton, konye diat eluŋakin ituŋanan aŋirikin atwanikin yenejok. 8#Yok 3:16; 1 Yok 4:10. Konye iturit Edeke akemin mamawok, naarai nakirokor kirai ikadiakanarak abu Kristo kotwanik oni. 9#Rom 1:18; 2:5,8. Aso aitelekarit noi kiidau kwana aitojokio kotoma akeokot, kitajario da kanukeŋ alemunio kama ejai anyunyura. 10#Rom 8:7. Naarai arai nakiraar kolo lukasurup kitupucitoi kEdeke kanuka atwanare naka Okokuke, aitelekarit noi kiidau aitupucio, kitajario kotoma aijarake. 11Kwabo mere ŋun bon, konye kiwoloboboi da kotoma Edeke, kanuka Ejakaitiwok Yesu Kristo, lokidumunia kwana aitupuciowok.
12 #
Age 3:6; 2:17; 3:19; Rom 6:23. Kanuka ŋun kwape kelomunia adiakanar akwapin kanuka etuŋanan ediopet, kolom da atwanare kanuka adiakar, kwaŋin kodolok atwanare otuŋa kere, naarai apotu kere kodiakasi— 13#Rom 4:15. naarai ajai adiakar toma akwap aliŋakin ikisila, konye mam emaritai adiakar naemameatar ikisila, 14#1 Kor 15:21,22,45,55. Konye erumit atwanare ameun ka Adam kiton Musa, erumit da ŋesi lumam apotu kodiakasi kopone loka apaar naka Adam, loerai aput naka ŋol kaloebunit.
15Konye ainakinet mam eputos kaibucaret. Naarai arai apotu luipu kotwaka kanuka aibucaret naka ediopet, aitelekarit noi epoloor asianut naka Edeke ka ainakinet naejai toma asianut naka etuŋanan ediopet Yesu Kristo, kanuka luipu. 16Ido ainakinet mam eputos kanaayau loadiakaa. Naarai etube loabu kobu kanuka ediopetuŋanan abu koyau atubokinio, konye ainakinet naabu kobu kanuka aibucanareta nuipu ayau aitojokio. 17Aso, arai kanuka aibucar naka ediopetuŋanan abu atwanare kirum kanuka etuŋanan ŋol, aitelekarit noi ŋul luedumunete aipadara naka asianut ka ainakinet naka adolit irumete toma aijar kanuka etuŋanan ŋol ediopet, Yesu Kristo.
18 #
1 Kor 15:22. Aso ca kwape iriaria aibucaret adiopet ituŋa kere atubokinio, kwape kwaŋin iriaria aswamisioit adiopet nakadolit ituŋa kere aitojokio ka aiiar da. 19#Isa 53:11. Naarai kwape keraunotor luipu ikadiakanarak kanuka epali loka ediopetuŋanan, kwape kwaŋin itaraunio luipu ikadolitok kanuka arima naka etuŋanan ediopet, 20#Rom 4:15; 7:8; Gal 3:19. Apotu ikisila kolomut tetere iyatanakin aibucar; konye nekiyatakinor adiakar, abu asianut kodepa noi noi, 21#Rom 6:23. tetere kwape erumitor adiakar kotoma atwanare, kwape kwaŋin irumi asianut kanuka adolit kiton aijar naka ikar kere kanuka Yesu Kristo Ejakaitiwok.
Currently Selected:
Iromayon 5: AOV1961
Highlight
Share
Compare
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
