Ipilipin 2
2
1Aso arai ejai aitalakar kotoma Kristo, arai aiyamakina naka amin, arai eidicane loka Emoyo, arai aisioni ka aitim, 2kitodolete akaiyalama, tetere iwomitos adiopekirot, ijaas kamin adiopet, luka emoyo ediopet, iwomitos nepepe. 3#Gal 5:26; Rom 12:10. Sirikiswamata akirot kere kanuka aŋolopa, karaida eitur atai, dimarai kaitasono ŋinituŋanan kitopoloorite aupake, itia ŋes ilopet. 4#1 Kor 10:24,33. Kinyek ŋinituŋanan asesen nuke bon, konye nuka luce da. 5Koomitos yesi kotomakus, kwape aomitor Kristo Yesu, 6#Yok 1:1,2; 17:5; Age 1:27; 3:5. lokejai einono loka Edeke, komam imarakina arianakin ka Edeke araun ibore yenimariauna, 7#Isa 53:3; 2 Kor 8:9; Bur 2:14,17. konye kitisilikin, koyaŋaa einono loka ebulesit, kouriai toma aput naka etuŋanan. 8#Bur 12:2; 5:8; Yok 10:17. Abu kotakan ejaas kasubunet bala naka etuŋanan, kitasonikin, korima kiton atwanare, atwanare da naka emusalaba. 9#Asw 2:33; Pes 1:21; Bur 1:3,4. Ŋes etopolooria noi Edeke ŋes, koinak ŋes ekiror ŋol loitelekarit ikiroria kere, 10#Isa 45:23; Yok 5:23; Apu 5:13. tetere ekukonokini ŋinikuŋ ekiror loka Yesu, nuka akuj, ka nuka akwap, ka nukokwap kakwap da; 11ido kolimonori ŋiniŋajep ebe Yesu Kristo ŋes Ejakait, kitopolooritete Edeke Papa.
12 #
1 Pet 1:17; Sab 2:11. Aso, luminanaka, kwape ipotu korimanariata apaarasia kere, mere naajaar eoŋ bon, konye aitelekarit noi kwana naamamea eoŋ, kitodolenenete aitajariokus, kayoŋite ka amaran da, 13#Yok 15:5; 2 Kor 3:5; 1 Ses 2:13. naarai Edeke ŋes iswamai kotomakus, ainakin yes akot ka aswam da nuitoiokit ŋesi. 14#1 Pet 4:9. Kiswamaenenete kere komamei aŋurian ka epeget, 15#Ikis 32:5; Mat 5:14; 10:16; Pil 1:10; Pes 5:8; Ikis 32:5; Asw 2:40. tetere iraas idwe luka Edeke luemamei aitoronet, luiyapaara, luemamei akemer kokidiŋ katur kanamagul, ka naepaarit, naitakaniata bala aica kotoma akwapin, 16#1 Ses 2:19; Gal 2:2; Isa 49:4; 65:23. itodiarete akirot naka aijar, kasodi aolobob kapaaran naka Kristo, ebe mam abu kaker atai, karaida aitaaritoi atai, 17#Rom 15:16; 2 Tim 4:6. Konye karaida kaabukokinio asubanit ka aijaanakin naka aiyuunikus, eyalama, ido eyalama nepepe kayes kere. 18#Pil 3:1; 4:4. Kiyalamas yesi da kwaŋin, kiyalamikinos da nepepe keoŋ.
19Konye amuno kotoma Ejakait Yesu aijukakin yes atipet Timoteo, kasodi atitiŋior kadau ajenun akirokus. 20#1 Kor 16:10. Naarai emamei eoŋ icetuŋanan yeneriakasi kaŋes, loepodo noi ejautenekus. 21#2 Tim 4:10,16; Gal 4:17. Naarai ŋul kere emootos nukec bonik, kwabo mere nuka Yesu Kristo. 22Konye ijenete akeiturio, ebe kwape ikoku kapapake abu kijaanakini Akiro Nukajokak nepepe keoŋ, 23Aso amuno aijukun ŋes atipet kadau ber aanyun nukadoikinete; 24#Pil 1:25. konye amuno kotoma Ejakait ebe eoŋ da abuni atipet.
25 #
Pil 4:18. Konye abu kaomit ebe kebusakinit aijukakin yes Epapurodito onaceka, loiswamai ka ejie da nepepe keoŋ, konye ŋes ekiyakiakus, ekejaanakinan da loka eipudika. 26Naarai abu kimuite yes kere, kokadakinite noi, naarai ipotu kiirasi ebe edek. 27Naarai abu kodekakin noi nepetai atwanare, Konye abu Edeke kitim ŋes, kwabo mere ŋes bon, konye eoŋ da, kinyek aiturur aiyatakin toma aitururuka. 28Ŋes akokakinia noi aijukun ŋes, tetere naianyuniata ŋes bobo, kiyalamikinos, eoŋ da iŋoŋar akaiturur. 29#1 Kor 16:16; 1 Tim 5:17. Aso kisukunyikisi ŋes kotoma Ejakait, kaiyalama kere; ido kitubusikis luikote kwaka ŋol, 30naarai aapiarit nepetai atwanare kanuka aswam naka Kristo, abu koluŋak akeijar tetere itodolikini nuemameete kotoma aijaanakinikus kamakaŋ.
Currently Selected:
Ipilipin 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.