Marako 16
16
1 #
Mat 28:1-8; Luk 24:1-12; Yok 20:1-10. Kosodi ketubor nakasabato, kogwelut Mariam Magadalene, ka Mariam toto naka Yakob, ka Salome, lueuru maa, tetere elosete ainyonyoanakin ŋes. 2Kosodi tupuruc sek kapaaran nasodit nakasabato, koloto ates napeŋiuni akoloŋ, 3Kineranakinos bonik ka bonik ebe, “Iŋai bo kikokorikini oni amoru alemar kokek loka ates?” 4Nakiteluoroto, koanyutu amoru ikokorioritai awai; naarai apol noi. 5Kolomasi ates, koanyutu etelepat iboie kowai lokoteten, enapit anapito nailiacanit; koumokis. 6Kotema kes atiar, “Sirikiwumokis; imoete yesi Yesu Enasarayot lokibubukinitoi: ajaru; emamei kane; koanyutu aibois kama kibwaikinitai ŋes! 7#Mat 26:32; Mk 14:28. Konye koloto, kolimokis ikekesisiak ka Petero da ebe, Kiŋarenikini ŋesi yes alosit Galilaya; ianyikinete ŋes ŋina, kwape kilimokinitor yes.” 8Kolomutu kiŋa, kokerata anyoun kates; naarai apotu komaranata, ka aumokin: mam elimokina imodiotuŋanan akirot; naarai akuriaka.
[ 9#Luk 8:2; Yok 20:11-18. Nakedaunia ajarun tupuruc apaaran nasodit nakasabato, kisiau aitakanikin Mariam Magadalene, nakolo kireŋeari ŋesi ajokin akanykaarei. 10Kolot ŋin kolimok lukejaenenas kaŋes, nakibworotor komonyete. 11Kes da nakiirariata ebe ejari, aanyu ŋesi, mam apotu kiyuut.
12 #
Luk 24:13-35. Akaulo kaŋun, kitakanik ituŋa iarei kakesi kopone loegelara, napelosete okialo, 13Koboŋosi kolimokis luce; mam apotu kiyuut ŋul da.
14 #
Luk 24:36-49; Yok 20:19-23. Kokau kitakanikin lutomon ka lodiopet iboiete enyamete; kitoron kanumam iyuuniata ka aninik naka ikecetauon, naarai mam apotu kiyuut ŋul lukeanyunete ŋes kedau ajarun okatwak. 15#Asw 1:8; Mat 28:18-20. Kotema kes atiar, “Koloto yesi akwapisinei kere, kolimonokis ŋinisubat kere Akiro Nukajokak. 16#Asw 2:38. Yeniyuuni kibatisai, itajario; konye yenimam iyuuni itelekarete akiro. 17#Asw 16:18; 2:4,11; 10:46. Etupanakinete aanyuneta nu ŋul luiyuunete; kokirorika ireŋeanarete ajokin: inerenenas aŋaiepa nukitetiak; 18#Luk 10:19; Asw 28:3-6; Yak 5:14,15. ikamununete imunwo, karaida kemata ibore yenikaaran, mam isiriebi kes cut; idokonokinete lukadekak akecekanin, eŋaleunete.”
19 #
Asw 1:9-11; Luk 24:50-53; 1 Tim 3:16; Sab 110:1; Asw 7:55; 2 Ika 2:11. Kosodi Ejakait Yesu kedau einer kakes, koyaŋaarai toma akuj; kiboikin akan nakoteten naka Edeke. 20#Bur 2:4. Konyoutu kwi, kolimonokis kotoma aiboisio kere, kiswamai Ejakait nepepe kakes, kitogogoŋ akirot kanuka aanyuneta nuketupanakinete. Amen.]
Currently Selected:
Marako 16: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.