Matayo 9
9
1 #
Mk 2:1-12; Luk 5:17-26. Kodoka Yesu ataker, kikwaŋar, kodol ore lokobukec. #Mat 4:13. 2Ido koany, koinut ŋes etuŋanan lokasenyan, eperi koitada: nakeanyunia Yesu akeceiyuun, kotema lokasenyan atiar, “Okoku, kotitiŋior; esionii akonidiakanareta.” 3#Mk 2:7. Ido koany, kotemasi ice kokewadikak kotauonokec atiar, “Einyanakini lo Edeke.” 4#Mat 12:25; Yok 2:25. Konye kojen Yesu aomisio nukotauonokec, kotema atiar, “Kanukinyo iwomitotor nukaronok kotauonokus? 5Ani bo naepatana, atemar atiar, Esionii akonidiakanareta, arai bo atemar ebe, Konyou, kolot? 6Konye tetere ijenunete ebe ejai Okoku loka etuŋanan apedor kakwap aisioni adiakanareta” kosodi kotema ŋesi lokasenyan atiar, “Konyou, kibwok ekoniitada, kolot orekon.” 7Konyou ŋesi, kolot oreke. 8Konye nakeanyuniata ikodeta, kokuriakaros, kitopoloosi Edeke, lokeinakini ituŋa apedor naikoni na.
9 #
Mk 2:13-17; Luk 5:27-32. Nakitoritor Yesu kanen, koany etuŋanan iboie kaitelemis esolo, ekekiror Matayo; kotema ŋes atiar, “Kotupunai.” Konyou, kotupa ŋes.
10 #
Luk 15:1-2. Kosodi kanen, nakiboikin togo ainyam, koany, kopotu luketelemak esolo ka ikadiakanarak luipu kiboikinos nepepe ka Yesu ka ikekesisiak. 11Nakeanyuniata Iparisayon, kotemasi ikekesisiak atiar, “Kanukinyo emoriata Ekusikesisianakinan ka iketelemak esolo ka ikadiakanarak da?” 12Konye nakepupunio Yesu, kotema atiar, “Lukaŋaleok mam ipudasi emurwon, dimarai lukadekak. 13#Mat 12:7; Kos 6:6; 1 Sam 15:22; 18:11. Konye koloto yesi kisisiata apolou naka akiro nu ebe, ‘Akoto aitim, kwabo mere asuban.’ Naarai mam abunit anyarit ikadolitok, dimarai ikadiakanarak.”
14 #
Mk 2:18-22; Luk 5:33-38. Kosodete kopotu ikesisiak luka Yokana mama ejai, kobalas ebe, “Kanukinyo kilunia isio ka Iparisayon, konye ikonikesisiak mam eluŋete?” #Luk 18:12. 15#Yok 3:29. Kotema Yesu kes atiar, “Epedorete kereka luenyaritai oiterane aibworo, naeiaarar ka eteran? Konye eponito apaarasia nuedemarere eteran, eluŋete do, 16#Yok 1:17. Emamei ituŋanan yenedonyokini acana naka egoe lokitetet toma ananito namojoŋ; naarai acana naibwaikinio ecili anapito, iyatakini do acilat. 17Kwabo mam ituŋa ibwaikinete ebino lokitetet toma oriagin lumojoŋ luka emukule; arai kibwaikis, enedasi iriagin, ebukor ebino, emunaaros iriagin; dimarai ibwaikinete ituŋa ebino lokitetet oriagin lukitetiak, tetere ikuniaete kere.”
18 #
Mk 5:22-43; Luk 8:41-56. Napelimokini ikesisiak luka Yokana ŋun, koany, kobu ekayaiton, kokukokin kotema atiar, “Adaun akokuka kwape kwana; konye bia ma kidokok ŋes akonikan, ejari do.” 19Konyou Yesu kotupa ŋes, nepepe kikekesisiak. 20Ido koany, kobu aberu kokauke, nakedeka alel naka aokot ikar itomon ka luarei, kotiro atwele naka anapitoke; 21#Mat 14:36. naarai kotema kotauke atiar, “Arai katiro anapitoke bon, aŋaleuni.” 22Kibelokin Yesu, koany ŋes, kotema atiar, “Kotitiŋior akokuka; kitaŋaleu jo akoniiyuun.” Koŋaleu aberu ameun kosawa kaŋol, 23Nakedolio Yesu ore loka ekayairon, koany luekusere alamarun, ka ekodet eborianete, 24#Yok 11:11,14,25. kotema atiar, “Kolomasi kiŋa; naarai mam etwanit ipese konye eiotoi.” Kokienatar ŋes. 25Konye kedau aitolomar ekodet, kooma toma, kitiŋ akan naka ipese, konyou ŋin.
26Kilosikinos akiro ŋun akwap ŋin kere;
27Nakitorio Yesu kanen, kotupasi imudukiok iarei, kiworoto kotemasi atiar, “Okoku loka Daudi, kitimoi sio.” 28Keloma ŋes itogo, kopotu imudukiok mama ejai; kotema kes Yesu atiar, “Iyuunitos ebe apedori eoŋ aswam na?” Kotemasi atiar, “Eebo, Ejakait.” 29#Mat 8:13. Kosodi kotiro akonyenekec kobala ebe, “Kwape ejaar akusiiyuun kiswamakin yes kwaŋin.” 30#Mat 8:4. Kokwenyutu akecekonyen. Kicoro Yesu kes noi ebe, “Kocoito, kinyek imodiotuŋanan ajenun.” 31Konye konyoutu kesi, kisiarakis ekeemut akwap ŋin kere.
32Napenyounete kwi, koany, koinunai ebaŋ loajai ajokit. 33Kireŋear ajokit kiner lobaŋ; koumokis ikodeta, kobalas ebe, “Mam lem etakanunitos nuikote nen kotoma Isirael.” 34#Mat 10:25; 12:24; Mk 3:22; Luk 11:15. Konye kobalas Iparisayon ebe, “Ireŋeari ŋesi ajokin kanuka lokapolon loka ajokin.”
35 #
Mat 4:23; Mk 1:39; Luk 4:44. Kimaniman Yesu ireria kere, kokialon da, isisianakini katukosiakec ka alimonokin Akiro Nukajokak nuka ajakanut, ka aitaŋaleunun ŋolipone kere loka adek ka akalanyanut da, 36#Mar 27:17; 1 Ika 22:17; 2 Siit 18:16; Esk 34:5; Mk 6:34; Mat 14:14. Keanyu ikodeta, kitim kes, naarai kilworuna ka aisiarakina, bala amerekekin nuemamei ekecokon. 37#Luk 10:2. Kosodi kotema ikekesisiak atiar, “Ipu idwenyan, konye ikidioko ikeswamak; 38aso kilipa Ejakait loka aidweny kijuk ikeswamak toma aidwenyeke.”
Currently Selected:
Matayo 9: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.