Yosua 17

1 # Age 41:51; 48:18; 50:23; Ikis 3:15. Lo ŋes eroet loabeit ateker naka Manase; naarai ŋes arai ekiyai loka Yosep. Naarai arai Makir ekiyai loka Manase, papa loka Gilead, etuŋanan lokajiot, ŋes akorakinere Gilead ka Basan, 2#Mar 26:29-32; 1 Siit 7:18. Abeit eroet idwe kere luka Manase luedeuna kwape ajaatar ikekiakec; idwe luka Abieser, ka idwe luka Kelek, ka idwe luka Asuriel, ka idwe luka Sekem, ka idwc luka Keper, ka idwe luka Semida: nul kes idwe lukiliok luka Manase okoku loka Yosep kwape ajaatar ikekiakec.

3 # Mar 26:33; 27:1; 36:2. Konye Selopekad, okoku loka Keper, okoku loka Gilead, okoku loka Makir, okoku loka Manasc, amameete idwe lusap, dimarai apesur: lu kes ikiroria luka adweke, Mala, ka Noa, ka Kogila, ka Milika, ka Tirusa. 4#Mar 27:1-7; Yos 14:1. Apotu kesi kikunyut akonyen nuka Eleasar esasedoti, akonyen nuka Yosua okoku loka Nun, akonyen da nuka ikapolok, kotemasi atiar, “Abu EJAKAIT kicorak Musa akorakin sio airumet kama cjaas iinacanakosi:” kanuka ŋun abu kokorak kes airumet kama ejaas iinaean luka papakee kwape ajaar aicorakinet naka EJAKAIT. 5Kobeata Manase aturubeta atomon, kogelara akwap naka Gilead ka Basan, naejai okekwa loka Yorodan; 6#Mar 26:29; 32:39,41. Naarai adumunito adwe nuka Manase airumet kama ejaas odweke: akwap da naka Gilead arai naka odwe luka Manase kere luedeuna.

7Ageunit eikor loka Manase koAser kiton Mikimetat, loitei Sekem; kitor eikor akan nakoteten, kiton neajaas lueboiete koEn-tapua. 8#Yos 12:17; 15:34. Korai akwap naka Tapua naka Manase: konye Tapua loejai oikor laka Manase korai loka idwe luka Epuraim, 9#Yos 16:8,9. Kiiesar eikor kiton aguurut naka Kana, ari naka eŋalakimak naka aguurut: araas ireria lu luka Epuraim koreria luka Manase: ajai eikor loka Manase ari naka agolitomei naka aguurut, kosan aŋolol: 10Kari naka eŋalakimak korau naka Epuraim, kari da naka agolitomei korai naka Manase, aŋolol ŋes arai eikorukee; kodolokis Aser kari naka agolitomei, ka Isakar kari nakokide. 11#Yos 16:9; 1 Siit 7:29; 1 Sam 31:10; 1 Ika 4:12. Adumunit Manase kotoma Isakar ka Aser Bet-sean ka ireriake, Ibileam ka ireriake, ka Iueboiete koDor ka ireriake, ka lueboiete koEn-dor ka ireriake, ka lueboiete koTaanak ka ireriake, ka lueboiete koMegido ka ireriake, kes amukuran auni, 12#Tub 1:27-28; Any 23:29-33; Mar 33:52. Konye mam idwe luka Manase apotu kopedosi aireŋear lueboiete koreria kanul; konye kiketakinos Ikanaanin aiboi kakwap kaŋin, 13#Yos 16:10. Kosodi kanen, kegogonioto idwe luka Isirael, apotu kitaraut Ikanaanin ikeswamak lukailolitoi, komam irenearere kes cut.

14 # Yos 16:4; Age 48:22; 48:19; Mar 26:34,37. Kotemasi idwe luka Yosep Yosua atiar, “Kanukinyo kitebea ijo eoŋ eroet ediopet, ka atutubet adiopet araun airumeteka, kwabo kirai isio ituŋa luipu, naarai kisireren EJAKAIT sio kiton lolo?” 15Kotema Yosua kes atiar, “Arai iraasi yesi ituŋa luipu, koloto yesi amagoro, kojeput yesi kanen akwap naka Iperisin, ka Irepaim; naarai kididinikinit yes akwap nakiukon naka Epuraim.” 16#Tub 1:19; 4:3; Yos 19:18; Tub 6:33; 1 Ika 4:12; 18:46. Kotemasi idwe luka Yosep atiar, “Kikadit isio akwap nakiukon: Ikanaanin da kere luibojete kakwap naka aditot ejaas agalin nuka asua, ijul luejaas Bet-sean ka ireriake, ka nul da luejaas aditot naka Yesereel.” 17Kotema Yosua ekal loka Yosep, ŋes Epuraim ka Manase atiar, “Iraasi yesi ituŋa luipu, epol da agogoŋ: mam kitebeo edioperoet bon: 18#Ikis 20:1; Yos 11:4-6; 13:6; Rom 8:31; Bur 13:6. Konye do eraun akwap nakiukon nakus; karaida kerai amagoro, iiepunete yesi ŋes, eraunos da awaitinike nukus: naarai irenearete yesi Ikanaanin, karaida kejaas kes agalin nuka asua, karaida kegogon kesi.”

Currently Selected:

Yosua 17: AOV1961

Highlight

Copy

Compare