Yosua 14

1 # Mar 34:17. Nu kes airumeta nuerumete idwe luka Isirael kakwap naka Kanaan, nuakorokoroete Eleasar esasedoti, ka Yosua okoku loka Nun, ka ikapolok luka ikalia luka lukapapaakee luka atekerin nuka idwe luka Isirael, 2#Mar 26:52-56; 33:54; 34:13; Sab 16:5; Awa 16:33; 18:18. Kwape ajaar ailamilam eroet kanuka airumetakee, kwape ecorakinitor EJAKAIT kama ka Musa, kanuka atekerin akanykaouon, ka atutubet naka ateker. 3#Mar 32:33; 34:14-15; Ikis 3:12-17; Yos 13:8. Naarai abu Musa koinak atekerin aarei ka atutubet naka ateker airumet kokekwa loka Yorodan: konye mam abu koinak Ilebin airumet kotomakec. 4#Age 48:5; 1 Siit 5:1,2. Naarai araas idwe luka Yosep atekerin aarei, Manase ka Epuraim: mam apotu koinakis Ilebin akorakinet kakwap dimarai ireria luiboioto, ka ironyiakec kanuka ibarenekec ka iborokec. 5#Mar 35:2; Yos 21:2; Esk 45:1-8; 48:8,22. Kwape ecorakinitor EJAKAIT Musa, kiswamata idwe luka Isirael kwaŋin, kokorokorata akwap,

6 # Mar 14:24,30; 32:8,12; 13:26; Yos 15:17; Ikis 1:19,36. Kosodete idwe luka Yuda aikunyakin mama ajai Yosua Giligal: kotema Kaleb okoku loka Yepune Ekenisit ŋes atiar, “Ŋeni ijo akirot naabu EJAKAIT kolimok Musa etuŋanan loka Edeke nakalimitor eoŋ ka jo koKades-barunea. 7#Mar 13:1-30. Kolo arai eoŋ loka ikar akaisaoŋon nakejukaria Musa ekejaanakinan loka EJAKAIT eoŋ anyoun koKades-barunea airot akwap; kasodi ainun ŋes akirot kwape ajaar otauka. 8#Mar 14:24; Ikis 1:36; Apu 14:4. Konye apotu ikainaean lukiupara keoŋ kipirisiasi itauon luka ituŋa; kouye abu eoŋ katup eut EJAKAIT Ekadeke. 9#Mar 14:24; 13:22; Yos 1:3. Kiyapoik Musa kapaaran kaŋin ebe, ‘Abeit akwap naecak akonikeju eraun airumetekon ka naka idwekon ikar kere, naarai itup eut EJAKAIT Ekadeke.’ 10#Mar 14:30; Ikis 31:2; Sab 90:10. Ido koany, ketubut EJAKAIT eoŋ, kwape abu kolimunio, ikar lu akaisaoŋon ka lukany, ameun kapak naalimokinia EJAKAIT Musa akirot nin, kirim Isirael kamodiŋ: aso koany, arai lolo eoŋ loka ikar akaisakanykauni ka lukany. 11#Ikis 34:7; 31:2. Konye aroko lolo agogoŋ kwape ajaar akagogoŋ kapak kaya, ejai akagogoŋ kwape kwaŋin kwana, kanuka ejie, alomar ka alomun da. 12#Mar 21:34; 1 Sam 14:6; 2 Siit 14:11,12; Sab 18:32; 44:3; Rom 8:31; Pil 4:13; Yos 15:14; Tub 1:10. Aso do koinakinai eoŋ eronat lo, loenerar EJAKAIT kapaaran kaya; naarai ibu kopup kapaaran kaya ebe ajaas luka Anakim nina, ka ireria lukapolok luabwaitai; arai ejaun EJAKAIT keoŋ, ereŋeari kes, kwape abu EJAKAIT kolimunio.”

13 # Tub 1:20; Age 47:7-10; Yos 22:6; 10:37; 21:11; 1 Siit 6:55. Kilipak Yosua ŋes arereŋ; koinak Kaleb okoku loka Yepune Keburon araun airumet. 14Koraun do Keburon airumet naka Kaleb okoku loka Yepune Ekenisit, kiton lolo; naarai abu kotup eut EJAKAIT, Edeke loka Isirael, 15#Age 23:2; Yos 15:13; 11:23. Arai sek ekiror loka Keburon Kiriat-araba; Araba ŋol arai lokapolon kama ejaas luka Anakim. Kiyenu akwap ejie.

Currently Selected:

Yosua 14: AOV1961

Highlight

Copy

Compare