Yoel 3
3
1“Naarai, koany, kapaarasia kakwa, kapak kaya da, naenyakunia luejoreoritai luka Yuda ka Yerusalem, 2#Sek 14:2; 2 Siit 20:26; Isa 66:16. atukonokini atekerin kere, ayauni kes aditot naka Yekosapat; apurokini kakes kanuka ikatuŋa ka akairumet Isirael, luapotu kesi kisiarakis katekerin, ka akorokor da akakwap. 3#Oba 1:11. Apotu kilamilamata eroet kanuka ikatuŋa: ainakis esapat itia naadote, agwelasi apese itia ajon, tetere kes emasete.
4 #
Ikis 32:35; Luk 18:7; Yak 2:13; Isa 14:29-31; 23:1-18; Yer 47:1-7; Esk 25:15–28:26; Amo 1:6-10; Sep 2:4-7; Sek 9:1-7; Mat 11:21-22; Luk 10:13-14. “Eebo, inyoika kereka yesi kaneajai eoŋ? Ŋo Turo, ka Sidon, ka akwapin kere nuka Pilisitia? Kitacakinete kereka eoŋ eropit? Ido arai kitaeakinete eoŋ, kesunyak eoŋ ainyakakin atipet akwesikus nuipotu kiswamata, 5Naarai ipotu koyanaasi epuesaka, ka esabuka, kodakasi iboroka luejok luisiyalamikinito abilaikus. 6Ipotu kogwelasi da idwe luka Yuda ka idwe luka Yerusalem mama ejaas Iyonanin, tetere eyaŋaarete kes kama elwana koikorunokec. 7Koany, esidiki kes aitonyoun kaibois naipotu kogwelas kes, enyakakini nuipotu kiswamata akwesikus, 8#Esk 23:42. Agwelari ikusidwe lusap ka lupesur akanin nuka idwe luka Yuda, kes da egwelarete kes mama ejaas ituŋa luka Seba, ateker naelwana: naarai ener EJAKAIT.”
9Kolimonokis ŋun katekerin;
Kokapakinos ejie;
Kisidikis ituŋa lukirigin;
Kikunyutu ikajiok kere, kopotu.
10 #
Sek 12:8; Isa 2:4; Mik 4:3. Kotatata imelekesikus aituluor ikileŋa,
Ka ieilikikinikus lukidimet aituluor akwaras:
Kolimok loenonok ebe, “Agogoŋ eoŋ.”
11Kisunyito yesi, kopotu,
Yes atekerin kere nuirimorito, Kotukonokinos:
Kitodok ikagogoŋokokon, wu EJAKAIT.
12 #
2 Siit 20:26; Sab 96:13. Konyout atekerin,
Kopotu aditot naka Yekosapat;
Naarai eboikin kanen
Atubokin atekerin kere nuirimorito.
13 #
Yer 51:33; Apu 14:14-16,19-20; 19:15. Kodumutu ecilikiki, naarai akono aidweny:
Kopotu kipudapudata, naarai ileleba aicues.
Ilapanaros akaalakanya,
Naarai epol aronisikec.
14Ikodeta, ikodeta, kotoma aditot naka etube!
Naarai eapiei apaaran naka EJAKAIT,
Kaditot naka etube.
15Amutonor akoloŋ ka elap,
Enyakasi da aacer aicakec.
16 #
Amo 1:2. Egatuni EJAJCAIT koSion,
Elimuni ekeporoto koYerusalem;
Ŋaniiaŋun akuj ka akwap,
Konye eraun EJAKAIT aŋopis naka ituŋake,
Ka abwas da mama ejaas idwe luka Isirael.
17 #
Isa 35:8; Nak 1:15; Apu 21:27. “Kwaŋin iienunete yesi ebe arai eoŋ EJAKAIT Ekusideke,
Loeboie koSion emoruka lokalaunan.
Kosodi Yerusalem araun Iokalaunan,
Mam bobo imo itorete tomake.
18 #
Esk 47:1; Sek 13:1; Apu 22:1. “Kosodi kanen kapaaran kaya,
Idonete ironan ebino loewiny,
Eleleete iukon akile,
Eleleete da aguuruto kere nuka Yuda akipi;
Elomuni atan kotogo loka EJAKAIT,
Naisinauni aditot naka Sitim.
19“Esilior Misiri,
Eraun Edom da amodiŋ naesil,
Kanuka nukadeden nueswamakinitai idwe luka Yuda,
Naarai abukosi aokot numam aronis kakwapukec.
20Konye ibojenenei Yuda ikar kere,
Ka Yerusalem da kiton aturio kere.
21Etesegi eoŋ aokotokee numam etesegaarir,
Naarai iboie EJAKAIT ko Sion.”
Currently Selected:
Yoel 3: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.