Yokana 13
13
1 #
Yok 7:30; 8:20; 15:13; Gal 2:20; 1 Yok 3:16. Kosodi eriŋa edolo epucit loka Aleleŋ, kejeni Yesu ebe adolu ekesawa loenyounio kakwapin kanu alosit mama ejai Papa, kemina ŋesi iketuŋa lukejaas akwapin, komina kes aitodol awasia, 2#Luk 22:3. Napenyamete lukatiboŋ, kodaunite Satan aibwaikin Yuda Isikariot, okoku loka Simon, etau lokabilakin ebotet, 3#Yok 3:35; 16:28; 17:2. kejeni Yesu ebe ainaki Papa akiro kere akaninike, ebe da alomu kama ejai Edeke, elosi da mama ejai Edeke, 4#Mat 11:29; 20:28; Luk 12:37. konyou konyamat, kolaca ikenapen; kolem aninaet, koenik aŋabeteke. 5Kosodi kobukok akipi atuba, kogeu ailot ikekesisiak akeje, ka anina kes kaninaet nakenapit. 6#1 Pet 5:3. Kodolok do Simon Petero. Kotema Petero ŋes atiar, “Ejakait, ilosi ijo akakeje?” 7Koboŋok Yesu kotema ŋes atiar, “Nueswamai eoŋ mam ijeni kwana, konye ijenuni kokau.” 8#Yok 13:12. Kotema Petero atiar, “Mam jo ilosi akakeje cut kiton ikar kere.” Koboŋok Yesu ebe, “Arai mam kelosi jo, mam imorikikina keoŋ.” 9Kotema Simon Petero ŋes atiar, “Ejakait, mere akakeje bon, konye akakanin ka akakou da.” 10#Yok 15:3. Kotema Yesu ŋes atiar, “Yenedauni ailoŋ emamei eipud dimarai ailot akeje, konye elai akuan kere: ilaete yesi da, konye mere kere.” 11#Yok 6:64,70,71. Naarai ajeni ŋesi loekoto abilakin ŋes ebotet; ŋes abalar ebe, “Mam ilaete kere.”
12 #
Luk 22:27. Kosodi nakedaunia ailot akejekec, ka alemun ikenapen, ka aiboikin bobo, kotema kes atiar, “Ijenut kereka nukeswamak eoŋ yes? 13#Mat 23:8,10. Kinyarito eoŋ Ekesisianakinan ka Ejakait da; inerasi yesi kotenan, naarai arai eoŋ kwaŋin. 14#Luk 22:27; 1 Tim 5:10. Aso arai eoŋ, Ekusijakait ka Ekusikesisianakinan da, kelot yes akeje, ibusakinit yes da ailot akeje nuka lucekus. 15#Pil 2:5; Kol 3:13; 1 Pet 2:21. Naarai kainak yes aitodikinet, tetere iswamaete yesi da kwape keswamakinia yes. 16#Mat 10:24; Luk 6:40; Yok 15:20. Abeit, abeit, katemari yes atiar, Mam ebulesit itelekarit ejakaitike; karaida ekiyakia aitelekarit lokiyakiari. 17#Mat 7:24; Yak 1:25. Arai kijenutu ŋun, isirereŋitoi yes arai kiswamata, 18#Sab 41:9. Mam enera nukus kere: ajeni luaseunit; konye kodol naiwadikatai ebe, ‘Lokenyami ikanyamat, ŋes ketonyoik aketitibat.’ 19#Yok 14:29. Amear kwana kalimokini eriŋa edoluno, tetere naedolunioto, kiyuut ebe eoŋ ŋopeŋol, 20#Mat 10:40; Mk 9:37; Luk 9:48; 10:16. Abeit, abeit, katemari yes atiar, Yenisukunyikini ŋin yeneyakiari, kesukunyik eoŋ; yenikesukunyikini eoŋ isukunyikinit je lokejukuni.”
21 #
Mat 26:21-25; Mk 14:18-21; Luk 22:21-23. #
Yok 12:27. Kedau Yesu einer ŋun, kokadak kotauke, kitejenu kobala ebe, “Abeit, abeit, katemari yes atiar, ediopet kayesi kabilakini ebotet.” 22Koŋoleanakinos ikesisiak, kobuonokinos iŋai bo ŋol loelimit ŋesi, 23#Yok 19:26; 20:2; 21:7,20. Kejai ediopet kokesisiakake lokegoŋakina atorob naka Yesu, lokemina Yesu. 24Aso kokwet Simon Petero ŋes, kobala ebe, “Kiŋitu cani loelimit ŋesi.” 25Aso egoŋakina ŋesi kwape kwaŋin atorob naka Yesu, kotema atiar, “Ejakait, ŋes bo iŋai?” 26Koboŋok Yesu ebe, “Loecunyakini aodunet kainak, ŋes ŋol.” Kosodi kedau aicunyakin aodunet, kolem koinak Yuda okoku loka Simon Isikariot. 27#Yok 13:2. Kokau kaodokinet, kolomak Satan ŋes, Kosodi kotema Yesu ŋes atiar, “Nuiswamai, kisunyite aswam.” 28Kwabo emamei etuŋanan kalukemorete kaŋes lokejeni akirot nakelimokinia ŋes ŋun. 29#Yok 12:6. Naarai koomitos ice ebe naarai itiŋit Yuda eriagi, abu Yesu kolimok ŋes ebe, “Kogwel lukipuda kanuka epucit,” arai ebe kijaik lukican ibore. 30Kosodi kedau ŋol aijaar aodokinet, atipet koloma: kerai da kuare.
31Kosodi nakedaunia ŋol alomar, kotema Yesu atiar, “Kwana itopolooritai Okoku loka etuŋanan; Edeke da itopolooritai kotomakeŋ, 32#Yok 12:23; 17:1-5. Itopoloori Edeke ŋes kotomakeŋ, itopoloori da atipet. 33#Yok 7:34; 8:21. Yes idwe ludidik, eroko apak naedit ajai nepepe kayes. Kimoete eoŋ; kwape abu kalimokinitor Iyudayan ebe, ‘Nealosi eoŋ, mam yes ipedorete abunore’; kwana da kalimokini yes kwape kwaŋin, 34#Yok 15:12,13,17; Yok 3:23; 2 Yok 1:5; 1 Yok 2:8,10. Kainakini yes aicorakinet nakitetet ebe, Kominanaros; kwape abu kaminar yes, kominanaros yesi da kwape kwaŋin. 35Kanuka ŋun ejenunete ituŋa kere ebe iraas yesi ikakesisiak, arai iminanaros bonik.” 36#Mat 26:33-35; Mk 14:29-31; Luk 22:31-34. Kotema Simon Petero ŋes atiar, “Ejakait, ilosi bo ai?” Koboŋok Yesu ebe, “Nealosi eoŋ, mam kipedori atupun kwana; konye kitupuni kokau.” #Yok 7:34; 21:18,19. 37Kotema Petero ŋes atiar, “Ejakait, kanukinyo mam eoŋ apedoria atupar jo kwana? Ainakini akaijar kanukon.” 38Koboŋok Yesu ebe, “Iinakini kereka ijo akoniijar kanukaŋ? Abeit, abeit, katemari jo atiar, Mam ekokor eruikini, aitodol nakiŋerio eoŋ irwan auni.
Currently Selected:
Yokana 13: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.