Ipeson 6
6
1 #
Kol 3:20. Yes idwe, korimasi ikauriakakus kotoma Ejakait, naarai ibus ŋin.
2 #
Any 20:12; Ikis 5:16. “Koyoŋite papakon ka totokon” ŋes aicorakinet nasodit naejai aisumunet, 3“tetere ijai ejok ido ibusi kakwap.” 4#Kol 3:21; Isa 50:5; Awa 2:2; 3:11; 19:18; Ikis 6:7,20-25; Sab 78:4. Yes da lukapapa, sirikitunyunyuranakis ikusidwe, konye kosaenenete kes kariemiriem ka aituutoor naka Ejakait.
5 #
Kol 3:22-25; Tit 2:9,10; 1 Pet 2:18. Yes ibulesin, korimasi ŋul lueraas ijakakus kwape ejaar akuan, kakurian ka amaran kaipioror naka itauonokus, kwape irimatar Kristo; 6mere bala kaijaanakin nakokuju kwape luitoiokito ituŋa, konye kwape ibulesin luka Kristo iswamaenenete nuekot Edeke kotauon, 7ijaanakinete kaiyalama, bala ijaanakinete Ejakait, kwabo mere ituŋa, 8#2 Kor 5:10. kojenete ebe nuejok nuiswamai ituŋanan, ŋes einakinio bobo kama ejai Ejakait, arai erai ebulesit, arai bo erai loijakakai. 9#Ikis 10:17; Kol 3:25; 4:1; 2 Siit 19:7; Asw 10:34. Yes da ijaka, kiswamanakinete kes kwape kwaŋin, kinyeis aitukurian, naarai ijenete ebe ejai Ejakaitikec ka lokus toma akuj, kwabo emamei atiakit ituŋa kamakeŋ.
10 #
1 Kor 16:13; 1 Yok 2:14. Nukawasia, kojaas kagogoŋ toma Ejakait, kotoma ailerit naka agogoŋuke. 11#Pes 4:14; 2 Kor 10:4. Konapata lujiis kere luka Edeke, tetere ipedorete abwoikin ibotei luka Satana. 12#Pes 2:2; Yok 14:30; Kol 1:13; 1 Pet 5:8,9. Naarai mam kiwuta kaokot ka akuan, dimarai ka ikayaitok, ka lukapolou, ka lueyaito akwap naka amuton kana, ka ajoresio nuka imoyon luka aronis, luejaas toma aiboisio nuka akuj. 13#1 Ika 20:11. Kanuka ŋun kolemutu luiiis kere luka Edeke tetere ipedorete abwoikin kapaaran nakaronis, ido kidau aswam kere, aibwo. 14#Isa 11:5; 59:17; Luk 12:35; 1 Pet 1:13; 1 Ses 5:8. Aso kobwaata, koenito akusiŋabes kabeit, konapito yenikatorob yenika adolit, 15#Isa 52:7; 40:3,9. konapito da amuk nuka akapakina naka Akiro Nukajokak nuka ainapakin; 16#1 Pet 5:9; 1 Yok 5:4. aitelekarit kere, kolemutu ebuku loka aiyuun, loipedoriata aitudeŋ imalia kere luenokete luka lokaronon. 17#Isa 59:17; 11:4; 49:2; 51:16; 1 Ses 5:8; Kos 6:5. Kijautu da akopira naka aitajario, ka ekileŋ loka Emoyo, ŋes akirot naka Edeke. 18#Mat 26:41; Kol 4:2,3. Kilipenenete apakio kere kOmoyo, kailip kere ka aiŋaiŋa. Kanuka ŋun kokwenyenenete kainyikokin kotoma aiŋaiŋaanakin lukalaunak kere, 19#Kol 4:3; 2 Ses 3:1; Asw 4:29. ido kanukaŋ da, tetere kainakinio aoŋaar akaituk einer, aitejenikin katitiŋ aiyeiyea naka Akiro Nukajokak, 20#2 Kor 5:20; Kol 4:4. nuaraar ekiyakia kotoma orikoi; tetere enera katitiŋ kotoma kaŋun, kwape kebusakinitor einer.
21 #
Asw 20:4; 2 Tim 4:12; Kol 4:7. Konye tetere ijenunete kwape ajaar eoŋ, ka nueswamai, ebuni Tukiko onac lominat, ekejaanakinan da lomunot kotoma Ejakait aitejenikin yes akiro kere. #Kol 4:7-8. 22#Kol 4:7,8. Ejuk ŋes mamakus kanuka ŋun, tetere iienunete kwape kijaar, ŋes da italakari itauonokus.
23Kojai ainapakin mama ejaas iinacan, ka amin, nepepe kaiyuun, nuepote kama ejai Edeke Papa, ka Ejakait Yesu Kristo. 24#1 Pet 1:8. Kojai asianut mama ejaas ŋul kere lueminasi Ejakaitiwok Yesu Kristo kamina namam iŋoŋar.
Currently Selected:
Ipeson 6: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.