Amos 9
9
1Abu kaany EJAKAIT ebwoi eiduny ketem: kotema ŋesi atiar,
“Kinom acuneta, tetere ilokulokunos apeteta:
Kobilibil kes kakwesikee kere; Aari yenegoli kakesi kekilen; Emameun idiokakesi yenekeri, Emameun da idiokakesi yenekui.
2 #
Sab 139:8; Yob 20:6; Oba 1:4. “Karaida ebokete adolor Okatwak,
Elemuni akakan kes kaŋina;
Karaida edokarete kiton akuj,
Etodokuni kes kaŋina da.
3 #
Yer 23:24. Karaida eŋopete kaidi naka Karumel,
Amoi alemun kes kaŋina da;
Karaida ibwaio kes kakonyeneka kwap toma aŋolol,
Ecorakini emun kaŋina, ekonyi kes,
4 #
Ikis 28:65; Leb 17:10. Karaida ijoreorio kakonyen nuka lukasurupokee,
Ecorakini ekileŋ kaŋina, eari kes;
Aseseni kes kakakonye ayaun aronis kwabo mere aiokis.”
5 #
Mik 1:4. Naarai EJAKAIT, Edeke loka aioresio,
Ŋes ŋol loetirori akwap ecalari,
Ibworosi ŋul kere luibojete kocoma;
Enyouni cut kwape Ecor;
Eboŋori bobo, kwape Ecor loko Misiri.
6Ŋes ŋol loedukokini agolaike akuj,
Etieat apetetake kakwap;
Ŋol loenyarauni akipi nuka aŋolol,
Ebukokini kes akwap,
EJAKAIT ŋes ekekiror.
7 #
Ikis 2:23; Yer 47:4; Amo 1:5. Ebala EJAKAIT ebe,
“Yes idwe luka Isirael,
Mam iraas kamakaŋ kwape Itiopian?
Mam kereka ketolomuni Isirael kakwap nako Misiri,
Ka Ipilisitian anyoun koKaputor,
Ka Isurian da koKir?
8 #
Sab 11:4; Yer 30:11. Koany, esesenete akonye nuka Ejakait EDEKE ajakanut
naerono,
Amudiari eoŋ ŋes kakwap. Konye ebala EJAKAIT ebe,
Dimarai mam amudiari eut ekek loka Yakob.”
9“Naarai koany, eeorakini,
Ido ekekei ekek loka Isirael kotoma atekerin kere, Kwape ekekeia akima kotoma aikekeet,
Konye mam idiokimait edoi kwap.
10Etwakete ikadiakanarak kere luka ikatuŋa kekilen,
Luebalas ebe, ‘Mam aronis kidolikini, karaida airiamakin kaoni.’
11 #
Asw 15:16-18. “Kapaaran kaŋin etonyouni ewema loka Daudi loebiroro, Epuci aciletake;
Etonyouni da aaponoruke,
Eteteuni kwape kapaarasia nukolono.
12 #
Oba 1:19; Mar 24:18. Tetere irumete kesi aatoŋot naka Edom,
Ka atekerin kere nuemaikinio ekakiror.”
Ebala kwaŋin EJAKAIT loiswamai ŋun.
13 #
Leb 26:5. Ebala EJAKAIT ebe, “Koany, epote apaarasia
Nuedolokinio ekakorion ekasakan,
Ka ŋol loipudapudai emusabibu ŋol loeyei ikinyom;
Idonete ironan ebino loewiny,
Eleleete iukon kere.
14 #
Isa 61:4. Enyakuni bobo aijoreorio naka ikatuŋa Isirael,
Edukete ireria lueswapito, iboikinos toma;
Iraete ke si amanat nuka emusabibu,
Emasete da ebinoke;
Ekoriete imanikoria, enyamete da araitokee.”
15 #
Isa 60:21. Ebala EJAKAIT Ekonideke ebe,
“Eraikini eoŋ kes akwapukee,
Mam bobo erutunio kakwapukee naainakinit kes.”
Currently Selected:
Amos 9: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.