Aswamisio 24

1Kosodi ketuboros apaarasia akany, kijesar Anania esasedoti lopeti nepepe kice komakio, ka ekeneranikec, Teratulo. Kikujokis kesi ekayaiton nuesurokinitotor Paul. 2Kenyaraun ŋes, kogeu Teratulo aosan ebe:

“Naarai kidumunit ainapakin naepol kanukon, wu Pelikis lokaibuses, kanuka apiirikinikon da eteteun akiro nuka ateker kana, 3#Asw 23:26; 26:25. kicamunit da kaimal naepol koponesio kere kaiboisio da kere. 4Konye kenyek aitapas jo noi, keŋaiŋait jo kopupok sio kasianutukon kanuesupaaka. 5#Asw 17:6. Naarai kidum isio ekesa lo erai ekamunaaran, ekesidikon da loka ecelet koYudayan kere anatar akwapin kere, ekeŋarenon da loka erioŋet loka Inasarayon. 6#Asw 21:28. Bobo da abu kotam amunaar eyekalu, kekamut, [kakotos atubokin kwape ejaatar ikisilakosi. 7Konye kobu ekapolon Lusias kolema ŋes kagogoŋ naepol kakaninikosi,] 8#Asw 23:30. kicorak da ikewosatokoke aponare akonyenekon. Ijo elopet kaiŋitiŋitikon ipedori adumun akiro nukiwosat isio ŋes.”

9Kiwosata Iyudayan da kobalas ebe, “Ikote nepenen.”

10Kosodi kokwet ekayaiton Paul einer, Koboŋok ebe:

“Naarai ajeni ebe irai ijo ekatubon loka ateker kana ikar luipu, atubo elop ketau kaloelakara, 11#Asw 21:17. naarai ipedori ajenun ebe eroko apaarasia edepara atomon kanuarei ageun naadokaria eoŋ Yerusalem aima; 12mam ituŋa lu apotu kadumut koyekalu kipega kidiotunanan, karaida aituwutaar atukot, karaida katukosia, karaida kore. 13Kwabo mam epedorete aitogogoŋ akiro ŋun nuiwosaete kwana. 14#Asw 24:5. Konye alimori kamakon nu ebe kwape ejaar Erot, loenyarito kesi erioŋet, kwaŋin amaia Edeke loka lukapapaakosi, eyuunit kere nuelimito ikisila, ka nuiwadikatai oitabon luka inabin, 15#Dan 12:2; Yok 5:28,29. amunokina Edeke, ŋol loecamunito kesi da ikulepek, ebe ejaun ajarun naka luedolito ka lumam edolito da. 16#Asw 23:1. Kanuka ŋun enyikokinit ajaut ketau lomam itoronio mama ejai Edeke ka ituŋa da apaarasia kere. 17#Asw 21:17-28. Akaulo naka ikar luipu abu kabu ainun atekereka nukaitim ka ainakineta da. #Rom 15:25,26; Gal 2:10. 18#Asw 21:27. Kaŋun kadumut eoŋ koyekalu etesegaara, komamei ekodet karaida autar. Konye Iyudayan ice lukepote ko Asia— 19lutiebusakinit ajaut ne akonyenekon aosan eoŋ, arai ejai adiokirot keoŋ, 20Arai bo kolimut lupelu aibucaret naeanyunitos kamakaŋ naabwoia kaurianet, 21#Asw 23:6. dimarai akirot na adiopet bon nakeworoi kabwoi kokidiŋikec ebe, ‘Kanuka ajarun naka ikatwak katubokinio lolo kakonyenekus.’ ”

22 # Asw 23:26. Konye kisiyap Pelikis kes, naarai kejeni ace nuka Erot, kobala ebe, “Naijesunor Lusias ekapolon atubi akirokus.” 23#Asw 27:3. Kosodi kicorak ekapolokiton aidar Paul konye kajalakinit, komam isimiki idio kopaperoke aijaanakin ŋes.

24Kosodi ketuboros apaarasia kodol Pelikis nepepe ka Durusila akeberu, nakerai Ayudayat, kiyakia anyaraun Paul, kiira ŋes inera nuka aiyuun naejai toma Kristo Yesu. 25Kopesik Paul ŋes akiro nuka adolit, ka nuka ayaikina, ka atubokinio naebunit, kokurianar Pelikis, Koboŋok ebe, “Kolot do kwana; kadum eoŋ apak, keworouni.” 26Komuno da ebe einakini ŋes Paul arupian, Kanuka ŋun konyaraunun eyala kaŋes, 27#Asw 25:9. Kosodi ketuboros ikar iarei, kodakakinai Porukio Pesito airum aibois naka Pelikis; kekoto Pelikis aitojokio kama ka Iyudayan, kwaŋin kinyek Paul kaidaris.

Currently Selected:

Aswamisio 24: AOV1961

Highlight

Compare

Copy