2 Ikabakan 25
25
1Kipaliik Sedekia ekabaka loko Babulon.
Kosodi kanen kokaru lokikanyetekaonon loka airumuke, kolap lokitomonet, kapaaran nakitomonet naka elap kobu bobo Nebukadenesar ekabaka loko Babulon, ŋes ka akeiore kere, asurokin Yerusalem, kidukuroto airigaun ŋes; kitutuoto itutio luiiis. #2 Siit 36:17; Yer 34:2; 39:1; Esk 24:1. 2Kwaŋin kirigaut ere aitodol okar lokitomonet ka lodiopet loka eka baka Sedekia, 3Kapaaran nakikanyetekaonon naka elap kalokiwononet, kodedenar eteijei kore, komamikis eut ituŋa luka akwap inyamat. 4Kosodete kotiyasi arorwa kore, kokera ikajiok kere kuare korot loka erute loejai kidin arwatatin aarei, loidunyas kemanikor loka ekabaka: (konye erimorito Ikaludean, asurokin ere iwaitin kere:) kitor ekabaka orot loka Araba. #Yer 39:4; 52:7; Esk 12:12. 5Konye korukio ajore naka Ikaludean ekabaka, kodolokis ŋes kapuutona nuka Yeriko: kisiarakin aioreke kere aiial ŋes. 6Kosodete kikamas ekabaka, koyaŋaasi neejai ekabaka loko Babulon Ribula; kotubokinai akiro, #2 Ika 23:33. 7Koarakinai odwe luka Sedekia akonyeneke, kogorununoi Sedekia akonye, koenai kirikoi, koyanaarai Babulon. #Yer 39:7; Esk 12:13.
8Kosodi kolap kalokikanyet, kapaaran nakikanyetekaarei naka elap, ŋes ckaru lokitomonet kakanykaonon loka Nebukadenesar ekabaka loko Babulon, abu Nebusaradan ekapolon loka ikedarak, ekeiaanakinan loka ekabaka loko Babulon kobu Yerusalem: #2 Ika 24:12. 9Kicwe etogo loka EJAKAIT, ka etogo loka ekabaka; itogoi ke re lukotoma Yerusalem, nolitogo kere loepol, kicweikin kakim. #2 Siit 36:19; Sab 74:3-7; 79:1; Isa 64:11; Yer 7:14; Mik 3:12; Amo 2:5. 10Abu ajore kere naka Ikaludean luajaas kalokapolon loka ikedarak, kotiyatiya arwatatin nuka Yerusalem airiamar. #Nek 1:3. 11Aatoŋot naka ituŋa lukideuna kore, ka nul da lualunakina, lualuŋakina mama ejai ekabaka loko Babulon, ka aatoŋot naka ikeswamak, kiiorco Nebusaradan ekapolon loka ikedarak, #Yer 39:9; 52:15. 12Konye kitasal ekapolon loka ikedarak lukican noi kakwap araut iketemonokiuok emusabibu ka ikakoriok du. #2 Ika 24:14; Yer 40:7.
13Kobilibilata Ikaludean ipirin luka aisinin lukejaas togo loka EJAKAIT, ka aicegeria, ka aŋolol naka aisinit nukejaas togo loka EJAKAIT, koyaŋaasi aisininikee Babulon. #2 Ika 20:17; 1 Ika 7:15. 14Koyanaasi amoti, ka initia, ka aitudeŋeta, ka akaalei, ka iboro kere luka aisinit lukijaanakiniata: #Any 27:3; 1 Ika 7:45,50. 15Ka atiboka nuigaete ekurwon, ka atanyia; nukeraas nuka esabu, esabu, ka nukeraas nuka epuesa, epuesa, kwaŋin ayaŋaaria ekapolon loka ikedarak. #Any 37:23; 2 Siit 24:14; Est 1:9-11; Dan 5:2. 16Ipirino iarei, ka aŋolol adiopet, ka aicegeria, lueswamakinit Solomon etogo loka EJAKAIT; aisinin nuka iboro kalu kere mam kepedorete ainiŋio. 17Aoiau naka epir ediopet kerai ikubitin itomon ka lukanykauni, kejai akou naka aisinit kokujuke; aoiau naka akou adiopet ikubitin iuni; kolukunito iboyan ka akamamagan akou, kere luka aisinit: ekoni epir lokiareit nepenen kaswam naka iboyan.
18Kosodi ekapolon loka ikedarak kikama Seraia esasedoti lopeti, ka Sepania esasedoti lokiareit, ka ikagolok luuni; #Yer 52:24; 1 Siit 6:14; Esr 7:1; Yer 21:1; 29:25,29. 19Kikama kore ekapolokiton lokeyait ikaiiok; ka ituŋa ikany kaŋul lukeanyununete akonyen nuka ekabaka, lukedumunio kore; ka ekewadikan, ekapolon loka aiore, loaramununei ituŋa luka akwap; ka ituŋa akaisakanykape luka ituŋa luka akwap lukedumunio kore. #Yer 52:25. 20Kikama Nebusaradan ekapolon loka ikedarak kes, koyau mama ejai ekabaka loka Babulon Ribula. 21Kodany ekabaka loko Babulon kes, koarak Ribula akwap naka Kamat. Kwaŋin kijoreoroi Yuda anyoun kakwapuke. #Leb 26:33; Ikis 4:26; 28:36,64; 2 Ika 17:20; 23:27; Yer 24:9,10; 25:9; Amo 5:27. 22Ituŋa da luasalete kakwap naka Yuda, luabu Nebukadenesar kinyek, koinak ŋul Gedalia okoku loka Akikam, okoku loka Sapan araun ekayaitonikec. #Yer 40:5.
23Kepuputu ikapolok kere luka irioneta, kes ka ituŋakec, ebe, kitarau ekabaka loko Babulon Gedalia ekayaiton, kopotu mama ejai Gedalia Misipa, Isimael okoku loka Netania, ka Yokanan okoku loka Karea, ka Seraia okoku loka Tanumet Enetopatit, ka Yaasania okoku loka Emaakatit, kes ka ikecetuŋa. 24Kiyapoik Gedalia kes ka ikeceruna, kotema kes atiar, “Sirikiyoŋa kanuka ikejaanakinak luka Ikaludean: kiboikinos akwap, kijaanakis ekabaka loko Babulon, iiaunete do ejok.” #Yer 27:12; 38:17. 25Konye kolap lokikanyetekaarei, kobu Isimael okoku loka Netania, okoku loka Elisama, loka aur naka ekabaka, ka ituŋa itomon nepepe kaŋes, kieuma Gedalia, kotwana, ka Iyudayan ka Ikaludean luajaas kaŋes Misipa, #Yer 41:1,2; Sek 7:5; 8:19. 26Konyout ituŋa kere, ludidik ka lukapolok ka ikapolok luka irioneta, kopotu Misiri; naarai kokuriakata Ikaludean. #Yer 41:16-18; 42:14-22; 43:4,7.
27Kosodi kanen okaru loka akaisauni ka lukanykaarei loka aenio naka Yekoiakin ekabaka loka Yuda, olap lokitomonet kaarei, kapaaran nakakaisaarei ka nukanykaarei naka elap, kitopoloo Ebil-merodak ekabaka loko Babulon akou naka Yekoiakin ekabaka loka Yuda, alemun kaidaris kokaru loageunia airum. #Ikis 28:68; Yer 41:17; 52:31; Age 40:13,20. 28Kinera kaŋes nukasianut, kitopolo eicoloŋoke aitelekarit iicoloŋo luka ikabakan lukejaas kaŋes Babulon. #Yer 27:6-11; Est 4:4; 8:15; Dan 2:37; 5:18,19. 29Kilocok inapeneke luka aidaris, konyamenenei inyamat kakonyeneke apaarasia kere nuka aiiarake. #Age 41:14; 2 Sam 9:7. 30Akorakineteke, abu ekabaka koinanak ŋes akorakinet ninipaaran, apaarasia kere nuka aiiarake,
Currently Selected:
2 Ikabakan 25: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.