1 Timoteo 3
3
1 #
Asw 20:28. Namunot akirot na ebe: Arai eŋaŋat etuŋanan araun ekaanyanaran, imiela aswam naejok. 2#Tit 1:6-9. Aso ibusakinit ekaanyanaran araun loemamei aitoronet, ekiliokit loka aberu adiopet, loitikokina, loecoit, loiyapaara, loisukunyikini ipejok, loejeni aisisianakin, 3lomam emer, lomam ibuŋai; dimarai lokaiyapepera, lomam eŋolopana, lomam emin apesan; 4#1 Sam 2:12. loeyait ejok lukokaleke, loitononokikini ikedwe kaiyapaara kere; 5naarai arai mam etuŋanan ejeŋi ayait lukokaleke, ikwaikini ai imukei ekanisa loka Edeke? 6Mere ekeyuunan lokitetet, kinyek adakunun, ka aibirokin otube loka Satan. 7#1 Tim 5:10; 2 Kor 8:21; 1 Kor 5:12,13. Konye ibusakinit lukokiŋa aitejen nukajokak kamakeŋ, kinyek aibirokin amorosit, kotoma atacit da naka Satan.
8 #
Pil 1:1; Asw 6:3. Ikejaanakinak kwape kwaŋin kiyapaara, mere luideideok, mere luemasete ajon nuipu, mere luiŋobelete apesan, 9luejai aiyeiyea naka aiyuun kotoma aomisio nuelaete. 10Konye kisiautu ber ŋul da aitemio, kosodete konyet aijaanakin, arai eraas luemamei aitoronet, 11#Tit 2:3. Aŋor da kwape kwaŋin kiyapaara, mere akasabak, nuitikokina, numunon kakiro kere. 12Koraut ikejaanakinak ikiliok luka adiopeberu, lueyaito ejok ikecedwe ka lukokaliakec. 13Naarai luejaanakis ejok, edumakina adoket naejok, ka atitiŋ naepol kotoma aiyuun naejai toma Kristo Yesu.
14Kewadikakini jo nu amuno abunore mamakon atipet, 15#2 Tim 2:20; Pes 2:19-22. konye arai etumori, tetere ijenuni kwape ibusakinitor ituŋa ajaut kotoma otogo loka Edeke, loerai ekanisa loka Edeke lokajaran, epir ka eigaŋet loka abeit. 16#Yok 1:14; 16:10; Rom 1:4; Mk 16:19. Ido komamei abuonokin, epol noi aiyeiyea naka ayoŋit Edeke:
Abu kitodiar kotoma akuan, Kitojokai kotoma Omoyo, Apotu imalaikan koanyut ŋes,
Aponi kolimonokinai kotoma atekerin, Aponi kiyuunai kotoma akwapin, Kodakarai kuju toma aibuses.
Currently Selected:
1 Timoteo 3: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
