1 Samuel 5
5
1Apotu Ipilisitian konatarito asaduku naka Edeke, koyanaut anyoun koEbeneser kiton Asudod. 2Koyanaasi Ipilisitian asaduku naka Edeke, kibwaikis togo loka Dagon, kosipokis eiduny ka Dagon. 3#Any 12:12; 18:11; Tub 16:23; 1 Siit 16:24-26; Sab 95:3; 97:9; Isa 19:1; 46:1,2,7; Nak 1:14. Kosodete kenyout luka Asudod tupuruc sek, koany, ebirokina Dagon kwap kakonyen nuka asaduku naka EJAKAIT. Kolemut Dagon kinyakakis aiboisike. 4#Isa 40:18; Yer 50:2; Esk 6:4,6; Mik 1:7. Kosodete kenyout tupuruc sek, koany, ebirokina Dagon kwap kakonyen nuka asaduku naka EJAKAIT: ajepara da akou naka Dagon ka akaninike kibelibelos kokek; akuan naka Dagon bon abu kosal. 5#Sep 1:9. Kanuka nun isasedotin luka Dagon, karaida ninidiopet yenelomari togo loka Dagon mam ieakakinete akecekeje okek loka Dagon kotoma Asudod, aitodol lolo.
6 #
Any 9:3; Sab 7:11; 9:17; 32:4; Isa 31:3; Dan 4:35; Asw 13:11; 1 Sam 6:5; Ikis 28:27. Konye kolanirior akan naka EJAKAIT kama ejaas luka Asudod, komudia kes, kodany kes kabusion, Asudod ka iikorunoke, 7Kosodete keanyut ituŋa luka Asudod ebe ikote nen, kotemasi atiar, “Mam asaduku naka Edeke loka Isirael iboikin mamawok: naarai ededeŋ akekan kamawok, kama kaDagon da ewokodeke.” 8Kijukasi kotukokis ijaka kere luka Ipilisitian kotemasi atiar, “Kikwaikini ai asaduku naka Edeke loka Isirael? “Kobonokis atiar, “Kibwokoroi asaduku naka Edeke loka Isirael Gat.” Kibwokosi asaduku naka Edeke loka Isirael nina, 9#Ikis 2:15; 1 Sam 7:13; 12:15; Sab 78:66. Kosodi do, kedaut kesi aibwokor asaduku koluik akan naka EJAKAIT ere aitiean kes: kodany ituŋa lukore, ludidik ka luepolok da, kolomut abusion kamakee. 10Kwaŋin kijukasi asaduku naka Edeke Ekuron. Kosodi kanen, kedolu asaduku naka Edeke Ekuron, kodelosi Ikuronin ebe, “Ayaut asaduku naka Edeke loka Isirael mamawok aiar oni ka iwokotuna.” 11Kanuka ŋun kijukasi kotukokis ijaka kere luka Ipilisitian, kotemasi atiar, “Kijukasi asaduku naka Edeke loka Isirael, kolot bobo aiboisike alopet, tetere mam kiari oni ka iwokotuna”: naarai ajai aiticanet naerono ore kere; alaŋir noi akan naka Edeke kanen, 12#Any 11:6; Awa 21:13; Isa 15:3; Yer 25:34; Amo 5:17; Yak 2:13. Ituŋa lumam apotu kotwaka aponi kiticanai kabusion: kodoka aimony nakore akuj.
Currently Selected:
1 Samuel 5: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
