1 Samuel 28
28
1 #
1 Sam 29:1. Kosodi kanen kapaarasia kanun, kotukonokis Ipilisitian akeeejoresio kanuka ejie, aitiji Isirael. Kotema Akis Daudi atiar, “Kojen ijo eut ebe kilosi ijo keoŋ ajore, ijo ka ikonituŋa.” 2#Rom 12:9. Kotema Daudi Akis atiar, “Kanuka nun ijenuni nuiswamai ekonikejaanakinan.” Kotema Akis Daudi atiar, “Kanuka nun kadakakini araun ekedaran akouka apaarasia kere.”
3 #
Leb 19:31; 20:27; Ikis 18:10-11; 1 Sam 25:1; Isa 57:1,2; Asw 16:16,19; Any 22:18. Abu Samuel kotwanite, abu da Isirael kere kibworo ŋes, kidaikinai ŋes Rama, oreken, Abu Saul kirenearite luejaas aiokin, ka ikaeudak kakwap. 4#Yos 19:18; 2 Ika 4:8; 1 Sam 31:1. Kotukonokinos Ipilisitian kopotu kidukuroto Sunem: kotukok Saul Isirael kere, kidukuroto Giliboa. 5#Yob 15:21; 18:11; Sab 48:5,6; 73:19; Isa 57:20; Dan 5:6. Keanyu Saul aiore naka Ipilisitian abu kokurianar, komaran eketau noi. 6#Mar 27:21; 1 Sam 14:37; Awa 1:28; Aku 2:9; Mar 12:6; Any 28:30; Ikis 33:8. Kosodi nakinisia Saul EJAKAIT, mam EJAKAIT abu koboŋok ŋes, karaida kotoma airujasia, karaida koUrim, karaida konabin. 7Kosodi Saul atemar ikebulesin atiar, “Komoikinai aberu naejai ajokit, tetere alosi mamake aiŋitun.” Kotemasi ikekejaanakinak ŋes atiar, “Koany, ejai aberu En-dor naejai aiokit.”
8 #
Ikis 18:11; 1 Siit 10:13; Isa 8:19. Kitegelikin Saul, konap ieenapen, kolot, ŋes ka ituŋa iarei, kopotu neejai aberu kuare: kotema atiar, “Keŋainait, kodwarakinai kaiokit, kitodokik eoŋ kere yenikalimokini.” 9Kotema aberu ŋes atiar, “Koany, ijeni nueswama Saul, kwape erenearia luejaas ajokin ka ikacudak kakwap: kanukinyo ilokia ijo akaijar, aiar eoŋ?” 10Kiyapcik Saul ŋes kolimit EJAKAIT ebe, “Kwape ejaria EJAKAIT, mam adiokiticanet kidoikin jo kanuka akirot kana,” 11Kosodi aberu atemar atiar, “Iŋai bo etodokuni mamakon?” Kotema atiar,” Kitodokikinai Samuel.” 12#Isa 57:2; Apu 14:13. Keanyu aberu Samuel, kodelo keporoto loepol: kotema aberu Saul atiar, “Kanukinyo kimodia ijo eoŋ? Kwabo irai ijo Sau!.” 13#Any 22:28; Sab 138:1. Kotema ekabaka ŋes atiar, “Sirikikurianar: naarai inyo iseseni ijo?” Kotema aberu Saul atiar, “Aseseni edeke edokuni kokwap.” 14#1 Sam 15:27; 2 Ses 2:10,11. Kotema ŋes atiar, “Ejesi ŋesi ai?” Kotema atiar, “Edokuni emoion; erapiara kekaso.” Kojen Saul ebe arai Samuel, kokukum, kisuded,
15 #
Awa 5:11; 14:14; 1 Sam 18:12. Kotema Samuel Saul atiar, “Kanukinyo kilonilonia aitodokun?” Koboŋok Saul ebe, “Ajai ocan luipu noi; naarai ketijiete Ipilisitian, anyou da Edeke kamakaŋ, mam bobo kabononokini, karaida konabin, karaida kotoma airuiasia: kanuka nun ŋes kanyaraunia jo, tetere kitejenuni nueswamai.” 16Kotema Samuel atiar, “Aso kanukinyo kinisia eoŋ, naarai anyou EJAKAIT kamakon, erai da lokasurupikon? 17#1 Sam 15:28. Eswama EJAKAIT kanuke, kwape abu kineria kamakaŋ: acila EJAKAIT ajakanut kakanikon, ainaki eidunyetekon Daudi, 18#1 Sam 15:3-9; 1 Ika 20:42; 1 Siit 10:13; Yer 48:10. Naarai mam ibu korima eporoto loka EJAKAIT, mam ibu kitodol anyunyurake naededen kama ejai Amalek, kanuka nun ŋes kiswamakinia EJAKAIT jo akirot na lolo. 19Bobo da ijaikini EJAKAIT Isirael ka jo da akan naka Ipilisitian: moi iiaunos ijo ka odwekon nepepe keoŋ: ijaikini EJAKAIT ajore naka Isirael akan naka Ipilisitian.”
20 #
1 Sam 25:37; Yob 15:20-24; Sab 50:21. Kosodi Saul alatakin kwap, kokurianar noi kanuka akiro nuka Samuel: komameun ŋes agogoŋ; naarai mam anyamit adiotap apaaran kere, ka akuare kere, 21#Tub 12:3; 1 Sam 19:5; Yob 13:14. Kobu aberu neejai Saul, koany ebe eyalononoi noi, kotema ŋes atiar, “Koany, apupoki akonibulesit eporotokon, adaearit akaiiar, apupok akonikiro nuibu kolimok eoŋ. 22Aso, kenainait, kopupok ijo da eporoto loka abulesitikon, kainu jo adiotap; konyam, tetere igogonior, nailosio korotokon.” 23#Age 4:6; 1 Ika 21:4; Awa 25:20,21. Konye koner, kotema atiar, “Mam anyami.” Konye kitinaikis ŋes ikekejaanakinak ka aberu; kopupok ŋesi ekeceporoto, Konyou kokwap kiboikin oitada. 24#Age 18:7,8; Luk 15:23-30. Ajai aberu itaok yenatumit togo; kiwonya, koar ŋes; kolem akiria, kono kope imugatin lumam itubuunitoi: 25Koinu ŋesi Saul ka ikekejaanakinak; konyamata. Kosodete anyoun, kolototo akuare ŋin.
Currently Selected:
1 Samuel 28: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
