1 Samuel 26

1 # Sab 54:1-2; 1 Sam 23:19. Kopotu Isipin Gibea neejai Saul, kobalas ebe, “Mam kereka Daudi enopit koukot Ioka Kakila, loitei amodinj” 2Kosodi Saul anyoun, kolot amodiŋ naka Sip, koiaas kituna luseuna luka Isirael ilukumin iuni amoot Daudi amodiŋ naka Sip, 3Kidukur Saul oukot loka Kakila loitei amodiŋ ariri naka erot, Konye eboic Daudi kamodiŋ, koany da ebe ibwapunit Saul ŋes amodiŋ. 4Kanuka nun kijuka Daudi ikarotak, kojen eut ebe abu Saul. 5#1 Sam 14:50; 17:55; 2 Sam 2:8. Konyou Daudi, kobu aibois naedukurit Saul: koany Daudi aibois naaperio Saul, ka Abiner okoku loka Ner ekapolon loka ajoreke: aperi Saul kokidin kagalin, kidukurito ituŋa alukun ŋes,

6 # 1 Siit 2:16; Tub 7:10. Kosodi Daudi aboŋokin kotema Akimelek Ekitit, ka Abisai okoku loka Seruia, onaee loka Yoab, ebe, “Iŋai kiupar keoŋ oidukurun neejai Saul? “Kobala Abisai ebe, “Kiupar eoŋ kaio.” 7Kwaŋin kopotu Daudi ka Abisai neejaas ituŋa kuare: ido koany, aperi Saul koiotoi kokidin kagalin, kodupakina akekwara kwap kakouke: koperete Abiner ka ituŋa alukunite ŋes, 8#1 Sam 24:18. Kosodi Abisai atemar Daudi atiar, “Kiiaik Edeke lokasurupikon akanikon lolo: aso keŋainait koeamakinai keeum ŋes kakwara aipelor kiton alup aieumet adiopet, mam erueakini aicum ŋes nakiareit.” 9Kotema Daudi Abisal atiar, “Sirikiar ŋes: naarai iŋai eriori akekan aluikin loinyonyoikinit EJAKAIT akinyet, komam egwaun akirot?” 10#1 Sam 24:15; 25:38; Sab 94:1,2,23; Awa 20:22; Luk 18:7; Rom 12:19; Bur 10:30; Apu 18:8; Age 47:29; Ikis 31:14; Yob 7:1; 14:5; Sab 37:13; 1 Sam 31:6; Ikis 32:35. Kotema Daudi atiar, “Kwape ejaria EJAKAIT, inomi EJAKAIT ŋes; diat edoluni apaaran naka atwanareke; elemuni kolot ojie, koarakinai nina, 11#Leb 19:18; 1 Sam 24:6,12; Awa 24:29; Rom 12:17,19; Yak 5:5-11; 1 Pet 3:9. Madi akuj eoŋ arior akakan aluikin loinyonyoikinit EJAKAIT akinyet: konye, kenainait, kolem akwara naejai akouke, ka etuo loka akipi, kaloto.” 12#Age 2:21; 15:12; Est 6:1; Isa 29:10. Kwaŋin kolem Daudi akwara ka etuo loka akipi kakou naka Saul; koloto, mam ituŋanan yenabu koany karaida ajenun, karaida idio akwenyun: naarai ajotoete kere; naarai etoiotoorit EJAKAIT kes aio nuipu.

13Kosodi Daudi alosit oitela je, kobwo kaidi naka eronat kama elwana; kojai apak naelal noi kidinikec, 14Kiworo Daudi ituŋa, ka Abiner okoku loka Ner ebe, “Abiner, mam jo ibonokinir “Kosodi Abiner aboŋokin ebe, “Iŋai ijo loiworot ekabaka?” 15Kotema Daudi Abiner atiar, “Mere jo etuŋanan loititin? Iŋai da iputotor ijo koIsirael? Aso kanukinyo mam jo idaritor ekoniiakait ekabaka? Naarai abu ediopet koruna kobu aiar ekabaka ekonijakait. 16Mam ejok ibore nin yeniswama ijo, Kwape eiaria EJAKAIT, ibusakinit yes atwakare, naarai mam ipotu kidara ekusijakait, loinyonyoikinit EJAKAIT akinyet. Aso do koany, neejai akwara naka ekabaka ka etuo loka akipi loajai akouke.”

17 # 1 Sam 24:16. Kojen Saul eporoto loka Daudi, kotema atiar, “Erai ŋol ekoniporoto, okokuka Daudi?” Kotema Daudi atiar, “Eebo, ekaiakait, wu ekabaka, ŋes ekaporoto.” 18#1 Sam 24:9,11; Sab 7:3. Kotema atiar, “Kanukinyo idopiator ekajakait ekebulesit? Eswama anyoika? Ido aronis anyoin ejai akanika? 19#1 Sam 16:14,23; 18:10; 2 Sam 16:11; 24:1; Ikis 4:28; Sab 120:5; Any 15:17; Ikis 4:20; 9:26; 2 Sam 14:16; 20:19; Sab 106:4,5; Isa 19:25. Aso, keŋainait, kopup ekajakait ekabaka akiro nuka ekebulesit, arai erai EJAKAIT kituluikinit jo eoŋ, kocam ŋesi ainakinet: konye arai eraas idwe luka ituŋa, kikenoi kes kakonyen nuka EJAKAIT; naarai kereneasi eoŋ lolo kenyek aidon airumet naka EJAKAIT kobalas ebe, “Kolot, kijaanak icedekesio.’ 20#1 Sam 24:14. Aso do, kinyeis akaokot abukokinio akwap naemamei EJAKAIT: naarai alomu ekabaka loka Isirael amoot idepidepit, kwape emejaa ituŋanan atapen koronan.”

21 # Any 9:27; Mar 22:34; 1 Sam 15:24; 24:17; Mat 27:4; 1 Sam 18:30. Kosodi Saul atemar atiar, “Adiaka eoŋ: koboŋ, okokuka Daudi: naarai mam bobo keswamakini jo aronis, naarai ibu koyon akaijar lolo: koany, eswama nukabanaanut, apaa da noi.” 22Koboŋok Daudi ebe, “Koany akwara, wu ekabaka Aso do kobu ediopet kokatumunak koom. 23#Sab 7:8; 18:20; Lim 8:12; Isa 3:10,11. Ikonakini EJAKAIT ninituŋanan kwape ejaar akedolit ka amunonutuke: naarai abu EJAKAIT kijaik jo akanika lolo, konye mam abu kario akakan aluikin loinyonyoikinit EJAKAIT akinyet. 24Ido koany, kwape abu kayonia akoniijar lolo, koyonai do akaiiar da kakonyen nuka EJAKAIT, kayuu da eoŋ koean kere.” 25#Age 32:28; Isa 54:17. Kosodi Saul atemar Daudi atiar, “Kisirereni ijo, okokuka Daudi: iswamai ijo nukagogon, ipikori da.” Kolot Daudi orotoke, kobono Saul da aiboisike,

Currently Selected:

1 Samuel 26: AOV1961

Highlight

Copy

Compare