1 Samuel 24

1 # 1 Sam 23:28. Kosodi kanen kebonu Saul katupit Ipilisitian, aponi kolimokinai ŋes ebe, “Koany, ejai Daudi amodiŋ naka En-gedi.” 2#Sab 38:12. Kosodi Saul ayaŋaar ituŋa ilukumin iuni luaseunio koIsirael kere, kolot amoot Daudi ka iketuŋa omorun luka akinei nuka ais. 3#Tub 3:24. Kobu mama ajaas anukia nuka amerekekin korot, neajai abua; koloma Saul aimukor akekeje, Eboiete Daudi ka iketuŋa kaiboisio nukotoma abua. 4#1 Sam 26:8. Kotemasi ituŋa luka Daudi ŋes atiar, “Koany, apaaran na abu EJAKAIT kobala jo ebe, ‘Koany, kejaikini lokasurupikon akanikon, iswamakini da ijo ŋes nuitoioki ijo.’’’ Kosodi Daudi anyoun, kotub atokitoit naka ekaso loka Saul kaiyeiyea. 5#2 Sam 24:10. Kosodi kokau, kokadak etau loka Daudi, naarai abu kotub atokitoit naka Sau!. 6#1 Sam 26:11; 2 Sam 1:14; Yob 31:29,30. Kotema iketuŋa atiar, “Madi akuj eoŋ aiswamakin ekajakait loinyonyoikinit EJAKAIT akinyet akirot nin, arior akakan asurokin ŋes, kajeni ebe erai loinyonyoikinit EJAKAIT akinyet.” 7#Sab 7:4; Mat 5:44; Rom 12:17. Kwaŋin kitikok Daudi iketuŋa kakiro kanun, mam abu kocamak kes asurokin Sau!. Konyou Saul koloma kabua, kolot.

8Konyou Daudi da kokau, koloma kabua, kiworo ŋesi Saul ebe, “Ekajakait, ekabaka.” Kosodi kenolea Saul kau, kokukum Daudi, kisuded. 9#Sab 141:6; Awa 16:28; 17:9. Kotema Daudi Saul atiar, “Kanukinyo ipupio ijo akiro nuka ituŋa ebe, ‘Koany, ekot Daudi aiswamakin jo aronis?’ 10Koany, aanyut akonikonye lolo kwape keiaikinitor EJAKAIT jo lolo akanika kotoma abua: kecorakis ice aiar jo: konye abu ketim jo: kabala ebe, ‘Mam ariori akakan asurokin ekaiakait; naarai erai loinyonyoikinit EJAKAIT akinyet.’ 11#Sab 7:3; 35:7; 1 Sam 26:20. Bobo da, ipapa, koany, eebo, koany atokitoit naka ekasokon ejai akanika; naarai abu katub atokitoit naka ekasokon, komam kaari jo, kojen jo koany ebe emamei aronis karaida aibucaret kakanika, mam adiakarit kamakon, kwabo imoot ijo aikamun akaijar, 12#Age 16:5; Tub 11:27; Yob 5:8. Kirabak EJAKAIT eoŋ ka jo, kenyan EJAKAIT eoŋ kamakon: konye mam akakan kisurokini joo 13Kwape ebalar awaragan naka imakio lukolosek ebe, ‘Mama ejaas ikaronok ŋes elomunia aronis’: konye akakan mam kisurokini joo 14#1 Sam 26:20; Yob 32:9; Awa 5:23; 1 Sam 17:43; 2 Sam 9:8. Iŋai nat elomunit ekabaka loka Isirael asurokin? Iŋai bo idopiat ijo? Ekiŋok lokatwan, idepidepit. 15#2 Siit 24:22; Sab 35:1; 43:1; Mik 7:9. Kirabak EJAKAIT, kotubok da eoŋ ka jo, koany ŋesi, kapurok, kayuu da kakanikon.”

16 # 1 Sam 26:17. Kosodi kanen, napenetakini Daudi einer akiro ŋun mama ejai Saul, kotema Saul atiar, “Erai lo eporotokon, okokuka Daudi?” Kodelo Saul komony. 17#Age 38:26; Any 9:27; Mat 5:44. Kotema ŋesi Daudi atiar, “Idolit ijo adepar eoŋ: naarai kikonak eoŋ nuejok, kwabo kekonakinit jo nueroko. 18Ilimo lolo kwape kikonakinia eoŋ nuejok: naarai nakejaikinia EJAKAIT akanikon, mam ibu koar eoŋ. 19Naarai arai kedumu etuŋanan lokasurupike, ejalakini kereka ŋes alosit eŋalei? Kanuka nun kotacak EJAKAIT jo nuejok kanuka nukiswamak eoŋ lolo. 20#1 Sam 23:17; 2 Sam 3:17; Yob 15:25; Mat 2:3-6,13,14. Ido koany, ajeni ebe iraun ijo ekabaka, iticasio ajakanut naka Isirael kakanikon. 21Aso ca kiyapoikinoi kolimite EJAKAIT, ebe mam jo imudiari akaur nakatupanakini, ebe da mam imudiari ekakiror kokek loka papaka.” 22Kiyapoik Daudi Saul. Kolot Saul ore; konye kolototo Daudi ka iketuŋa abua.

Currently Selected:

1 Samuel 24: AOV1961

Highlight

Copy

Compare