1 Ikabakan 5

1 # 2 Sam 5:11; Amo 1:9. Kijuka Kiram ekabaka loka Turo ikekejaanakinak mama ejai Solomon; naarai kopup ebe aponi kinyonyoakinai ŋes akinyet araun ekabaka aibois naka papake: naarai aminenena Kiram Daudi. 2#2 Siit 2:3. Kijuka Solomon mama ejai Kiram, kobala ebe, 3#2 Sam 7:5; 1 Siit 22:8; 28:3; 2 Siit 6:6-8. “Ŋeni ijo kwape mam kepedoria papaka Daudi adukokin ekiror loka EJAKAIT Ekedeke etogo, kanuka ijiisio luerigaunito ŋes kanoliwai, aitodol neebwaikinia EJAKAIT kes kwap kakejeneke. 4#1 Siit 22:9; Sab 72:7; Isa 9:7. Konye kwana kesiyen EJAKAIT Ekadeke eoŋ kanoliwai; emamei lokasurup, karaida aronis. 5#2 Siit 2:4; 2 Sam 7:12,13; 1 Siit 22:10. Ido koany, eneru eoŋ adukokin ekiror loka EJAKAIT Ekadeke etogo, kwape abalar EJAKAIT Daudi papaka ebe, ‘Okokukon, loesiboikini oicolonokon aiboisikon, ŋes edukokini ekakiror etogo.’ 6#1 Ika 6:9,10,16,20; 2 Siit 2:8; Esk 27:5. Aso do kicorak ijo kes aiepakin eoŋ ikito luka eres koLebanon; ejaununos ikakejaanakinak kikonikejaanakinak; kainakini eoŋ jo eropit loka ikonikejaanakinak kwape ejaatar nuinera ijo kere: naarai ijeni ebe emamei kotomakosi loepiriana aijep ikito kwape Isidonin.”

7Kosodi kanen, kepupu Kiram akiro nuka Solomon, kiyalamikin noi, kobala ebe, “Kituritete EJAKAIT lolo, loabu koinak Daudi okoku Iokacoa airum ituŋa lu luipu.” 8Kijuka Kiram mama ejai Solomon ebe, “Apup ŋun nukijukakinit eoŋ: eswamaenenei nuikoto ijo kere nuka akito nuka eres, ka akito nuka eberos. 9#1 Ika 9:20,21; 2 Siit 2:16; Esr 3:7; Esk 27:17; Asw 12:20. Eyaunete ikakejaanakinak kes koLebanon kiton aŋolol: etolosi kes eenen kikaleleos kaŋolol kiton aibois nakiseikini eoŋ, eeorakini kolacakinai nina, ijo da ijaun kes: ido itodoli ijo nuakoto kere arai kidumanak lukokaleka inyamat.” 10Kosodi Kiram koinak Solomon akito nuka eres ka akito nuka eberos kwape ejaar ekeipud kere. 11#2 Siit 2:10. Abu Solomon da koinak Kiram aitemisio alukumin akaisaarei nuka akima araun inyamat luka lukokaleke, ka aitemisio akaisaarei nuka akinyet naeeuunitai: koinanakini Solomon Kiram kwaŋin nolikaru. 12#1 Ika 3:12; 2 Siit 1:12; Yak 1:5. Abu EJAKAIT koinak Solomon acoa, kwape esumunio; kinapakinos Kiram ka Solomon; kitutukoto kesi kere iarei.

13Kitelem Solomon Isirael kere esolo; esolo ŋol emwaasi ituŋa ilukumin akaisauni. 14#1 Ika 12:18. Kijuka kes Lebanon, ŋolilap ilukumin itomon emeanakinos: kedaununete Lebanon elap ediopet, kosodi ore ilapio iarei: kopolokinite Adoniram esolo, 15Kejaas Solomon luebwokito abwokon ilukumin akaisakanykaarei, ka ilukumin akaisakanykauni hiajepete koronan: 16Kogelara iiaka luka Solomon luapolokinito aswam, ilukumin iuni ka akwat auni, luayaito ituŋa lueswamaete aswam. 17Kicorak ekabaka, kobokata amor nuepolok, nuka akais nuipu, apetanakin apetetait naka etogo kamor nuikeitoi. 18Apotu ikadukok luka Solomon ka ikadukok luka Kiram ka Igebalin kitetenata kes, kitemonokis akito ka amor adukio etogo.

Currently Selected:

1 Ikabakan 5: AOV1961

Highlight

Copy

Compare