तितस 2
2
अस्लि सिछ्या
1तर तुइं चाहिं जे ठिक सिछ्या अन्सार छो ओहे मत्रे सिखा। 2बुर्भासिका आप्न मन अधिनम राख, अस्लिमे सोच-बिचार कर, इमान्दार हब, बिस्वासम जोर्गर बन, पबित्र मयाँ कर अनि सहनसिल हब सिखा। 3एनाहिमे बुर्ह्या जनिसिका पनि पर्मेसोरक आदर भेल्हार जिबन जिअ लागि सिखा। ओकर्स्या बिना कारन अरुका दोस नाइ लगाउस अनि मध-रक्सि पिक नाइ मतुस, बरु जुन बात अस्लि छो ओहे बातसब अरुका सिखाउस। 4एना हेतो तब ओकर्स्या छउँरि जनिसिका आप्न साइं आ बच्चा-बुच्चिसिका मयाँ कर लागि सिखाब सक्तो। 5छउँरि जनिसब आप्न मनका अधिनम राख्लाहार, पबित्र, दयालु अनि आप्न साइंक अधिनम रहिक आप्न घरक बेबहार अस्लिमे चलाब सक्लाहार हब पर्तो, ताकि कुन्हुँले पर्मेसोरक बचनक निन्दा कर नाइ पाउस।
6एनाहिमे छउँरासिका पनि आप्न मनका अधिनम राख लागि सिछ्या धि। 7तुइं आप्नि अस्लि कामसब करिक ओकर्सिक लागि एगो उदाहरन बनिक देखा। अनि सिछ्या देत खुमा इमान्दार आ सोच-बिचार करिक ठिक सिछ्या धि, 8ताकि आपन्सिक बिरोधिस्या कथ्यो दोस लगाइलाहार बात नाइ पाइक लाजम परुस।
9नोकरसिका पनि आप्न मालिकक अधिनम रहिक सभे बातम मालिकका खुसि कर् कहिक आग्या धि। ओकर्स्या मालिकका उन्टिक जबाफ नाइ दिउस। 10ओकर्स्या कुन्हुँ चोरि-चकारि नाइ करुस तर सब्दिन इमान्दार आ बिस्वासिलो भइक रहुस। एनामे ओकर्स्या सभे कामस आपन्सिक मुक्ति देल्हार पर्मेसोरक बचनक इज्जत बह्राउस।
11किरकि सभे मानुकसिका मुक्ति दिअ लागि पर्मेसोरक किर्पा पर्कट भेल छो। 12ओहे किर्पाले आपन्सिका खराब जिबन आ सन्सारक सभे लोभ-लालच छोर, आप्न मनका अधिनम राख, इमान्दार भइक जिअ आ पर्मेसोरक भक्ति करिक जिबन बिताब लागि सिखाइ छो। 13एनाहिमे आपन्स्या आस कर्ल बात पुरा भेल्हार दिनक पैरा ताकिक अस्याइक रह पर्तो। उ दिन् आपन्सिक माहान पर्मेसोर आ मुक्ति देल्हार येसु खिरिस्टक बर्कि महिमा पर्कट हेतो। 14येसु खिरिस्टले आपन्सिका सभे पापस छुट्करा दिअ लागि आप्न परान देल्को। ओइले आपन्सिका अस्लि कामम जोसिलो भेल आप्न पबित्र जात बनाब लागि ओना करल्को।
15तुइं यि सभे बातसब पुरा अधिकारस सिखाइक अर्ति धि आ हप्का। अनि तुइं कक्राहु आप्न हेला कर्लाहार मौका नाइ धि।
Currently Selected:
तितस 2: DANU
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
तितस 2
2
अस्लि सिछ्या
1तर तुइं चाहिं जे ठिक सिछ्या अन्सार छो ओहे मत्रे सिखा। 2बुर्भासिका आप्न मन अधिनम राख, अस्लिमे सोच-बिचार कर, इमान्दार हब, बिस्वासम जोर्गर बन, पबित्र मयाँ कर अनि सहनसिल हब सिखा। 3एनाहिमे बुर्ह्या जनिसिका पनि पर्मेसोरक आदर भेल्हार जिबन जिअ लागि सिखा। ओकर्स्या बिना कारन अरुका दोस नाइ लगाउस अनि मध-रक्सि पिक नाइ मतुस, बरु जुन बात अस्लि छो ओहे बातसब अरुका सिखाउस। 4एना हेतो तब ओकर्स्या छउँरि जनिसिका आप्न साइं आ बच्चा-बुच्चिसिका मयाँ कर लागि सिखाब सक्तो। 5छउँरि जनिसब आप्न मनका अधिनम राख्लाहार, पबित्र, दयालु अनि आप्न साइंक अधिनम रहिक आप्न घरक बेबहार अस्लिमे चलाब सक्लाहार हब पर्तो, ताकि कुन्हुँले पर्मेसोरक बचनक निन्दा कर नाइ पाउस।
6एनाहिमे छउँरासिका पनि आप्न मनका अधिनम राख लागि सिछ्या धि। 7तुइं आप्नि अस्लि कामसब करिक ओकर्सिक लागि एगो उदाहरन बनिक देखा। अनि सिछ्या देत खुमा इमान्दार आ सोच-बिचार करिक ठिक सिछ्या धि, 8ताकि आपन्सिक बिरोधिस्या कथ्यो दोस लगाइलाहार बात नाइ पाइक लाजम परुस।
9नोकरसिका पनि आप्न मालिकक अधिनम रहिक सभे बातम मालिकका खुसि कर् कहिक आग्या धि। ओकर्स्या मालिकका उन्टिक जबाफ नाइ दिउस। 10ओकर्स्या कुन्हुँ चोरि-चकारि नाइ करुस तर सब्दिन इमान्दार आ बिस्वासिलो भइक रहुस। एनामे ओकर्स्या सभे कामस आपन्सिक मुक्ति देल्हार पर्मेसोरक बचनक इज्जत बह्राउस।
11किरकि सभे मानुकसिका मुक्ति दिअ लागि पर्मेसोरक किर्पा पर्कट भेल छो। 12ओहे किर्पाले आपन्सिका खराब जिबन आ सन्सारक सभे लोभ-लालच छोर, आप्न मनका अधिनम राख, इमान्दार भइक जिअ आ पर्मेसोरक भक्ति करिक जिबन बिताब लागि सिखाइ छो। 13एनाहिमे आपन्स्या आस कर्ल बात पुरा भेल्हार दिनक पैरा ताकिक अस्याइक रह पर्तो। उ दिन् आपन्सिक माहान पर्मेसोर आ मुक्ति देल्हार येसु खिरिस्टक बर्कि महिमा पर्कट हेतो। 14येसु खिरिस्टले आपन्सिका सभे पापस छुट्करा दिअ लागि आप्न परान देल्को। ओइले आपन्सिका अस्लि कामम जोसिलो भेल आप्न पबित्र जात बनाब लागि ओना करल्को।
15तुइं यि सभे बातसब पुरा अधिकारस सिखाइक अर्ति धि आ हप्का। अनि तुइं कक्राहु आप्न हेला कर्लाहार मौका नाइ धि।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.