तितस 1
1
1पर्मेसोरक सेबक आ येसु खिरिस्टक पेरेरित हम पावलले यि चिठि निख्ति स्यो। पर्मेसोरले हम्रा आप्न चुन्ल मानुकसिका बिस्वासम जोर्गर बानब आ ओकर्सिका पर्मेसोरक पैरा देखाइलाहार सत्ये ग्यानक बात अस्लिमे बुझाब लागि पठाइल छो। 2उ बिस्वास आ ग्यान चाहिं सब्दिन रहलाहार जिबनक आसम अर्ल छो, जुन जिबन कह्याहु झुठ नाइ बज्लाहार पर्मेसोरले सन्सारक सिरिस्टि हबस अगाहि आपन्सिका देल्हार बाचा कर्ल छलो। 3ओहेस अखन ठिक समैम पर्मेसोरले आप्न उ बाचाका खुसिक खबरक मार्फत पर्कट करल्को। ओहे खुसिक खबर सुनाब लागि आपन्सिक मुक्ति देल्हार पर्मेसोरक आग्या अन्सार हम्रा जिम्मा देल छो।
4पर्मेसोरम हम्रे जक्या बिस्वास कर्लाहार हम्र साँच्चेक बेटा तितसका यि चिठि निख्ति स्यो। आपन्सिक पर्मेसोर बाप आ मुक्ति देल्हार खिरिस्ट येसुले तोरा किर्पा आ सान्ति दिउस।
एल्डरम हब पर्लाहार योग्यता
5हम तोरा केरेट टापुम यि कारनस छोरिक आइल स्यो कि ओइलगक मन्डलिसिम जुन बातसब सुधार कर पर्लाहार छो, उ सब सुधार कर आ हम्र अराहिल बमोजिम हरेक मन्डलिम एल्डरसब चुन लागि छोरिक आइल स्यो। 6एल्डरसब चाहिं निर्दोस आ एगो मत्रे बहु भेल हब पर्तो। अनि ओकर्सिक बेटा-बेटिसब पनि बिस्वासिलो हब पर्तो। ओकर्स्या खराब बानि भेल आ अटेरि हब नाइ हेतो। 7किरकि मन्डलिक एल्डरले पर्मेसोरक सेबा कर पर्लाहार भेल कारनस उ निर्दोस हब पर्तो। उ घमन्डि, झनक्क पिटाइलाहार, मतबालि, लराइ-झग्रा कर्लाहार आ धन-सम्तिक लोभ कर्लाहार हब नाइ हेतो। 8तर उ मेज्बानसिक सेबा-सत्कार कर्लाहार, भलाइक काम कर्लाहार, इमान्दार, पबित्र आ आप्न मनका अधिनम राख्लाहार हब पर्तो। 9उ आप्न पाइल ठिक सिछ्या अन्सार जिबन बिताइलाहार हब पर्तो, ताकि ओइले उ सिछ्यास अरुका पनि हौसला दिअ सकुस अनि सिछ्याक बिरोध कर्लाहार्सिक गल्ति देखाब सकुस।
10किरकि थुप्रे मानुकसब अगुवासिक अधिनम रह नाइ मान्लाहार, बेकारक बात कर्लाहार आ ठक्लाहार रहछो। खास करिक खत्ना कर पर्तो कहिक कहलाहारसब एहेन छो। 11ओकर्सिक मुह् बन् कर पर्तो किरकि ओकर्स्या ढेवा कमाब लागि सिखाबि नाइ भेल्हार बातसब सिखाइक सभे घर-परिबारका बिगार्ल छो। 12केरेट टापुक ओकर्सिक आप्ने एक जना अगमबक्ताले एनामे कहल छो, “केरेट टापुक मानुकसब सब्दिन झुठ बज्लाहार, बोनक पसु जक्या खराब बानि भेल अनि कोर्ह्या आ खखरसब छो।” 13यि बात एक्दम साँच्चेक स्यो। ओहेस तुइं ओकर्सिका करा चेताबनि दैक सम्झाइति रह, ताकि ओकर्स्या बिस्वासम जोर्गर हब सकुस। 14ओकर्स्या यहुदिसिक बनावति खिसा आ सत्येका इन्कार कर्लाहार मानुकसिक बातसब नाइ सुनुस। 15जुन मानुकसिक मन सुद्द रहछो, ओकर्सिक लागि सभे कथ्यो सुद्दे रहछो। तर असुद्द आ बिस्वास नाइ कर्लाहार मानुकक लागि चाहिं कथ्यो सुद्द नाइ रहछो किरकि ओकर्सिक मन आ बिबेक दुनु असुद्द रहछो। 16ओकर्स्या पर्मेसोरका चिन्स्यो कहिक दाबि त कर्छो तर आप्न कामस चाहिं पर्मेसोरका इन्कार कर्छो। ओकर्स्या घिल लग्लाहार आ आग्या नाइ मान्लाहार रहछो। अनि कुन्हुँ अस्लि कामक लायकक नाइ रहछो।
Currently Selected:
तितस 1: DANU
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
तितस 1
1
1पर्मेसोरक सेबक आ येसु खिरिस्टक पेरेरित हम पावलले यि चिठि निख्ति स्यो। पर्मेसोरले हम्रा आप्न चुन्ल मानुकसिका बिस्वासम जोर्गर बानब आ ओकर्सिका पर्मेसोरक पैरा देखाइलाहार सत्ये ग्यानक बात अस्लिमे बुझाब लागि पठाइल छो। 2उ बिस्वास आ ग्यान चाहिं सब्दिन रहलाहार जिबनक आसम अर्ल छो, जुन जिबन कह्याहु झुठ नाइ बज्लाहार पर्मेसोरले सन्सारक सिरिस्टि हबस अगाहि आपन्सिका देल्हार बाचा कर्ल छलो। 3ओहेस अखन ठिक समैम पर्मेसोरले आप्न उ बाचाका खुसिक खबरक मार्फत पर्कट करल्को। ओहे खुसिक खबर सुनाब लागि आपन्सिक मुक्ति देल्हार पर्मेसोरक आग्या अन्सार हम्रा जिम्मा देल छो।
4पर्मेसोरम हम्रे जक्या बिस्वास कर्लाहार हम्र साँच्चेक बेटा तितसका यि चिठि निख्ति स्यो। आपन्सिक पर्मेसोर बाप आ मुक्ति देल्हार खिरिस्ट येसुले तोरा किर्पा आ सान्ति दिउस।
एल्डरम हब पर्लाहार योग्यता
5हम तोरा केरेट टापुम यि कारनस छोरिक आइल स्यो कि ओइलगक मन्डलिसिम जुन बातसब सुधार कर पर्लाहार छो, उ सब सुधार कर आ हम्र अराहिल बमोजिम हरेक मन्डलिम एल्डरसब चुन लागि छोरिक आइल स्यो। 6एल्डरसब चाहिं निर्दोस आ एगो मत्रे बहु भेल हब पर्तो। अनि ओकर्सिक बेटा-बेटिसब पनि बिस्वासिलो हब पर्तो। ओकर्स्या खराब बानि भेल आ अटेरि हब नाइ हेतो। 7किरकि मन्डलिक एल्डरले पर्मेसोरक सेबा कर पर्लाहार भेल कारनस उ निर्दोस हब पर्तो। उ घमन्डि, झनक्क पिटाइलाहार, मतबालि, लराइ-झग्रा कर्लाहार आ धन-सम्तिक लोभ कर्लाहार हब नाइ हेतो। 8तर उ मेज्बानसिक सेबा-सत्कार कर्लाहार, भलाइक काम कर्लाहार, इमान्दार, पबित्र आ आप्न मनका अधिनम राख्लाहार हब पर्तो। 9उ आप्न पाइल ठिक सिछ्या अन्सार जिबन बिताइलाहार हब पर्तो, ताकि ओइले उ सिछ्यास अरुका पनि हौसला दिअ सकुस अनि सिछ्याक बिरोध कर्लाहार्सिक गल्ति देखाब सकुस।
10किरकि थुप्रे मानुकसब अगुवासिक अधिनम रह नाइ मान्लाहार, बेकारक बात कर्लाहार आ ठक्लाहार रहछो। खास करिक खत्ना कर पर्तो कहिक कहलाहारसब एहेन छो। 11ओकर्सिक मुह् बन् कर पर्तो किरकि ओकर्स्या ढेवा कमाब लागि सिखाबि नाइ भेल्हार बातसब सिखाइक सभे घर-परिबारका बिगार्ल छो। 12केरेट टापुक ओकर्सिक आप्ने एक जना अगमबक्ताले एनामे कहल छो, “केरेट टापुक मानुकसब सब्दिन झुठ बज्लाहार, बोनक पसु जक्या खराब बानि भेल अनि कोर्ह्या आ खखरसब छो।” 13यि बात एक्दम साँच्चेक स्यो। ओहेस तुइं ओकर्सिका करा चेताबनि दैक सम्झाइति रह, ताकि ओकर्स्या बिस्वासम जोर्गर हब सकुस। 14ओकर्स्या यहुदिसिक बनावति खिसा आ सत्येका इन्कार कर्लाहार मानुकसिक बातसब नाइ सुनुस। 15जुन मानुकसिक मन सुद्द रहछो, ओकर्सिक लागि सभे कथ्यो सुद्दे रहछो। तर असुद्द आ बिस्वास नाइ कर्लाहार मानुकक लागि चाहिं कथ्यो सुद्द नाइ रहछो किरकि ओकर्सिक मन आ बिबेक दुनु असुद्द रहछो। 16ओकर्स्या पर्मेसोरका चिन्स्यो कहिक दाबि त कर्छो तर आप्न कामस चाहिं पर्मेसोरका इन्कार कर्छो। ओकर्स्या घिल लग्लाहार आ आग्या नाइ मान्लाहार रहछो। अनि कुन्हुँ अस्लि कामक लायकक नाइ रहछो।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.