२ तिमोथि 3
3
अन्तिम दिनक बारेम
1तर तुइं अन्तिम दिनम एक्दम डरलग्लाहार दुखक समै एतो कहिक जानिक राख्। 2किरकि उ समैम मानुकसब आप्न मत्रे मयाँ कर्लाहार, ढेवाक लोभ कर्लाहार, हमि स्यो कहिक सोच्लाहार, घमन्डि, अरुक बद्नाम कर्लाहार, बाप-मतारक बात नाइ मान्लाहार, बैगुनिया, अपबित्र, 3कक्राहु मया नाइ कर्लाहार, छेमा नाइ देल्हार, चुग्लि कर्लाहार, छरा, एक्दम डरलग्लाहार आ अस्लि बातका मन नाइ पराइलाहार हेतो। 4ओकर्स्या अरुका धोखा देल्हार, जे मन लग्तो ओहे कर्लाहार, घमन्डस फुल्ल आ पर्मेसोरस बेसि मौज-मज्जाका मन पराइलाहार हेतो। 5ओकर्स्या पर्मेसोरक भक्ति कर्ल जक्या त कर्तो तर ओकर्सिका धर्मि बनाइलाहार पर्मेसोरक सक्तिका चाहिं इन्कार कर्तो। एहेन मानुकसिस तुइं बर्कि दुरि रह। 6किरकि ओकर्सिभोरि कुन्हुँ-कुन्हुँ मानुकसब घर-घरम जाइक पापस भोर्ल आ थुप्रे खालक खराब इच्छाक चाहाना कर्लाहार कम्जोर जनिसिका आप्न अधिनम कर्तो। 7एहेन जनिस्या सिखक त सब्दिन सिख्ति रहछो तर सत्येक ग्यानका चाहिं कह्याहु बुझ नाइ सक्छो। 8जेनामे यान्नेस आ याम्बेरेसले मोसा अगमबक्ताक बिरोध कर्ल छलो, ओनाहिमे यि मानुकस्या पनि सत्येक बिरोध कर्छो। एहेन मानुकसिक बुद्धि बिगर्ल रहछो आ ओकर्सिक बिस्वास पनि देखाबटि रहछो। 9तर ओकर्स्या सब्दिन एना कर्ति रह नाइ सक्तो किरकि यान्नेस आ याम्बेरेसक जक्या ओकर्सिक मुर्ख बात पनि सभेले थाहा पाइतो।
तिमोथिका पावलक आदेस
10तर तुइं त हम्र सिछ्या, हम्र चाल-चलन, हम्र जिबनक लछ्ये, हम्र बिस्वास, हम्र धिरज, हम्र मयाँ आ हम्र सहनसिलताका मान्ल स्या। 11अनि हम एन्टिओखिया, आइकोनियन आ लुस्तरा सहरम केहेन-केहेन दुख आ सताबट सहल्यो कहिक पनि तोरा अस्लिमे थाहा छो। तर प्रभुले हम्रा उ सभे अत्याचारस बचाइल्को। 12जकर्स्या खिरिस्ट येसुम बिस्वास करिक भक्तिक जिबन बिताब चाहातो, ओकर्सिका मानुकस्या सताइबे कर्तो। 13तर पापि आ ठक्लाहार मानुकसब चाहिं अरुका धोखा दैक आ आप्न पनि धोखा खाइक झन-झन बिगर्ति जेतो। 14तर तुइं चाहिं आप्न सिख्ल आ बिस्वास कर्ल बातम जोर्गर भइक रह किरकि उ बातसब तुइं ककर्सिलगस सिख्ल स्या कहिक तोरा अस्लिमे थाहा छो। 15तुइं कन्किएस पबित्र धर्मसास्तरम निख्ल बचनसब जान्ल स्या, जुन बचनले तोरा खिरिस्ट येसुम बिस्वास कर्त खुमा पाइलाहार मुक्तिक बारेम बुझ्लाहार ग्यान देछो। 16धर्मसास्तरम निख्ल सभे बचन पर्मेसोरक आत्मास आइल स्यो। यि सिखाब लागि, अर्ति दिअ लागि, सुधार कर लागि अनि ठिक जिबन जिलाहार तालिम दिअ लागि एक्दम अस्लि छो। 17पर्मेसोरक मानुकस्या सभे खालक अस्लि कामसब कर सकुस कहिक यि धर्मसास्तर देल छो।
Currently Selected:
२ तिमोथि 3: DANU
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
२ तिमोथि 3
3
अन्तिम दिनक बारेम
1तर तुइं अन्तिम दिनम एक्दम डरलग्लाहार दुखक समै एतो कहिक जानिक राख्। 2किरकि उ समैम मानुकसब आप्न मत्रे मयाँ कर्लाहार, ढेवाक लोभ कर्लाहार, हमि स्यो कहिक सोच्लाहार, घमन्डि, अरुक बद्नाम कर्लाहार, बाप-मतारक बात नाइ मान्लाहार, बैगुनिया, अपबित्र, 3कक्राहु मया नाइ कर्लाहार, छेमा नाइ देल्हार, चुग्लि कर्लाहार, छरा, एक्दम डरलग्लाहार आ अस्लि बातका मन नाइ पराइलाहार हेतो। 4ओकर्स्या अरुका धोखा देल्हार, जे मन लग्तो ओहे कर्लाहार, घमन्डस फुल्ल आ पर्मेसोरस बेसि मौज-मज्जाका मन पराइलाहार हेतो। 5ओकर्स्या पर्मेसोरक भक्ति कर्ल जक्या त कर्तो तर ओकर्सिका धर्मि बनाइलाहार पर्मेसोरक सक्तिका चाहिं इन्कार कर्तो। एहेन मानुकसिस तुइं बर्कि दुरि रह। 6किरकि ओकर्सिभोरि कुन्हुँ-कुन्हुँ मानुकसब घर-घरम जाइक पापस भोर्ल आ थुप्रे खालक खराब इच्छाक चाहाना कर्लाहार कम्जोर जनिसिका आप्न अधिनम कर्तो। 7एहेन जनिस्या सिखक त सब्दिन सिख्ति रहछो तर सत्येक ग्यानका चाहिं कह्याहु बुझ नाइ सक्छो। 8जेनामे यान्नेस आ याम्बेरेसले मोसा अगमबक्ताक बिरोध कर्ल छलो, ओनाहिमे यि मानुकस्या पनि सत्येक बिरोध कर्छो। एहेन मानुकसिक बुद्धि बिगर्ल रहछो आ ओकर्सिक बिस्वास पनि देखाबटि रहछो। 9तर ओकर्स्या सब्दिन एना कर्ति रह नाइ सक्तो किरकि यान्नेस आ याम्बेरेसक जक्या ओकर्सिक मुर्ख बात पनि सभेले थाहा पाइतो।
तिमोथिका पावलक आदेस
10तर तुइं त हम्र सिछ्या, हम्र चाल-चलन, हम्र जिबनक लछ्ये, हम्र बिस्वास, हम्र धिरज, हम्र मयाँ आ हम्र सहनसिलताका मान्ल स्या। 11अनि हम एन्टिओखिया, आइकोनियन आ लुस्तरा सहरम केहेन-केहेन दुख आ सताबट सहल्यो कहिक पनि तोरा अस्लिमे थाहा छो। तर प्रभुले हम्रा उ सभे अत्याचारस बचाइल्को। 12जकर्स्या खिरिस्ट येसुम बिस्वास करिक भक्तिक जिबन बिताब चाहातो, ओकर्सिका मानुकस्या सताइबे कर्तो। 13तर पापि आ ठक्लाहार मानुकसब चाहिं अरुका धोखा दैक आ आप्न पनि धोखा खाइक झन-झन बिगर्ति जेतो। 14तर तुइं चाहिं आप्न सिख्ल आ बिस्वास कर्ल बातम जोर्गर भइक रह किरकि उ बातसब तुइं ककर्सिलगस सिख्ल स्या कहिक तोरा अस्लिमे थाहा छो। 15तुइं कन्किएस पबित्र धर्मसास्तरम निख्ल बचनसब जान्ल स्या, जुन बचनले तोरा खिरिस्ट येसुम बिस्वास कर्त खुमा पाइलाहार मुक्तिक बारेम बुझ्लाहार ग्यान देछो। 16धर्मसास्तरम निख्ल सभे बचन पर्मेसोरक आत्मास आइल स्यो। यि सिखाब लागि, अर्ति दिअ लागि, सुधार कर लागि अनि ठिक जिबन जिलाहार तालिम दिअ लागि एक्दम अस्लि छो। 17पर्मेसोरक मानुकस्या सभे खालक अस्लि कामसब कर सकुस कहिक यि धर्मसास्तर देल छो।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.