२ तिमोथि 2
2
पर्मेसोरक अस्लि सेबक
1ओहेस ए हम्र बेटा तिमोथि, तुइं खिरिस्ट येसुम पाइल किर्पास जोर्गर हब्ति जो। 2अनि जुन बातसब तुइं थुप्रे गबाहसिक बिचम हम्र मुहस सुन्ल स्या, उ बातसब अरुका अस्लिमे सिखाब सक्लाहार बिस्वासिलो मानुकसिका सुम्पि धि।
3अनि खिरिस्ट येसुक अस्लि सिपाहि जक्या तुहुँ हमर्सिसङ दुख उठा। 4सेनाम भर्ति भेल मानुकसब दस्रो कामम नाइ अल्झछे किरकि ओकर्सिक सोच् आप्न सेनापतिका खुसि कर लागि रहछे। 5एनाहिमे कुन्हुँ खेलारिले खेलक नियम अन्सार नाइ खेलाइतो त ओइले जितक मुकुट पाब नाइ सक्तो। 6जुन किसानले आप्न पसिना बहाइक खेति कर्तो, ओहे आप्न उब्जाइल बालिक अग्ला हक्दार हब पर्तो। 7हम तोरा जे बात कहति स्यो, उ बातका अस्लिमे बिचार कर् किरकि प्रभुले तोरा यि सभे बात बुझ लागि बुद्धि देतो।
8रजा दाउदक बंसक मोरिक फेरि जिउँत भेल येसु खिरिस्टका याद कर्। हम पर्चार कर्ल खुसिक खबर एहे स्यो। 9एहे खुसिक खबर सुनाइल कारनस हम दुख भोग्ति स्यो। अनि एगो बर्कि पाप कर्ल मानुक जक्या जिजिरस बन्हाँइल स्यो। तर पर्मेसोरक बचनका त जिजिरस बाह्न नाइ सक्ब। 10ओहेस हम पर्मेसोरले चुन्ल मानुकसिक लागि सभे खालक दुख सह स्यो, ताकि ओकर्स्याहु खिरिस्ट येसुक मार्फत मुक्ति आ कह्याहु नाइ ओराइलाहार महिमा पाब सकुस। 11यि बात साँच्चेक स्यो,
आपन्स्या ओक्रसङ मोर्ब त,
फेरि ओक्रेसङ जिउँत पनि हेब।
12अनि आपन्स्या ओक्रसङ दुख सहब त,
ओक्रसङ राज पनि कर्ब।
तर आपन्स्या ओक्रा इन्कार कर्ब त,
ओहोले आपन्सिका इन्कार कर्तो।
13आपन्स्या बिस्वासिलो नाइ रहब तैयो,
उ त सब्दिन बिस्वासिलो रहतो,
किरकि ओइले आप्नि आप्न इन्कार कर नाइ सक्तो।
दुइ खालक सिछ्या
14यि बात तुइं मन्डलिक सभे बिस्वासिसिका सम्झा। अनि सब्दसिक बारेम बाद-बिबाद नाइ कर् कहिक ओकर्सिका पर्मेसोरक अगाम आग्या धि। किरकि एहेन बाद-बिबादले कक्रो भलाइ नाइ कर्छो तर सुन्लाहार्सिक मन मत्रे बिगार्छो। 15ओहेस तुइं लजाब नाइ पर्लाहार आ सत्ये बचनका अस्लिमे चलाइलाहार सेबक जक्या बन्। अनि जखन पनि पर्मेसोरक अगाम एक्दम इमान्दार बन लागि कोसिस कर्। 16तर तुइं काम नाइ लग्लाहार बेकारक बातसिस दुर रह किरकि एहेन बातले त मानुकसिका झन-झन पर्मेसोरस बर्कि दुरि लगाइ छो। 17एहेन सिछ्या सँरिक पसर्ति गेल्हार घा जक्या स्यो। हुमेनियस आ फिलेतस एहेने सिछ्या सिखाइलाहार मानुक स्यो। 18ओकर्स्या सत्ये बातका छोर्ल छो अनि मोर्ल मानुकसब जिउँत भेल्हार काम त अगाहि भइसक्ल छो कहिक कतेक मानुकसिक बिस्वासे खल्बलाइ देल छो। 19तर पर्मेसोरक सत्येता जोर्गर जग जक्या छो। ओइम यि छाप लग्ल छो, “प्रभुले आप्न मानुकसिका चिन्छो” आ “प्रभुक ना लेल्हार सभे जना खराब कामस दुर रहुस।”
20कुन्हुँ धनिक मानुकक घरम सोन आ चाँनिक भरासब मत्रे नाइ रहछे तर काठ आ माटिक भरासब पनि रहछे। कुन्हुँ भरासब खास कामम चलाइछे त कुन्हुँ चाहिं कन्कि-मन्कि कामम चलाइछे। 21जुन मानुकले खराब कामसब छोरिक आप्न मनका सुद्द कर्तो, उ खास कामम चलाइलाहार भरा जक्या हेतो। अनि घरक मालिकक लागि पबित्र, काम लग्लाहार आ सभे अस्लि कामक लागि तयार हेतो। 22ओहेस तुइं जबानिम आइलाहार खराब इच्छासिका छोर आ जुन मानुकस्या पबित्र मनस प्रभुक ना पुकार्छो ओकर्सिसङ प्रभुक अगाम ठिक ठहर्लाहार बात, बिस्वास, मयाँ आ सान्तिक पछा लग। 23तर तुइं मुर्ख आ बेकारक बाद-बिबादस दुर रह किरकि तोरा थाहे छो, एहेन बातस झग्रा मत्रे हब्छो। 24प्रभुक सेबकले झग्रा कर्ल ठिक नाइ स्यो। उ त सभे मानुकसिका मयाँ कर्लाहार, सिखाब सक्लाहार आ अरुक बातका सह सक्लाहार हब पर्तो। 25उ आप्न बिरोधिसिका पनि नम्र भइक सम्झाब सक्लाहार हब पर्तो। एहेन हेतो त सायद पर्मेसोरले ओकर्सिक मन बद्लि देतो अनि ओकर्स्या सत्येका चिन सक्तो। 26एनामे ओकर्स्या होसम आइक सैतानक जालस निकल्तो किरकि सैतानले ओकर्सिका आप्न इच्छा अन्सार चलाब लागि पक्रिक राख्ल छो।
Currently Selected:
२ तिमोथि 2: DANU
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
२ तिमोथि 2
2
पर्मेसोरक अस्लि सेबक
1ओहेस ए हम्र बेटा तिमोथि, तुइं खिरिस्ट येसुम पाइल किर्पास जोर्गर हब्ति जो। 2अनि जुन बातसब तुइं थुप्रे गबाहसिक बिचम हम्र मुहस सुन्ल स्या, उ बातसब अरुका अस्लिमे सिखाब सक्लाहार बिस्वासिलो मानुकसिका सुम्पि धि।
3अनि खिरिस्ट येसुक अस्लि सिपाहि जक्या तुहुँ हमर्सिसङ दुख उठा। 4सेनाम भर्ति भेल मानुकसब दस्रो कामम नाइ अल्झछे किरकि ओकर्सिक सोच् आप्न सेनापतिका खुसि कर लागि रहछे। 5एनाहिमे कुन्हुँ खेलारिले खेलक नियम अन्सार नाइ खेलाइतो त ओइले जितक मुकुट पाब नाइ सक्तो। 6जुन किसानले आप्न पसिना बहाइक खेति कर्तो, ओहे आप्न उब्जाइल बालिक अग्ला हक्दार हब पर्तो। 7हम तोरा जे बात कहति स्यो, उ बातका अस्लिमे बिचार कर् किरकि प्रभुले तोरा यि सभे बात बुझ लागि बुद्धि देतो।
8रजा दाउदक बंसक मोरिक फेरि जिउँत भेल येसु खिरिस्टका याद कर्। हम पर्चार कर्ल खुसिक खबर एहे स्यो। 9एहे खुसिक खबर सुनाइल कारनस हम दुख भोग्ति स्यो। अनि एगो बर्कि पाप कर्ल मानुक जक्या जिजिरस बन्हाँइल स्यो। तर पर्मेसोरक बचनका त जिजिरस बाह्न नाइ सक्ब। 10ओहेस हम पर्मेसोरले चुन्ल मानुकसिक लागि सभे खालक दुख सह स्यो, ताकि ओकर्स्याहु खिरिस्ट येसुक मार्फत मुक्ति आ कह्याहु नाइ ओराइलाहार महिमा पाब सकुस। 11यि बात साँच्चेक स्यो,
आपन्स्या ओक्रसङ मोर्ब त,
फेरि ओक्रेसङ जिउँत पनि हेब।
12अनि आपन्स्या ओक्रसङ दुख सहब त,
ओक्रसङ राज पनि कर्ब।
तर आपन्स्या ओक्रा इन्कार कर्ब त,
ओहोले आपन्सिका इन्कार कर्तो।
13आपन्स्या बिस्वासिलो नाइ रहब तैयो,
उ त सब्दिन बिस्वासिलो रहतो,
किरकि ओइले आप्नि आप्न इन्कार कर नाइ सक्तो।
दुइ खालक सिछ्या
14यि बात तुइं मन्डलिक सभे बिस्वासिसिका सम्झा। अनि सब्दसिक बारेम बाद-बिबाद नाइ कर् कहिक ओकर्सिका पर्मेसोरक अगाम आग्या धि। किरकि एहेन बाद-बिबादले कक्रो भलाइ नाइ कर्छो तर सुन्लाहार्सिक मन मत्रे बिगार्छो। 15ओहेस तुइं लजाब नाइ पर्लाहार आ सत्ये बचनका अस्लिमे चलाइलाहार सेबक जक्या बन्। अनि जखन पनि पर्मेसोरक अगाम एक्दम इमान्दार बन लागि कोसिस कर्। 16तर तुइं काम नाइ लग्लाहार बेकारक बातसिस दुर रह किरकि एहेन बातले त मानुकसिका झन-झन पर्मेसोरस बर्कि दुरि लगाइ छो। 17एहेन सिछ्या सँरिक पसर्ति गेल्हार घा जक्या स्यो। हुमेनियस आ फिलेतस एहेने सिछ्या सिखाइलाहार मानुक स्यो। 18ओकर्स्या सत्ये बातका छोर्ल छो अनि मोर्ल मानुकसब जिउँत भेल्हार काम त अगाहि भइसक्ल छो कहिक कतेक मानुकसिक बिस्वासे खल्बलाइ देल छो। 19तर पर्मेसोरक सत्येता जोर्गर जग जक्या छो। ओइम यि छाप लग्ल छो, “प्रभुले आप्न मानुकसिका चिन्छो” आ “प्रभुक ना लेल्हार सभे जना खराब कामस दुर रहुस।”
20कुन्हुँ धनिक मानुकक घरम सोन आ चाँनिक भरासब मत्रे नाइ रहछे तर काठ आ माटिक भरासब पनि रहछे। कुन्हुँ भरासब खास कामम चलाइछे त कुन्हुँ चाहिं कन्कि-मन्कि कामम चलाइछे। 21जुन मानुकले खराब कामसब छोरिक आप्न मनका सुद्द कर्तो, उ खास कामम चलाइलाहार भरा जक्या हेतो। अनि घरक मालिकक लागि पबित्र, काम लग्लाहार आ सभे अस्लि कामक लागि तयार हेतो। 22ओहेस तुइं जबानिम आइलाहार खराब इच्छासिका छोर आ जुन मानुकस्या पबित्र मनस प्रभुक ना पुकार्छो ओकर्सिसङ प्रभुक अगाम ठिक ठहर्लाहार बात, बिस्वास, मयाँ आ सान्तिक पछा लग। 23तर तुइं मुर्ख आ बेकारक बाद-बिबादस दुर रह किरकि तोरा थाहे छो, एहेन बातस झग्रा मत्रे हब्छो। 24प्रभुक सेबकले झग्रा कर्ल ठिक नाइ स्यो। उ त सभे मानुकसिका मयाँ कर्लाहार, सिखाब सक्लाहार आ अरुक बातका सह सक्लाहार हब पर्तो। 25उ आप्न बिरोधिसिका पनि नम्र भइक सम्झाब सक्लाहार हब पर्तो। एहेन हेतो त सायद पर्मेसोरले ओकर्सिक मन बद्लि देतो अनि ओकर्स्या सत्येका चिन सक्तो। 26एनामे ओकर्स्या होसम आइक सैतानक जालस निकल्तो किरकि सैतानले ओकर्सिका आप्न इच्छा अन्सार चलाब लागि पक्रिक राख्ल छो।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.